4ever with me
مشرف العام
 
عدد المساهمات : 5075
العمر : 35
المزاج : Happy
الدوله : 
المهنه : 
الهوايه : 
النقاط : 60001
 |  موضوع: سومه اللى جننت العفريت  الإثنين فبراير 22, 2010 8:32 am | |
| الحج عفريت : نياهاهاهااااااا شوبيكى لوبيكى خدامك بين ايديكى
سومه: بسم الله الرحمن الرحيم لا حول ولا قوه الا بالله ...
صلى ع النبى كدا يا خويا حد قالك عاوزه انا خدامين...
بعدين متنفش ريشك قوى كدا لتفرقع يا خويا ولا يطقلك عرق....دا العمر مش بعزقه...
الحج عفريت: ييييييييه كل مره اقولهم بلاش ستات الكلمه يترد قصادها ميه واغبيه يا معين يا رب
...اطلبى وانا انفذ يا ستى ...وانجزى بقى خلصينى
سومه: ياحلاوه يا ولاد دا عامل زى عفروتو بتاع المرسحيه قصير واقرع ....
الحج عفرت:احنا حنقبح بقى ولا ايه ليه طوله اللسان دى اللهم طولك يا روح
سومه:هع هع هععع يطولها ؟؟؟
اذا كنت انت نموك وقف على الحجم دا دا انت ولا خاتم سليمان يحوق معاك....
بقولك ايه اما انت تعرف تنفذ طلباتى طيب ما تطول نفسك شويه ولا تطلعلك شعر
الحج عفرت:يا ستى انا عاجبنى منظر اهلى كدا اطلبى السبع طلبات بتوعك وانجزى دا هى مجيه سوده
سومه:الله مالك كدا ياخويا من ساعه ما جيت وانت نازل تنأويز ...على ايه يا حسره ....امال لو طويل حبتين...
وعمال خدامك ومش خدامك
الحج عفرت :ماشى يا ستى انا اسف ...مش حتكلم حسيبك لضميرك الاسود
ابوس رجليكى اطلبى انا ورايا ابنى لازم اعدى اجيبه من تدريب الزحلقه ع السحاب
سومه:اهى ى ى لا هو انتوا عندكم ولاد
الحج عفرت :امال يعنى بننقرض
سومه:وانت من اى قبيله اتيت....بس عرفتك تكونش بتاع كارتون السنافر....
شاطره يا سومه والنبى طول عمرك نبيهه يا بت
الحج عفرت: دى حتغلط بقى انا من الجن الابيض يا ستى خلصى
سومه:اشتاتا اشتاتا اشتوت ....اتفووووو
الحج عفرت:يا وليه يا مضروبه بتتفى عليا
سومه:لا يا خويا وانا اقدر...بتف فى عبى يمكن تنصرف
الحج عفرت:اطلبى وانا اجيبلك اللى تعوزيه
سومه:شوف بقى انا غير كووووول الستات اللى انت عرفتهم ومطالبى تختلف عن الاخرين
الحج عفرت:وانا تحت امرك
سومه:بس قولى الاول احضرك ازاى..؟؟؟
الحج عفرت :ياستى ما انا مزروع اهو حتحضرينى ليه
سومه:اه صحيح طيب يا سيدى متتنرفزش الزعل مش حلو عشانك
يعنى لو قلتلك عاوزه عربيه انت ممكن تجيبلى
الحج عفرت:طبعا فورا اجيبلك بس قولى نفذ وانا انفذ...عاوزاها نوع ايه
سومه:اهو شوف فهمتنى غلط انا قلتلك انا مش زى الستات العبيطه مش عاوزه عربيه
الحج عفرت:يا خواتى ارحمنى يا رب
سومه:دا ايه يا خويا العفريت المستعجل دا مكانوش قادرين يبعتولى واحد فاضى موراهوش عيال
طيب اسمع يا خويا انا حخلصك خالص لو طلبت منك اسرائيل تنكشح عن فلسطين تمشيها
الحج عفرت:يعنى انتوا بكل رجالتكم يا عرب وهى قاعده فى فلسطين وعاوزانى انا يا غلبان امشيها ....
سومه:خلاص اهو ادينى طلبت عشان متقولش وتشتكى انت اللى معرفتش تنفذ....
بس فاضى تقول مش فاضى وعندى مواعيد
اسمع رأفه بيك انا عاوزاك تنضف البيت بدالى النهارده وتعمل اكل فى التلاجه يكفى سى بطيخ اد اتناشر شهر....
وتسيأ السلم بدالى كل اول اسبوع....وياريت تجيبلى عربيه بتنجر احط فيها الخضار....و...........
الحج عفرت:نعمممممممم يا دلعدى
سومه:هههههه العفريت رطن بالبلدى
الحج عفرت:يعنى انا جاى من زحل ارض ارض عشان تقوليلى اسيأ السلم ....واقطف ملوخيه
سومه:اه والله فكرتنى نسيت حته تقطيف الملوخيه
الحج عفرت :يا وليه ارحمينى تحبى اجيبلك جاجوار...ولا هامر تركبيهم
سومه:ودول ايه دول يا خويا ...
لا الحمد لله طقم السنان بتاعى شغال ميه ميه..الكوبرى تاعبنى شويه بس ماشى
الحج عفرت:طيب تحبى اجيبلك شقه 1000 متر على النيل
سومه:لالالالا ايه العفاريت المؤذيه دى
دوشه ورطوبه... انت عاوز تقطم وسطى مين حينضف المساحه دى كلها...قال ويقولى فى خدمتك..
الحج عفرت:طيب تحبى تسافرى وتلفى العالم
سومه:يا نصيبتى اخرج من بيتى فى غير علم سى بطيخ دا كان يقتلنى...
ثم انا ميهونش عليا زعله....
ثم يا خويا الف العالم فيه ايه زياده عن اللى فى بيتى سى بطيخ مكفينى وجايبلى كلشن كان.
اه امال ايه.؟؟؟
الحج عفرت:طيب تحبى اخلصك من سى بطيخ نفسه
سومه:يا خويا بعد الشر تف من بقك
ان شاء الله انت وميه زيك ....
هو صحيح عينه زايغه....ولسانه طويل وايده باطشه....وجزمه ديما طايره ....
بس الست مننا ايه منغير بطيخها ....والعيال مين حيشيلهم مين يشيل مشاكلهم....
الحج عفرت :انا زهقت منك...مش ممكن واحده معندهاش ولا طلب....
طيب اسمعى اجيبلك ذهب ياقوت مرجان..الماظ....
سومه:هههههه شوف العبيط سى بطيخ جايبلى شبكه جوا دبله ومحبس وحتتين غوايش وسلسله ما شاء الله...
عبيط يقولى مرجان ....لا وعايز يضحك عليا بحته ازازه
ويقولى عليها ماس و مرجان طيب دى راحت ولا جات ازازه....بس متلمعه ..اما عفريت خرع بصحيح..
طيب انا حريحك ...لو حزفت اجابتين انا ممكن اقولك الاجابه الصح عدل
الحج عفرت:هو انا جورج قرداحى ...تحزفى اجابتين جديده دى
سومه:خلاص انا عرفت سياتك تبقى مين
الحج عفرت:الحمد لله وحتطلبى بقى خلاص مش كدا
سومه:اه يا خويا...زيع زيع انا معنديش ايتوها مانع مش انتوا بتوع الكاميره الخفيه
الحج عفرت:يا خوااااااااااااااااااتى انا حعتزل المهنه
انا شوفت كتير وقليل لكن غبيه وبارده ومبتفهمش ثلاثه فى واحد انتى حطمتى القواعد
سومه:طبعا يا خويا نحن نختلف عن الاخرين ونزيد | |
|
فرولايـــــه
عضو ماسى
 
عدد المساهمات : 8186
العمر : 33
المزاج : لا اله الا الله
الدوله :
المهنه : 
الهوايه : 
النقاط : 64504
| | موضوع: رد: سومه اللى جننت العفريت الثلاثاء فبراير 23, 2010 6:51 pm | |
| هههههههههههههههههههههههههههههههههههه
جامده يا ميدو تسلم يا قمر | |
|
shahd elhayah
عضو فضي
 
عدد المساهمات : 451
العمر : 32
المزاج : تمااااااااااام
الدوله :
المهنه :
الهوايه : 
النقاط : 54992
| | موضوع: رد: سومه اللى جننت العفريت الثلاثاء فبراير 23, 2010 11:51 pm | |
| هههههههههههههههههههههههههههههههههههههه ايه الحلاوة دى بد هايلة يا ميدوو تسلم ايدك | |
|
4ever with me
مشرف العام
عدد المساهمات : 5075
العمر : 35
المزاج : Happy
الدوله :
المهنه :
الهوايه :
النقاط : 60001
| | موضوع: رد: سومه اللى جننت العفريت الأربعاء فبراير 24, 2010 2:55 pm | |
| - فرولايـــــه كتب:
هههههههههههههههههههههههههههههههههههه
جامده يا ميدو تسلم يا قمر تسلمى يا فرولايه منورانى دايما
| |
|
4ever with me
مشرف العام
عدد المساهمات : 5075
العمر : 35
المزاج : Happy
الدوله :
المهنه :
الهوايه :
النقاط : 60001
| | موضوع: رد: سومه اللى جننت العفريت الأربعاء فبراير 24, 2010 2:55 pm | |
| - shahd elhayah كتب:
- هههههههههههههههههههههههههههههههههههههه ايه الحلاوة دى بد هايلة يا ميدوو تسلم ايدك
الهايل ردك شهد منوره التوبيك
| |
|
ṜěĐ Ṝøšě
مشرفه قسم الارشيف
 
عدد المساهمات : 2583
العمر : 29
المزاج : متقلب
الدوله :
المهنه :
الهوايه : 
النقاط : 58403
| | موضوع: رد: سومه اللى جننت العفريت الأربعاء فبراير 24, 2010 3:12 pm | |
| نعم بلاش تغلط فى سومه هههههههههههههههههههههههه ثانكس توبيك روعه يا ميدو وانت مش باين ليه يا ابنى مختفى خالص كده ليه | |
|
4ever with me
مشرف العام
عدد المساهمات : 5075
العمر : 35
المزاج : Happy
الدوله :
المهنه :
الهوايه :
النقاط : 60001
| | موضوع: رد: سومه اللى جننت العفريت الجمعة فبراير 26, 2010 8:59 am | |
| - الورده الحمراء كتب:
- نعم بلاش تغلط فى سومه هههههههههههههههههههههههه ثانكس توبيك روعه يا ميدو وانت مش باين ليه يا ابنى مختفى خالص كده ليه
معلش يا سومه هههههههههههههههههههههههههههاى
اهو كنت مسافر شويه وجيت اهو بس على الله مش تزهقوا منى
| |
|
