يوم اليتيم

موضوع: يوم اليتيم الجمعة مارس 12, 2010 3:36 pm

السلام عليكم ورحمة الله وبركاته

هذا اعلان عن حفلة يوم اليتيم التي تنظمها جمعية رسالة

ـــــــــــــــــــــــــــــــــــــــــــــــــــــ

بسم الله الرحمن الرحيم والصلاة والسلام علي اشرف المرسلين سيدنا وحبيبنا محمد صلي الله عليه وسلم.

أنا النهارده يا شباب جاي أفكركوا بمناسبة جميلة

المناسبة دي هى يوم اليتيم واللي بتبقي أول جمعة من إبريل

جمعية رسالة للاعمال الخيرية نظمت (مهرجان رسالة للطفل) .. يبدأ الحفل في الواحدة ظهرا

ويقام علي هامش المهرجان كرنفال الخير وذلك يوم الثاني من إبريل

سيقام المهرجان في نادي جزيرة الورد بالمنصورة علي شارع البحر (المشاية السفلية)..الجمعية محتاجة

متطوعين كتير

هؤلاء المتطوعين سيختارون طفلين من سن (6_12) لاصطحابهما ومراقبتهما طوال اليوم .وتحقيق

رغباتهم .واللعب معهم واطعامهم. انتو عارفين((( ان من مسح علي رأس يتيم اخذ بكل شعره لمستها يده

حسنة والحسنة بعشر امثالها )))

بس السنة دي في خطوة زيادة في الاول وهي ان الاطفال هيخدوا تطعيم ضد الجدري ومحتاجين نهديهم

ونطمنهم في الاول ونعرفهم أنها سهلة وده دور المتطوعين

في برنامج مدهش هيكون في المهرجان إن شاء الله

((وبذلك سيقام حفل منظم وممتع وآمنللاطفال و لنا علي السواء))لا تتخيلوا ثواب هذا اليوم...يوم ميفرقش

معانا بس هيفرق كتير مع طفل يتيم محتاج لرفاهيه ومتعة........

من يريد التطوع معنا يتصل بالجمعية

ننتظركم زميلاتي وزملائي المتطوعيين للحصول علي
ID_وكارنيه_وuniform

للتمكن من الدخول

للنادي .

رقم الجمعية(0502256577 _ 0502346558)

مقر الجمعية : شارع النخلة ببرج دار الوفاء

وبجوار اسلام للاثاثجزاكم الله كل خير

الاعلان دا منقول يا ريت يا جماعه اللى يقدر
يشارك ميتاخرش

لانه بجد هيفرق كتير مع الاطفال

موضوع: رد: يوم اليتيم الجمعة مارس 12, 2010 4:36 pm

باذن الله يادود نشترك كلنا
ونكون موجودين معاهم وربنا يقدرنا ان احنا بجد نعملهم حاجه
تسلمى يارب وجزاكى الله كل خير

موضوع: رد: يوم اليتيم الجمعة مارس 12, 2010 4:59 pm

يااارب يا شروق

كون كلنا هناك وموجودين جمبهم

ميرسى يا قمر

وجزاكى الله مثل هذا الخير

تسلمى

زائر

جزاكى الله كل خير وان شاء الله نقدر نشارك كلنا يارب

موضوع: رد: يوم اليتيم الإثنين مارس 15, 2010 1:06 am

ان شاء الله يا دودا

ميرسى ليكى يا قمر

وجزاكى الله مثل هذا الخير

موضوع: رد: يوم اليتيم الثلاثاء مارس 16, 2010 6:15 pm

اولا بشكر دودو ع الاعلان عن اليوم دة

ودة الاعلان من موقع رسالة....
...........
مهرجان رسالة للطفل ( يوم اليتيم سابقا )
لأنه أخونا وإبننا...............ولأنه واحد مننا
فيومه مش يوم اليتيم..........دا يومنا كلنا

موعدنا الجمعة 2ابريل 2010 بنادي جزيرة الورد وفيه بنحتفل مع اكتر من 500 طفل يتيم من جميع انحاء محافظة الدقهلية بمهرجان يبدأ من الساعة 10 صباحا وحتي الساعة 8 مساءا وفيه بيكون في حاجات كتير اوي
- تلوين الوشوش
- توزيع اللعب.
- مسابقات بين الاطفال.
- كرنفال رسالة وغيره من الحاجات الجميلة اللي بتفرح الاطفال
مستنينكو تشاركو معانا وتسجيل الاسماء بمقر الجمعية - ادارة المتطوعين
......
...
.

اللى عايز يشترك فى اى حاجة من دى دة طبعا غير تعبأة الوجبات للاطفال ودة هيحتاج كتير من المتطوعين. وكمان تغليف اللعب والهدايا

وفى حاجة كمان اسمها طبق الخير ودة ممكن للى مش هيعرفوا يحضروا اليوم ويحبوا يشاركوا وميتحرموش من ثواب كبير زى دة ممكن يساهموا بساندوتشات هتتباع فى الكرنفال والعائد هيرجع لرسالة وللاطفال اليتامى كمان لو اى نوع حلويات او بيتزا او تورت او جاتوهات بنعرف نعملها ونجيبها من البيت نساهم بيها فى الكرنفال

وللشباب ممكن يساهموا فى الامن الخاص بالخيمة عشان مش اى حد يدخل خيمة الاطفال

او اى حد يخرج عادى الاطفال دول امانة ولازم نحافظ عليها

اما عن اصطحاب الاطفال زى ما دودو قالت هتختار طفل او اتنين تقضى معاهم اليوم جوة
.الخيمة المخصصة للمهرجان

وهتكون مسئول عنهم توديهم ياخدوا الوجبات وتتوديهم يرسموا وشوشهم بالرسومات

اللى هيكون مسئول عنها لجنة من متطوعى رسالة برضه

وبعدين المسرح والاراجوز وفى المسابقات وبعدين فى اخر اليوم ياخدوا وجبة ولعبة

وكارت كاتبين لكل طفل عليه بنحبك كلنا
ومننساش معرض رسالة اللى بيعرض منتجات كتير بيروح العائد بتاعها للجمعية

طبعا اللى عايز يتطوع مينساش يروح من دلوقتى يملى استمارة التطوع لان الموضوع منظم جدا
وزى ماقولنا مش اى حد هيكون مسموح له بالدخول الا لما يكون متطوع مع رسالة

وع فكرة البنات اللى عايزة تشارك فى الرسم ع وشوش الاطفال تراسلنى ع الخاص

بيتهيألى كدة بقينا عارفين كل اللى هيحصل فى اليوم دة

هنستنى ايه عشان نشارك كلنا فى يوم جميل كدة.........يلا يا شباب............

عايزين المنتدى كله يكون هناك ................................

موضوع: رد: يوم اليتيم الثلاثاء مارس 16, 2010 9:14 pm

باذن الله ياساندى
انا وصحابى النهارده كنا بنرتب لليوم ده
وباذن الله نكون موجودين كلنا هناك
جزاكى الله كل خير

موضوع: رد: يوم اليتيم الأربعاء مارس 17, 2010 8:40 am

تنورى يا شروق ..بس لازم تروحوا مقر الجمعية الدور التانى فى برج دار الوفاء شارع النخلة

عشان تملوا الاول استمارة تطوع فى الجمعية وتقابلوا المنظمين هناك وتختاروا تحبوا تعملوا ايه فى اليوم دة..

بجد يا جماعة اليوم هيكون حلو اوى انشاء الله ياريت الكل يحضر وتكون نيته رضا ربنا

واللى مش هيعرف يوصل يوقف تاكسى من ادام بوابة الجامعة ويقوله دار الوفاء

واللى عايز اى استفسار عن اى حاجة انا موجودة بإذن الله ع المنتدى يمكن اغيب شوية بس

هتابع ردودكم ورسايلكم

موضوع: رد: يوم اليتيم الخميس مارس 18, 2010 5:43 pm

ميرسى يا ساندى على المعلومات الجميله دى

وان شاء الله نكون موجودين هناك كلنا ونقدر نشارك ولو بجزا صغير عشان نفرح الاطفال

ونكون سبب فى ابتسامتهم

وقبل كل دا لازم نيتنا تكون رضا ربنا واسعاد الاطفال

موضوع: رد: يوم اليتيم السبت مارس 27, 2010 5:25 pm

جزاكي اله كل الخير دودو
وانا معاكم يا ساندي زي ما اتقفنا

» ۞۩۩۞۩۩۞ عيد اليتيم ۞۩۩۞۩۩۞
» العلاقة بين كف يد الإنسان (الماسح ) ورأس اليتيم (الممسوح )