بنات جابت لنفسها الكلاااام....!!!

" هو فى رجاله اصلآ " .. بسم الله ما شاء الله الكلمه ده بقت موضه اليومين دول عند كل البنات

كل ما تسأل واحده يا حلوه متجوزتيش ليه وليه ما وافقتيش على

العريس اللى اتقدملك . تقولك ما ارتحتش بعد ما تطلع فيه القطط الفطسانه

ترزع جملة " هو فى رجاله اصلآ "




وسعوا شويه كده عزيزاتى الانسات مصر مليانه رجاله ايوه والبنات اقل من الرجاله ... مصر مفيهاش بنات واللى مش مصدق يجى ورايا للسطور اللى تحت

بتعرفى تطبخى يا حلوه ؟..

اعتقد ان معظم الشباب المتجوز حديثآ بيعانى من المشكله دى لان الست هانم

ملهاش علاقه بالمطبخ لانها كانت مشغوله فى السنين اللى فاتت من عمرها

بال make up والمرايه وسماع عمرو دياب لتكون النتيجه بعد الجواز مصيبة لما تدخل المطبخ

رز شايط .. ومكرونه محروقه .. وفرخه مغسوله بالرابسو

ياريت المسأله تنتهى عن كده .. لأ .. دا فيه غرامات ماديه مش بس الخساير اللى حصلت فى المطبخ

لكن كمان فلوس اكل التيك اواى اللى هايجى من بره والميزانيه تضرب

يعنى اتجوزتك يا حبيبى علشان يا عينى تخرب بيتك , واوعوا تفتكروا ان الضعف العام

اللى بيعانى منه الطفل المصرى بسبب الفقر بس , صدقونى السبب الرئيسى

ان الامهات الشابات مبيعرفوش يعملوا اكله عدله لا للراجل ولا للبيبى

طيب ..
تعرفى يا حلوه تعملى ميزانيه

الحق يتقال ان معظم بنات اليومين دول شطار فى عمل ميزانيه لل make up

وسى ديهات عمرو دياب واليسا وتامر حسنى والبرفانات وممكن تكون رومانسيه قوى

فتربيلها فى البيت قطه .. والقطه عايزه اكل او سلحفاه والسلحفاه سخنت عايزه دكتور

وتلاقيها مهتمه بالورد .. يعنى يعيش الورد والسلحفاه والقطه ويموت الراجل من الجوع

" انت مش مهتم بيه " شعار خراب البيت على ايد الاموره الشابه يبدأ من هنا

والمصيبة بقى " انت ما بتحبنيش زى الاول " ..

ومن هذه الجمل الشاب المسكين يحاول ان يثبت للهانم انه مهتم بيها وانه بيحبها

سينما يالا .. مصيف يادوب نلحق .. الشهر اللى جاى يومين فى شرم وبسبب الاثبات ده

غالبآ ما بيتفصل من شغله المسكين .. ولو ما حاولش يرضى الحلوه تلاقيها رافعه عليه

قضية خلع , الله يرحمك ياست امينه يا اميره يابنت الامرا ويرحم ايامك اللى كنتى بترضى

فيها بأى حاجه وعمرك ما قولتى مش مهتم بيه .

ثم فين البنت النهارده اللى تقدر تستحمل ظروف الشاب ؟.. وتقدر تحافظ على اسرار الراجل

من غير ماتنشرها ويلاقيها تانى يوم عند صاحبتها مديحه وانتيمتها رشا وزميلتها نهله

ثم ايه حكاية " استقلالى ومشاعرى .. واحساسى .. وشخصيتى "

فين ايام امهاتنا وجداتنا اللى كانت الواحده منهم ستر وغطا على راجلها ..

تعرف تحافظ على بيتها وتربى ولادها .. وتخفف على جوزها مشاكل شغله وتوفر له

الراحه والهدوء وتستناه بالميه السخنه والملح ... مش عايزين ميه سخنه بس عايزين زوجه عدله

بذمتكم .. الشاب مننا يتجوز مين ؟.. ويروح ليه لواحده تحرق دمه .. شبكه وشقه

والفستان بتاعى .. اصل انا عايزه فرحى يتحكى بيه

دا لو دفع فيها 50 جنيه وهى بالمواصفات اللى فاتت دى تبقى واقفه عليه بخساره
(((بس انا رأي ان فيه بنات شاطره جدا وبتكتمل فيها المواصفات الكويسه لتكون ست بيت)))
:bounce: موضوع للنقاش :bounce:

هههههههههههههههههه

ايه يا ماتركيس مالك داخل سخن علينا كده
براحة طيب والله لسه فيه بنات قمرات وربات بيوت ومش بيحطو ميك اب ولا حاجة

ومش لاقيين عرسان عندكشي واحد ليهم

موضوع هايل بجد ويستحق النقاش

لالالالالالالالالالالالالالالالالا
ماتركس مبهدلنا ع الاخر يا جماعة
اوعوا حد يسمع كلامه
ده البنات الطف الكائنات
وشرباتات
وقمرات
وعسولات
اهدى يا عم ماتركس
وعاوزين شاب جامد كده
يدخل يقول فينا كلمتين حلويين

وانا اشجع بيور وشمس فى رايهم


براحه شويه يا ماتريكس

ايه يا عم براحه علينا طايح فينا كده ليه
شكلك مريت نتجربه وحشه
اصل هو كده السيئه بتعم
و على العموم متشكرين

matrix كتب:

"


اعتقد ان معظم الشباب المتجوز حديثآ بيعانى من المشكله دى لان الست هانم

ملهاش علاقه بالمطبخ لانها كانت مشغوله فى السنين اللى فاتت من عمرها

بال make up والمرايه وسماع عمرو دياب لتكون النتيجه بعد الجواز مصيبة لما تدخل المطبخ

رز شايط .. ومكرونه محروقه .. وفرخه مغسوله بالرابسو

ياريت المسأله تنتهى عن كده .. لأ .. دا فيه غرامات ماديه مش بس الخساير اللى حصلت فى المطبخ

لكن كمان فلوس اكل التيك اواى اللى هايجى من بره والميزانيه تضرب

يعنى اتجوزتك يا حبيبى علشان يا عينى تخرب بيتك , واوعوا تفتكروا ان الضعف العام

اللى بيعانى منه الطفل المصرى بسبب الفقر بس , صدقونى السبب الرئيسى

ماشى ياعم انا شايفة ان انتا جاى علينا فى معظم مواضيعك
خلينى معاك للاخر

بالنسبة للطبخ
فية بنات كتيرة بتعرف تطبخ كويس جدا واحسن من الست امينة

بالنسبة لميزانية البيت او غيرة
اقولك على حاجة انا مش بستعمل المكياج خالص ولا عندى منة اى حاجة
لانى بقول دى فلوس فى الارض وحاجة بتضر ومش بتنفع
وبحافظ على الفلوس وفيى زيي بنات كتير بس الوحش هوا الى بيبان
فمثلا لو جبت ازازة مية كبيرة او جردل مثلا وحطيط فية نقطة حبر المية كلها بتتعكر

فانا ملاحظة ان الى بيلفت نظر الشباب هيا البنت الى لبسها ضيق وغيرة اما البنات المحترمين فهما كتير

اما بالنسبة للاطفال فان الام بتخاف على ابنها اكتر وحدة

ونصيحة منى ليك ياريت تعيد النظر فى وجهة نظرك دى تانى

شكرا ليك
ومع تحياتى

هههههههههههههههههه
توبيك لذيذ يا ماتركس
بس بالراحة علينا شوية مش اوي كده

ههههههههههههههههههههههههههههه

ههههههههههههههههههههههههههههههههههههههههههه