مكاسب كتييييييييييير من ماتش الجزائر

أولا ألف ألف ألف تريليون مبروك لكل الشعب المصري الجميل الي قاعد في أم الدنيا .. و الي قاعد براها .. و الي في الجزائر ربنا يعينهم .. و تحية كبيرة للمحمدي و زيزو و غالي .. و اوعا يجيلك جدو .. و لا تقولي زياني و لا بو قرة .. منتخب مصر بإذن الله أبطال القارة .. و عم محمد شمسية الي واقف في البلكونة هناك ده تحية كبيرة ليه .. و يا رب الست خضرة ما تجيبش بوليس الآداب عشان الكلام كبير ..
مبروك الأداء المرمطة .. و النتيجة المسخرة .. و المنتخبات الي بتبان على حقيقتها وقت ما المسجلين مش بيكونوا موجودين .. و مبروك لكل شعب مصر و الجهاز و اللعيبة ..

ارقام قياسية تتحطم

- منتخب مصر بيحطم ارقامه القياسية باستمرار .. الرقم القياسي لعدد مرات عدم الخسارة المتتالية في الكان .. 18 ماتش .. و بعون من عند الله الـ 19 يوم الاحد .
- 8 مرات وصول نهائي كاس الامم .. بعد ما كان الرقم القياسي ليه بردو هو بـ 7 مرات .
- أكبر نتيجة في تاريخ نصف نهائي كاس الامم و ايدي بتاكولني اعمل رقم اربعة .

- معودناش نسمع كلمة مصر مش بتكسب الجزائر بره مصر .
- معودناش نسمع كلمة مصر مش بتكسب الجزائر في كاس الامم .
- لو بإذن الله كسبنا غانا .. هنبقى عادلنا رقم الكاميرون تقريبا في عدم الخسارة أو التعادل فوز البطولة ( العلامة الكاملة )

- أحمد حسن 171 .. ربنا يحفظه .

- جدو هداف الكان .

- 14 هدف في 5 مباريات .. و المنافس غانا جايب 4 في 5 . . بس الحذر .. غانا بتخطف و تنام ( زي اخواتنا ) بس يا عيني ما شافوش لا خطف و لا اغتصاب .
- أقوى هجوم في البطولة باكتساح .
م الآخر دلعععععععععععععععععععععععععع

نقطة تانية ..
الحكم كوفي كودجا الرائع .. يا ريت الاخوة الي بيقولوا اتظلمنا .. حد فيهم يناقشني - فنيات - بس .. ازاي ظلم كودجا الجزائر ؟؟ ..
يعني يقولي لا حاليش ممسكش متعب من كتفه و أعاقه عن التسديد و هو كان لوحده !!
.. أو يقولي بلحاج مدخلش دخلة عيل صغير مش دكر بيلعب دوري انجليزي ..!!
أو يقولي إن شاوشي ابو قورة مضربش جدو . !!
أو يقولي إن كورة جدو الي راح على شاوشي كانت أوفسايد أساسا !!
أو يقولي إن شاوشي كان لازم يتطرد من الشوط الاول اساسا لما ادا الحكم بدماغه الي بتنبت دي !!
أو يقولي متعب مكنش ليه ضربة جزاء لما حدفوه عنطر و بوقرة على بعض كيما الضمية !! ( الضمية = اللعبة ) !!
أو يقولي زياني مكنش عليه إنذار لما ضرب المحمدي ( الحراق ) من غير كورة خالص !!
او يقولي أو يقولي أو يقولي ..
الي شايف بعد الكام سطر دول حاجة فيها مناقشة يناقشني .. بس اخواتنا الظاهر بيفرحوا اوي لما حد يتطرد .. عشان يقرفونا و يعوجوا بؤهم و يقعدوا يقولولك شراو .. و مبيوعة بالفول و الملوخية .. و فيفي عبضه كانت مع كوضجا في لانجولا ..

مكاسب على السريع

الغالي تمنه فيه !!

أول أهدافه أجمل أهدافه .. و الزيزو يرقص بلحاج رقص بلدي ..

أمنية ( أمنية مين ؟؟ )

نكسب غانا بعون الله ان شاء الله ..
و يبقى الكاميرون .. زبايننا المفضلين ..
و نيجيريا .. زبايننا المفضلين ..
و كوت ديفوار .. زبايننا المفضلين ..
و غانا .. بعون الله .. الواحد مش عايز يتغر بس ..
و الجزائر .. لا تعليق ..

و آدي الي اتأهلوا للمونديال !!!

شدييييييييد يا صقر
دايما بنتظر منك التوبيكات الحراقة دى بعد كل ماتش
تسلم ايديك يا باشا والله
توبيك ف قلب شبكة شاوشى
وابقى سلملى على سعدان اصله واحشنى اوى

Gedooooooo
الراعى الرسمى لأهداف البطولة

حبيب قلبى ياميدو

ميرسى كتير على ردك يا جميل

» مكاسب بالجملة في اكتساح مصري كبير لاستراليا.. وجدو الخسارة الوحيدة
» كاس الامم الافريقية : مصر 4 - 0 الجزائر
» يلا نلعب ماتش بين الاهلاويه والزمالكاويه
» الراجل ابو جلابية اللى نزل فى ماتش الزمالك
» كاس الامم الافريقية :مالاوى 3 - 0 الجزائر