>>[انا كدة هو كده ]<<

أحياناً كتير بنفشل, بنخطئ, بنعمل حاجات غلط, دة طبيعى

و عادى, و مش مشكلة كمان,,,
لكن لما تيجى تسأل اللى عمل كد عمل كدة ليه و يقول لك:
"الظروف"أو "ظروفى كدة"
دة كمان طبيعى و عادى, و بيحصل أحيان كتير برضه, بس مشكلة,,,
و هنا هنتكلم شوية.

v

v

v

مفيش حاجة أبدا اسمها ظروف تأثر على أفعال واحد, أبدا.
لا لا لا أنا ماقصدش كلام تشجيعى فعلا, الظروف مبتأثرش على الشخص,

يعنى اللى والده حرامى و والدته كمان و إخواته كلهم حرامية ,
لو طلع حرامى يبقى عيبه هو مش عيب ظروفه,
لكن و بشكل مذهل، هتلاقى ان كونك لما حد يسألك عن حاجة غلط عملتها,
و تستعين بالظروف عشان تلقى عليها اللوم.
هتلاقى اللى قدامك صدق, و الموضوع بيتحل, حتى انت قدام نفسك شايف
نفسك برئ, و المذنب : الظروف.

دا بس عشان الظروف مالهاش لسان تدافع بيه عن نفسها و تقول ان احنا و
احنا بس اللى مسئولين عن 100% من تصرفاتنا,
فكل انسان ليه ممممممممممم نقدر نقول عقله المتميز اللى اتولد بيه, و هو دة اللى
بيتحكم فى كل تصرفاته, غير مأخوذا فى الإعتبار تماما الظروف فى حسابات
اتخاذ القرار, لكن كالعادة الإنسان لما بيعمل حاجة صح بينسبها لنفسه,
و لما بيعمل حاجة غلط يلزقها لغيره, خاصة لو كان بلا لسان.
ياما كان فيه ناس ظروفهم وحشة قوى و طلعوا كويسين جدا,

مثال:

,د.أحمد زويل, اتعلم تعليم أقدم و أقل تطورا من تعليمنا فى المدرسة و فى الجامعة,

(أو على الأقل زينا)
لكن مقالش تعليمى كدة...
, وياما فيه ناس ظروفهم كانت كويسة, و مطلعوش حاجة خالص,
كل واحد فينا متميز بذاته

, مش زى حد, مش طالع لحد,
و برضه كل واحد فينا شخصيته مسئولة عن كل قراراته اللى بياخدها,
مهما كان وسطك من الناس, مش زى مبادئك,
مهما الظروف كانت وحشة, و بتصدك

مهما لقيت الدنيا صعبة عشان انت مختلف,
متسيبش الحبل و تقع و تبقى زيهم, و تقول عشان هم كدة, انا هبقى كدة,
و تبقى معملتش حاجة غير انك زودتهم واحد.　
الغرض من الموضوع

محدش يقول ظروفى كدة عشان كدة انا طلعت كدة.
محدش يقول أنا كدة أو عملت كدة عشان ظروفى كدة,
محدش يقول أصل الوسط اللى انا فيه (أهل-صحاب-مجتمع) كدة, فلازم أبقى كدة.
اما مبقولكش ماتعملش حاجة غلط
لكن لوسمحت, لوسمحت, لو سمحت,

لما تغلط قول أنا كدة!!!!!!

توبيك هايل ياتيتو
ومضمونة روعة تسلم ايدك

توبيك جميل ميرسى

مرسييييييييييييييه ياتيتو وبجد حلوة جدااااااااااااااااااا فكرة التوبيك ده

توبك حلو فعلا المفروض مش ترمى اخطائنا على الظروف احنا الى بنصنع الظروف ونقدر نغير فيها

تسلم ياتيتو

عندك حق أوقات ممكن نعمل حاجات غلط وننسبها لظروف تسلم

ايه يا عم الجمال ده
توبيك هاااااااااايل
بجد تسلم ايدك
لوووووولو

و تبقى معملتش حاجة غير انك زودتهم واحد.عجبتنى الجمله دى اوى والتوبيك كله تحفه