حال الدنيا اتصلح........!!

حال الدنيا اتصلح والناس فرحانه
كل واحد انبسط والجيوب عمرانه
كل واحد كل وشرب والبطون مليانه
الناس شبعت وغنت امانه يا دنيا امانه

المرتبات ذادت والاشية معدن
والناس كل يوم بتاكل ملبن
مش هانرجع تاني للفقر يمكن
ما خلاص حال الدنيا اتصلح

خلاص لاطوابير ولا زحمه
هناكل بدل العيش لحمه
يالا اهو كله من عند ربنا نعمه
ما خلاص حال الدنيا اتصلح

قلنا زمان قطرات بتخبط في بعضها
وسمعنا عن الناس اللي بتاكل بعضها
يا جدعان كفاية دا كلها محصله بعضها
ماخلاص حال الدنيا اتصلح

قالوا بطاله ومحدش بيشتغل
في بلدنا بقي الشغل بالهبل
فرص عمل فاضيه عاوزه اللي يشتغل
ما خلاص حال الدنيا اتصلح

قالوا الميه ملوثه قلنا لاه
دا الدوله هاتوزع فلاتر في كل شقه
لا كوليرا ولا امراض تانيه بقي
ماخلاص حال الدنيا اتصلح

لا انفلونزا خنازير ولا طيور
كل واحد بيعمل تشك اب عند الدكتور
لان الدوله علت المرتبات والاجور
ماخلاص حال الدنيا اتصلح

ريسنا خلانا دوله كبيره
عندنا نووي وذري وحاجات تانيه كتيره
امريكا بتخاف مننا علشان احنا دوله شريره
ما خلاص حال الدنيا اتصلح

ايه رايكم في اللي قلته
اصل دا كان حلم حلمته
لمسته بايدي وبعيني شفته
ان حال الدنيا اتصلح

تعالوا نحلم يا ولادها
ان مصر يتصلح حالها
وما يتقفلش في وشنا بابها
يارب يصلح حالنا وحالها


مع تحياتي,,,,,,,,,,,
Mr Horas
محمد الشيخ

هاهاهاهاهاهاهاهاهاهاهاهاهاههاى
حال الدنيا اتصلح
عندك حق بنصبر نفسنا يعنى
مفيش قدامنا غير كده
حلووووووووووووووووووه اوى يا حورس
تسلم

تعالوا نحلم يا ولادها
ان مصر يتصلح حالها
وما يتقفلش في وشنا بابها
يارب يصلح حالنا وحالها


وهو احنا بنعمل ايه غير اننا نحلم يا محمد
وياريت احلام بتيجى بفايدة
احنا بنحلم ع الفاضى
قصيدة جميلة جدا يا محمد بجد
وعجبتنى موت موت موت

تسلم لنا يا محمد