لفرق بين الحب والاعجاب

كتييير
اوى بنخلط بين الاعجاب والحب الحقيقى
اكيد كلنا مر فى حياته شخص كان فاكر انه بيحبه ولكن
اتضح له بعد كده ان ده كان مجرد إعجاب
او حصل انه اعجب بشخص اوى وكانت مجرد فتره فى حياته
وسابه واتضح له بعد كده انه هو الحب الحقيقى اللى كان بيدور عليه
فتعالو نشوف ايه هو الفرق بين الحب والاعجاب من وجهه نظرى
الإعجاب
هو لما تنجذب أو تعجب بصفات معينة فى شخص تعرفه وبتتعامل معاه أو حتى
بتشوفه من بعيد
ممكن تعجبك طريقه كلامه أو طريقة تفكيره أو خفه دمه أو نظرته لمستقبله أو
لشخصيته الممتازه وبالتالى بتشوف الكثير من مميزاته فبيحصل إنك عندك شعور
قوي بالإعجاب به لدرجه ممكن تخليك تخلط بين هذا الإعجاب وبين الحب
ولكن إلي لازم نعرفه هو أن الإعجاب هذا لازم يكون مرحلة من مراحل الحب
الحقيقى
والإعجاب ممكن يكون فى حياتنا العامة يعنى ممكن أن نعجب بشخصية معروفة فى
المجتمع وبالتالى ممكن أن نعجب بأكثر من شخص فى وقت واحد
وأحيانا يتوهم الشخص عندما يحس بشعور الإعجاب تجاه شخص اخر ويظل يهتم بهذا
الشعور حتى تصل لمرحلة إنك تتخيل شى وهمى فى عقلك وتتخذ بناء عنه خطوة مش
فى في مكانها
الحب الحقيقى
أجمل إحساس ممكن تحسه أو تعيشه فى حياتك وهو عبارة عن شعور بتحسه ناحيه
شخص معين وماتعرف ايه السبب لأنها غريزه وضعها الخالق فى قلوبنا وبتقدر إنك
تعبر عنها فى حرفين بس هم ح ب
وعشان تتاكد أن حبك هذا حب حقيقى مش مجرد إعجاب وخلاص لازم تمر بجميع
مراحل الحب الطبيعيه
اولا الانجذاب العاطفى
أنه مجرد إنك تحس إنك منجذب للشخص هذا وحاسس انك بتهتم به وبتهتم تعرف
اخباره اكتر من اى واحد تانى
ثانيا الاعجاب
وطبعا احنا اتكلمنا عنه وعاده الاعجاب بيبقى نتيجه للانجذاب العاطفى
ثالثا بدايه الحب
تصل الى انك ترى الشخص اللى قدامك اجمل انسان فى الوجود ويزيد اعجابك بيه
فى هذه الفتره وبيختلط فى هذه الفتره احاسيس اخرى بالاضافه الى الاعجاب زى
الاشتياق يعنى انك تكون لسه كنت معاه وتحاول انك تشوفه تانى وتبقى مش
قادر تبعد عنه ونفسك يبقى معاك على طول
وحتلاقى فى الفتره هذه بتحاول تخلط المواقف اللى تجمعكم ببعض وتلاقيك
بتستنى حتى الصدف اللى تجمعكم
يعني عادة فتره بداية الحب بتبقى قمه فى الرومانسيه وبعيده عن الواقع
ومشاكله وعيوبه
الحب الحقيقى
فى هذه المرحله بتهدا المشاعر داخلنا وتصبح انسان ناضج تقدر تفكر بعقلك مع
قلبك وهتشوف بجد حقيقه الشخص الى قدامك بمزاياه وكمان عيوبه
هيحصل في المرحله لحظات فرح كتيير ولكن حتظهر لحظات الزعل من الشخص إلي
معاك لما تحط ايدك بجد على عيوبه وتحاول تنصحه عشان يكون بجد الشخص اللي في خيالك لكن طبعا حتحاول من جواك انك تعديها واكيد
هيحصل بينكم إختلافات لكن فى المرحله دى بتبقى دليل على الحب
الحقيقى
ولو قدر كل واحد فيهم انه يتحمل عيوب إلي قدامه ويقدر انه يمتصها ويخليها
تبقى مجرد لحظات وتعدي وكأنها لم توجد هو إلي حيقدر يحافظ على حبه
ولو الواحد قدر يمر بالمراحل دي فى حبه فإنشاء الله الحب ده حب حقيقى مئه
فى المئه
وعلى فكره ممكن انك تلاقى الحب الحقيقى فى حياتك وممكن متلاقي فى حياتك
وتنتهى العلاقه عند اى مرحله من هذه المراحل وممكن يحصل انك تكمل حياتك مع
شخص لم تمر معه بهذه المراحل وقد تنجح وقد تفشل
يااااااااااااااااااااااااااااااااارب كل واحد فينا يلاقى الحب الحقيقى
وطبعا عايز اعرف رأيكم بجد فى الكلام ده ورأيكم فى الفرق بين الاعجاب
والحب الحقيقى...

بجد توبيك فى غايه الروعه
ورايك صح اوى فى الفرق بين الحب والاعجاب
وياريت بجد والله كل واحد فينا يلاقى الحب الحقيقى فى حياته
تسلم على التوبيك الجميل ده
اقبل مرورى

بجد موضوع جميل جداااااااااااااااا
تسلم ايدك يا برنس
والحب الحقيقى موجود بجد
بس ناااااادر
تقبل مرورى

شكرا يا جماعه علي الردود
بجد نورتوني

يا سلام عليك يابرنس بجد كلامك جامد جدااا والفرق جميل جدا تسلم يا طارق

تقبل تحيتى

بص هو كلام جميل جدا بس المشكله انه صعب تحقيقه
على ارض الواقع ,انا مثلا عمرى مشفت واحد بيحب او بيعجب
بوحده كده او انه يصل للنقطه دى مع الصدق مع نفسه التام
ده هيكون صعب بس ممكن تسمى ده لو حصل يعنى ان دى فترة
مراهقه و هتعدى. يا رب مكنش طولت عليك
و شكرا لان الموضوع بجد رائع و فى فعلا فرق بين الحب
و الاعجاب
اتمنى السعاده لكل الناس

بجد انت قلت كل حاجة عن الفرق بين الحب والاعجاب

وبجد كلامك جميل وتوبيك تحفة تسلم ايدك

حلو قوى التوبيك

وياااااااااااااااااااااااااااااااااااارب يارب يا مؤلف القلوب
مش تحرم اى حد من حبه ابدا يارب ومش تكتب الفراق والجرح على اى حد يا رب يا كريم

يارب ديما يا همس
يارب كل انسان يحافظ علي البنت اللي بيحبها بجد
لانها لو ضاعت منه بجد هيندم اوي
شكرا يا جماعه بجد نورتوني

amraaee كتب:: يا سلام عليك يابرنس بجد كلامك جامد جدااا والفرق جميل جدا تسلم يا طارق

تقبل تحيتى

موضوع جامد ياتيتو بس اراهن اذا كان الواد ده قرأ كلمتين على بعض
19584698.gif
لفرق بين الحب والاعجاب Icon_pirat

http://www2.0zz0.com/2010/03/01/19/5

ههههههههههه
ماشي يعم محمد
لا بس بجد لازم تقولي ايه رايك لاني انا كتبه مش نقله يعني
فقولي جايز اكون غلط في حاجه

بسراحة مفيش كلام بعد اللي قلتة
انت بجد قلت كل حاجة كانت ممكن تتقال في الموضوع دة
وجهة نظر كويسة جداااااااااااااااااااااااااااا
مرسي بجد يا طارق
عجبتني جدا وجهة نظرك

بجد توبيك رائع جدا

» الفرق بين الحب والاعجاب
» في عيد الحب.. هل أصبح الحب كلمة حق يراد بها باطل..؟
» مصر تتوج بلقب بطولة العالم لفرق الاسكواش
» انا عندى كلام عن الحب ومشاكله وازاى نحافظ عن الحب ونحل مشاكله..
» **عمرو دياب يجيب عن كل أسئلة الحب ف عيد الحب** ارجو الدخول **