حد عمل دماغ ناس قبل كده ......... ( ادخل وجرب )

بسم الله الرحمن الرحيم

معملتش (دماغ ) قبل كده ؟ ..

بس المرة دى مش اي دماغ دي اسمها

( دمــــــــاغ نـــاس )

ايـــــه دماغ ناس دى ..؟؟

- دماغ ناس .. زى دماغ قهوه.. دماغ لب وسودانى.. تعمل دماغ " ناس"..ازاى؟؟

بص ياسيدى ..

لو فى يوم لقيت نفسك متضايق ومخنوق وملكش نفس تكلّم حد ومش لاقى حاجه تعملها ..
إنزل الشارع إتمشى لواحدك و تأمّل فى الناس ..

هتلاقى الموضوع مسلّى جداَ ..

الشعب المصرى ده لذيذ طحن .. ههههههههه

......

* هتلاقى ناس طالع عيننهم فى أتوبيس فيه 186 واحد والناس طالعين من الشبابيك والجو حر ..

والناس لسّه بتركب وهى مبتسمه وحاسه بالكفاح ..

وتلاقى واحده ست تخينه – غالباَ موظفة – دخلت وسط الـ 120 واحد اللى واقفين على الباب واخترقت الجموع

فى براعة ورشاقة تحسد عليها ..

سبحان الله

* بنت لابسه هدوم المدرسة ومزوغة ماشيه مع ولد

– ممكن تحلف إنه مش هيلاقى شغل ولا بعد 100 سنه من شكله –

وإن لقى.. أول حاجه هيعملها أنه يسيب البنت دى ..

كفايه فقر بقى ..

* واحد ومراته - كبار فى السن – ماشيين على الكورنيش بياكلوا ترمس فى منتهى السعادة والأمتنان ومش

عايزين حاجه تانيه من الدنيا ..

* واحد شكله تعبان طحن ومش لاقى ياكل، بس جايب أحدث " الموبايل " وبيتكلم فيه بصوت عالى فى وسط

الشارع..

عشان هو حر ..

* واحد عمره ما شاف الزبدة فى حياته ولا يعرف بتستخدم فى أيه أساساَ ..

عاملين معاه لقاء فى القناة الثالثة بيسألوه عن رأيه في مقاطعه المنتجات الدنماركية ..

قلهم

أه طبعاَ انا مع المقاطعه دا واجب وطنى يا جماعه أنتوا بتتكلموا إزاى .. "

* واحد واقف مع خطيبته/صحبته قدام قفص الأسود فى جنينه الحيوانات

بيقولها : " بصى .. أهو ده بقى أسد .. !!! "

شاعراَ بأنه قد منحها العلم والمعرفه المطلقة وأسرار الكون ..

* بنات بكرش لابسه بديهات ستومك..عشان دى الموضه ..

* أسره مكونه من 4 أفراد أب وأم وبنت شابه وولد فى أعدادى قاعدين فى Café .. طلبوا عصاير

وشيشتين .. مين اللى شرب الشيش ؟! .. البنت وأمها ..حاجه تغيظ... !!

جرب أنت كمان تعمل دماغ ناس ..

هتلاقى الموضوع مسلّى جداَ .. و أبقى قلنا إيه رأيك ..

زائر

دماغ مين دلوقتى انا مطبق من امبارح وعايز انام ههههههههه
لما اصحي بقي يا عم ابقي اعمل احلى دماغ

هههههههههههه

احلي دماغ انا مجربها !

هههههههه توبيك حلو اوي يا استاذ

ماشى يا حمام روح نام
ميرسى يا احمد يا محسن
اسعدنى ردك على موضوعى نورتنى

ههههههههههههههههههههههه
مهو فاضى بقى
تسلم ايدك
ميرسى

ميرسى يا ترو على الرد

هههههههههههههههههههههه
احلى دماغ اللى يجربها يقولناا
احساسه ايه ماشى
وميرسى يا الاستاذ على الدماغ قصدى التوبيك

اممممممممممممممممم

بالنسبة لى مش هتبقى دماغ ناس

لانك لما تشوف كل المشاكل والسلبية دى واللامبالاه وقلة الحياء
وانت واحد دمك حاااااااااااااامى هتتضايق اوى وتولع وهتقعد تفكر فى المشاكل دى

كمان احنا كده بنبص فى عيوب الناس يعنى غض البصر اتدمر
هى الفكرة حلوة حد عمل دماغ ناس قبل كده ......... ( ادخل وجرب ) Icon_smile

معلش مش تقول عليا فيلسوفة بس بصراحة احنا بنعمل ذنوب كتير قوى
وبتبقى حاجات مننا مش معقول بقى نروح نبص على الناس والملك اللى على شمالك يقعد يكتب وايده توجعه......... حد عمل دماغ ناس قبل كده ......... ( ادخل وجرب ) Icon_eek

ممكن بقى اللى زيي اتمشى على النييل وافضل ابصله بحس انه بيسحرنى وبينسينى كل حاااااااااااااااااااااااااااااااااااااااااااااااااااااااااااااااااجة

يلاه الحمد لله

بس هجرب طريقتك وانت بقى شيل شوية ذنوب بدالى

ماشى ؟

هههههههههههه هههههههه هى دماغ حلوه بس دماغ ال(...........) احلى بكتيييييييييييييير حد عمل دماغ ناس قبل كده ......... ( ادخل وجرب ) Icon_wink

هههههههههههههههههههههههههههههههههههههههههههههههههه
تسلم كتير يا استاذ

شكرا على جميع الردود

ههههههه
الموضوع جامد
أناهجرب يا أستاد بس في الشارع المغربي
هههههههه

ميرسى يا سلوان

ميرسى ع التوبيك يا استاذ
بس انا ليا تعليق صغير ع رد همس القلوب
اعذرينى يا هموسة بقى
انا شيفة ان الاستاذ ما هو الا عارض لسلبيات الشارع المصرى لكن بطريقة مختلفة
او برؤية مختلفه
وبعدين مننكرش ان فعلا الشارع مليان من الحاجات دى
ومش مطلوب مننا طبعا الحملقة فى الناس او كسب الذنوب
لكن فعلا مش هتعرف نغير الحقيقة الا اذا شفناها او لمسناها
وحبيبى الرسول عليه افضل الصلاه والسلام
قال( من رأى منكم منكرا فليغيره ...... الى نهايه الحديث الكريم
معنى دة اننا عشان نغير يبقى لازم نشوف
لكن غض البصر وكلامك كله صح اكيد لكن دى وجهه نظر بعيده شوية عن المقصود من التوبيك
بعتذر عن الاطاله
وعارفه انك مش هتزعلى منى يا هموس
ميرسى يا استاذ ع التوبيك

ميرسى يا همس ان شاء مفيش زعل خالص

والله الكلام حقيقى جدا
وفعلا ده اللى بنشوفه كل يوم وكل ساعة
والمواقف بتعدى علينا كتير
ويمكن ناس قريبين مننا اوى بنشوفهم فى اوضاع من دى

هى سلبيات فى مجتمعنا فعلا
وطريقة عرضك ليها يا استاذ رائعة

بستنى بكرة يجيى وانزل الشارع واعمل الدماغ دى زى كل اسبوع

تسلم بجد يا استاذ
وتقبل مرورى

عندك حق والله
انا بعمل بقى الدماغ دى كل يوم ومش واخد بالى
كويس انك عرفتنى
* واحد شكله تعبان طحن ومش لاقى ياكل، بس جايب
أحدث " الموبايل " وبيتكلم فيه بصوت عالى فى وسط

الشارع..

دى حصلت معايا امبارح وانا مروح وكنت راكب الاتوبيس
بس الراجل كان بيتكلم فى وسط الاتوبيس مش وسط الشارع

نورتم يا جماعه
وكويس انكم متفقين معايا على الموضوع
شكرا يا بيور ولبيبو

انا عمرى فى حياتى ما بزعل من اى نقد بناء

وبعدين اختلاف الرأى لا يفسد للود قضية

بس قوليلى لما تتفرجى على لبس الناس وتشوفى الضيق والقصير

هتستفيدى من ده فى التغيير ازاى؟ لما تشوفى عيلة عنده 12 سنة ماشية جنب طفل عنده 15 سنة وبتقوله بحبك ومقدرش اعيش من غيرك .........هتغيرى ازاى؟؟؟؟؟؟

احنا ليه كلنا بنقول لما اشوف الغلط فى الناس هغيره

شوف الغلط فى نفسك الاول....نقى نفسك من عيوبها

متقولش هغير الدنيا وانت نفسك محتاج تغيير
وربنا قال
(لا يغير الله ما بقوم حتى يغيروا ما بأنفسهم)

ياحبيبة قلبى عشان نغير لبس الناس ونخليه محترم
ونغير تفكير الشباب ونخليه ايجابى وفى نوع من العقلانية
وعشان نغير ونغير ونغير كل ده

انتى محتاجة تغير فكـــــــــــر
عارفة يعنى ايه؟؟؟؟؟؟ يعنى محتاجين جيل جديد يتربى على اللى احنا عايزينه ويكبر بيه
وفى نفس الوقت تحاولى تنشرى فكرك الصح وسط لناس اللى حواليكى انتى واكبر عدد ممكن من المؤيدين ليكى
انتشار وسط الجامعة وسط المدارس وسط البيوت وبطرق عديدة وبإخلاص لربنا وحده

وبرضه هقولها تانى مش عشان نشوف الغلط نقعد على الكورنيش ونبص على اللى رايح واللى جاى
كل حاجة فى حياتنا فيها غلط

تحبى اعد لك؟
سلبية وتكبير دماغ وتكبير وكله عاااااااااااادى بقى
خوف ورهبة واعتماد على الغير وبرضه كله عااااااااااااااااااااادى بقى
همنا اكل وشرب ولبس وعادى بقى
اهمال فى الدراسة وكله عادى
تقصير فى العبادة وكله عادى
نسينا تراثنا وثقافتنا وعاداتنا وديننا وكله عادى

هرجع تانى .........بس لما اخلص شغل الفريق

همس
المشكلة اللى انتى بجد بتتكلمى اه فى موضوع زى ما قلتلك قبل كدة مظبوط جدا وعندك حق فيه مش هنكر وهو غض البصر
لكن المشكله انه خارج نطاق الموضوع اللى الاستاذ بيطرحه
وعلى فكرة انا مش هستفيد حاجة لما اتفرج ع القصير ولا بنت وولد مشيين مع بعض حاجة
لكن مننكرش ان دة موجود
تخيلى كدة لو البنت والولد قاعدين فى مكان وعدى عليهم راجل وكبر دماغه منهم ومهتمش افضل ولا واحد يزعق فيهم وع الاقل يقومهم
انتى قلتى

شوف الغلط فى نفسك الاول....نقى نفسك من عيوبها

متقولش هغير الدنيا وانت نفسك محتاج تغيير
وربنا قال
(لا يغير الله ما بقوم حتى يغيروا ما بأنفسهم)
اكيد اى انسان لازم يغير من نفسه ومش لازم يكون هو وحش
لا ممكن طبعا يغير من الاحسن للاحسن
الدنيا اعتقد انها بتغيرنا يوميا من مواقف او من مشاكل
وتغييرها بيكون بالسلب وبالايجاب منكرش لكن دة بيكون مرتبط بنوع المشكله والشخص المتعرض للمشكله
واطمنى يا قمر طول ما انا انسانه مؤمنه بكتاب الله فهغير نفسى للافضل
وميرسى ع النصيحة الغاليه
ياحبيبة قلبى عشان نغير لبس الناس ونخليه محترم
ونغير تفكير الشباب ونخليه ايجابى وفى نوع من العقلانية
وعشان نغير ونغير ونغير كل ده

انتى محتاجة تغير فكـــــــــــر
عارفة يعنى ايه؟؟؟؟؟؟ يعنى محتاجين جيل جديد يتربى على اللى احنا عايزينه ويكبر بيه
وفى نفس الوقت تحاولى تنشرى فكرك الصح وسط لناس اللى حواليكى انتى واكبر عدد ممكن من المؤيدين ليكى
انتشار وسط الجامعة وسط المدارس وسط البيوت وبطرق عديدة وبإخلاص لربنا وحده

انا مقلتش انى هنزل اغير لبس الناس
انتى مضخمة الموضوع اوى
انا مين ولا انتى مين عشان نمسط سوط ونصلح حال الناس
وع فكرة مش انا اللى بس محتاجة تغيير لفكرى ولا اييييه؟
ايوة احنا محتاجين جيل جديد
تعرفى انتى عمر الجيل قد ايه؟
40 سنه
يعنى احنا لو هنعمل نهضة يبقى محتاجين اربعين سنه عشان نمحى فكر الجيل القديم
ودة برضه مش موضوعنا
*الاستاذ زى ما عرض سلبيات بطريقة مرحة نوعا ما
عرض حاجة جميله اوى
لما اتكلم ع الراجل الكبير ومراته وهما بيتمشوا ع الكونيش
انتى معلقتيش علي دة ليه بالرغم ان دى حاجة كويسه
انا لو شفت دة وانا ماشية هتمنى لما اكبر اكون مكان الست دى
هقولك حاجة يا همس
رسام الكاركتير لما يحب يعمل موضوع لازم ينزل يشوف حال الناس
وانا بقرأ التوبيك دة تخيلت لوحة كاركاتيرية ادامى
وزى ما ذكرت قبل كدة مش مطلوب الحملقة للناس وكسب الذنوب لان دة منهى عنه فى ديننا الحنيف
لكن انتى مش بتمشى معصوبه العينين
لما تلاقى بنت ع كرسى فى الجامعة وزميلتها بتزقها عشان تلحق محاضرة
بتقولى الحمد لله الذى عفانا من هذا
صح ولا ايه؟
لما تلاقى بنت لبسة حجاب يمكن لان شعرها مش حلو بس
وبقيت لبسها لا يمت للاسلام بصله ومكتوب فى بطاقتها مسلمة
هتدعيلها بالهدايا او لو قريبة منك هتنصحيها وهتحاولى تصلحى فى نفسك برده
الانسان بطبيعته اجتماعى مختلط بالناس
وبعدين انتى مش هتصلحى عيوبك الا اذا عرفتى انها عيوب
وهتعرفى انها عيوب ازاى الا اذا احتكينا بالناس
وع فكرة يا همس احنا مش مختلفين ولا حاجة
كل الموضوع انى شيفة انك وخدة الموضوع من جانب واحد بس
* ع فكرة التوبيك كان اقصر من كلامى وكلامك
معلش بقى يا استاذ هموسة دخلتنى التوبيك تانى
اتمنى ان تتقبل مرورى

مش عارفة والله يا همس بس يمكن عشان بحكم شغلى شفت كتير
وسمعت كتيييييييييييير

انا متفائلة وشايفة امل كبير قوى فى النهضة اللى هتقوم على ايد اجيال بعدنا بس احنا اللى هنزرع البذرة دى عشان كده لما قلتلك جيل كامل كنت ااقصد كلمة جيل كامل
جيل يجى بعدنا نزرع فيها الفضائ وكل حاجة جميلة

انا عارفة ان كلامنا خرج عن الموضوع بس زى ما قلتلك يمكن من كتر ماشفت وبجد من كتر ما انا شايلة هم الامة دى ونهضتها

وبجد المناقشة معاكى اسعدتنى لانى قلما لاقيت حاجة شبه كده هنا

تسلمى يا قمر
وان شاء الله بكرة احلى ..........باللى هنزرعه وولادنا يرعوه ويكبروه ويحصوده

وهتعرفى انها عيوب ازاى الا اذا احتكينا بالناس

على فكرة لو عرفتينى ومشيتى معايا فى الكلية مرة

هتقوليلى ارحمى نفسك بقى انتى ماشية توزعى ابتسامات؟؟؟؟؟
الحمد لله والله لحد حرس الكلية بكلمهم واسأل عليهم وعلاقتى بالكل قوية

وان شاء الله لما تيجى فرصة وتعرفينى واعرفك
هتلاقينى حاجة غير المنتدى خالص

انا بس بحب استغل المنتديات واتكلم عن النهضة والامة والايجابية عشان ابقى نشرت فكر محتاجينه واخدت ثواب ان شاء الله

اتمنى اشوفك قريب

التوبيك طبعا نور بوجودكم وارائكم وانا مردتش فى الاول على همس القلوب علشان انا عارف ان احنا متفقين على المبدأ بس هى واخده الموضوع من جانب تانى وزعلتنى ببعض كلماتها ان انا باخد ذنوب وكده
محدش يحكم على حد انه بياخد ذنوب الله اعلم
المهم فكرتكم انتم الاتنين وصلتنى بس همس القلوب مكبره الموضوع شويه يا جماعه الواحد عنده 22 سنه وكنت ازهرى وفى كلية دعوه كمان وسافرت محافظات كتير والحمد لله معلوماتى حلوه
بس زى ما قلت همس كبرته وانا مردتش ارد علشان ميكبرش اكتر
واسلوب همس شبه اعضاء جماعة الاخوان المسلمين مش عارف ده مجرد احساس يا ريت تردى عليا
واخيرا يا همستان
نورتما وان شاء الله مفيش زعل ههههههههههههههههه
يا همس القلب التوبيك بتاعك ردى فيه عشره خمستاشر مره ولا يهمك

» حصريا البوم زيزي وعد عليا تحميل مباشر من غير روابط ادخل وجرب ومش هتندم فقط اضغط علي المربع وحمل
» بالصور.. طبيب يعثر على قدم داخل دماغ طفل
» اية اخبار الذكاء اليومين دول خش وجرب
» تعال وجرب معانا وقلنا رايك
» ادخل اسمك ولون شعرك ولون لبسك ويرسم ع طوووول ادخل وشوف بنفسك