السلام عليكم ورحمة الله وبركاته
بعد الحمد لله والصلاة والسلام على أشرف المرسلين سيدنا محمد(صلى الله عليه وسلم)
حملة
(هنتغير بجد)
للشباب والفتيات
هدفها من اسمها هنتغير بجد
سياستها تحبيب الشباب فى الأسلام
شعارها هندخل الجنة سوا
ستتكون الحملة من حلقات كتير وكل حلقة لها اسم
وكل اسم بدور حوله الحلقة
وكل حلقة عبارة عن حوار بين اتنين
الاول وهو اللى هيغيرنا بجد
والتانى هو الشاب أو الفتاة
يعنى أنا وأنت ورجاء من كل قارئ
يقول رأيه بصراحة وأنا مش هزعل
وياريت نطبق الكلام ده بجد
علشان نتغير بجد ونفرح نبينا
وندخل الجنة سوا
ومهما تكون ذنوبك ومعاصيك وبعدك عن ربك
معانا كلنا هنقرب قوى من ربنا
بس خليك معانا
يالا بينا
الحلقة الأولى
(المقدمة)
- السلام عليكم
- وعليكم من السلام
- عامل ايه
- تمام
- ومع ربك عامل ايه؟
- زى كل شاب بعيد عن ربنا
وكل فين وفين لما يركع الركعة
وباستخدم بصرى فى الحرام
وبعوق أبوى وأمى
و...و....
-طب وأنت ايه اللى بعدك عن ربنا؟
- كل واحد يقولى لازم علاقتك مع ربنا تكون عشرة من عشرة
- يعنى ايه؟
- يعنى معظم الناس متبعة قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مافيش حد ماشى فى النصف
بس منحاز لليمين شوية
- وأنت عجبك حالك مع ربنا؟
- لا طبعا
اعمل ايه؟
وبعدين استحالة ربنا يغفرلى ذنوبى
ده أنا عملت ذنوب ماحدش عملها فى الدنيا
وعملت كبائر كتييييير و...و...
- أنت مصدق ربنا فى كل كلامه؟
- طبعا من غير تفكير
- ممكن تسمع الآية دى
- اتفضل
- (قل ياعبادى الذين أسرفوا على أنفسهم لاتقنطوا من رحمة الله ان الله يغفر الذنوب جميعا اه هو الغفور الرحيم)
- صدق الله العظيم
- أنت مش حاسس أن الآية دى بتكلمك أنت
- حاسس
- خلاص أنت لسه مش متأكد
ان ربنا هيغفرلك ويمسحلك كل ذنوبك ويعتقك من النار
- أنا ماقلتش كده
- امال ايه؟
- أنا قصدى من السهل أن أعمل أى عمل وربنا يمسح كل ذنوبى
- أنت ماتعرفش من هو الله؟
- انا عارف
- ماتعرفش ان ربنا كريم
ورحيم وعظيم
ولما يغفر كل ذنوب العالم
مش هينقص من ملكه شئ
- عارف والله
- امال مستنى ايه
طب تخيل معايا المشهد ده
لو قلت اللى عاوز ربنا يغفرله يرفع ايده
الناس هتنقسم ل3 أنواع
النوع الأول هيرفع ايده من غير مايفكر
النوع التانى هيرفع ايده وهو بيقول أنا هعصى ربنا تانى بس
اهو تقل ذنوب
النوع التالت بيقول حتى لو ربنا مسح ذنوبى هعصى ربنا تانى أنا كده كسبت ايه
- قصدك ايه من المثال ده؟
- قصدى خليك ذكى وثق فى ربنا
وتأكد أنه مش هيرفضك
بس ارفع ايدك بجد
وسيب الباقى على ربنا
- والله أنت غيرت تفكيرى خالص
قولى بقى ازاى ربنا يغفرلى كل ذنوبى
- ده اللى هتعرفه فى الحلقة التانية باذن الله
تيقن نفسيا ان ربنا هيغفرلك ولايبالى
يالا سلام
- قول السلام عليكم أحسن
- انت صح
السلام عليكم
- وعليكم من السلام ورحمة الله وبركاته
الى اللقاء فى الحلقة التانية
فى حملة هنتغير بجد
موضوع: حملة (هنتغير بجد) 
الأربعاء فبراير 17, 2010 5:37 am
