فن إتيكيت عزومات الخطوبة والرانديفو

آنستي العزيزة..

لو ربنا فك عقدتك واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه إلى مثوااااه الأخير في قفص النسانيس قصدي قفص الزوجية السعيد..

أجمل ما في الخطوبة العزومات الرومانسية على أحلى محلات أكل ف البلد واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....

1. الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2. العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3. الشوووربة أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا السلطانية اللي بتقيميها على بقك ف البيت وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

4. الرز طبعاً بيتاكل بالشوكة أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5. المكرونة.. الاسباكتي برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6. السمك مشكلة.. شوفي.. بتفصلي اللحم عن الشوك. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك..

7. الجمبري -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية بالشوكة.. أنا ف عرضك إنسي المصمصة دلوقت..

8. البطاطس سواء مسلوقة أو محمرة أوعي تهرسيها وتدبيها ع الرز وتدي لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9. الفاكهة.. لو الفاكهة فيها بذر طلعيه من بؤك بالراحة وحطيه ف إيدك وهي مقفولة وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10. ولما تخلصي أكل تحطي إيدك على بطنك -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح ماكياجك وتخشي التواليت وتطلعي من شنطة إيديك.. لفة الفول والطعمية اللي جايباها معاكي وبالهنا والشفااااااااااااا

بس والله حلوة

منقول

10. ولما تخلصي أكل تحطي إيدك على بطنك -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه......
هههههههههههههههههههههههههههههههههههههههههههههههه
دا انت مبهدلنا خالص يا ميدو
الله يسامحك
ع فكره اكيد انت بتتكلم ع حد تانى ههههههههههههههه
تسلم ايدك ع التوبيك

ههههههههههههه توبيك جامد اوى ميرسى ليك

هههههههههههههههههههههههههه
ايه دة يا ميدو
تحفه تحفه تحفه
وعجبتنى اوى التعليقات
لو ربنا فك عقدتك واتخطبتي
عزومة مع ختيبك.. قلنا رقَّه ....

3. الشوووربة أبوس كعب رجلك
والله توبيك ملوش حل
ميرسى جدا جدا

هههههههههههههههههه
والله منورين يا احلى بنات
انتوا عارفين بقول الكلام ده من ورا قلبى
هههههههههههههههه

وبجد مروركم جميعا اسعدنى وشرفنى
تسلموا

ميرسى يا مارو
ميرسى يا جانا
ميرسى يا همس

شكرا جزيلا

كان معاكم
Gedooooooooooo

يخرب بيت الموضوع ده فاجر بصراحه
تسلم يا راجل يا عم دول بيعقدونا

alostaz كتب:: يخرب بيت الموضوع ده فاجر بصراحه
تسلم يا راجل يا عم دول بيعقدونا

ههههههههههههه
نورتنى والله
كفاية ردك ده بس
ميرسى يا باشا

هههههههههههههههههه
بجد توبيك تحفة

آنستي العزيزة..

لو ربنا فك عقدتك واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه إلى مثوااااه الأخير في قفص النسانيس

ههههههههههه
تحفة ياميدو بجد جامدة تسلم

ميرسى يا لولو
ميرسى يا سلوان
نورتوا التوبيك كتير
تسلموا يا احلى بنات
ويارب يكون التوبيك عجبكم

بجد والله عندك حق
بس للزيادة
الشوكة فى الشمال والشكينة فى اليمين وبعد التقطيع
بنبدل الشوكة فى اليمين والسكينة فى الشمال ودى التقاليد الاسلامية لان الاكل باليمين
مش بالشمال زى الغرب
وبعدين الفوطة فى الاول بتتفردعلى الحجر يعنى لما تعقدى مش الاول تحطيها على حجرك لا
لما ينزل الاكل من المتر تبدئ فى فرد الفوطة براحة وبعدن تحطيها على حجرك فاهمة ولا
وبعدين تبدئ باكل المقبلات يعنى السلاطات وغيرها لما يمزل الطبق الرئيسى فاهمةولا
وبعدين شوكة الرز تختلف عن شوكة السلطة لاحظى وجود شوكة بثلاث شوك دى للسلطة وباربع شوك دى للرز مش العكس واوعى وانتى بتاكلى تفتحى بؤك لانة عيب بعد ما تزلتى الاكل ابقى اتكلمى واختارة المواضيع

» للى مقبلة على الخطوبة ....شوفتى دة
» مواقف الخطوبة المحرجة ....
» تطور ردود البنت فى الخطوبة من 1930 الى 2030
» بالصور تامر حسني يعلن خبر الخطوبة ووضعا الخاتميْن أمام جمعٍ غفيرٍ من الجالية العربية.
» " السوشي اليابانى " يجمع قلب زيدان و مى عز الدين ...و إعلان الخطوبة رسميا ً فى مايو ؟