انا شايفه كدا..انتو رأيكو ايه...!

[center]كل يوم نسمع عن قصص حب فشلت ومش كملت
ناس حبت واتخانت
ناس قدمت كل حاجه وضحت بكل حاجه ..وف الاخر اتضحى بيها
بنسمع كلام كتييييير وهنفضل نسمع ونسمع
ودا العادى ال متعودين عليه ومش غريب علينا

بس الغريب وال بنسمعه دايما
ان ليه كل واحد حب واتخان واتجرح يقول خلاص مبقاش فيه حب؟؟
ليه كل انسان اتخدع ف حبيبه يقول الناس كلها كدا ؟؟
وعلشان واحد خاين نظلم البشريه كلها
ونقول كل الناس خاينه
كل الناس بتخدع ومبقاش فيه امان ولا انسان صادق
كتييير وكتيييير

بمجرد موقف واحد او تجربه فاشله او تجااااااارب معظمها فشلت
نحكم بيها ع الناس كلها وبسبب انسان خاين نقول
العالم كله مبقاش ليه امان

طب ليه منقولش ان فيه امان مع ناس تانيه؟؟
ليه منقولش ان فيه صدق وحنان واخلاص ف ناس تانيه؟؟
ليه دايما السيئه تعم والحسنه تخص؟؟

وليه نحاسب انسان بيحبنا بذنب انسان تانى كان خاين وباعنا؟؟
ليه منحبش تانى وليه منبصش للحياه بابتسامه تحدى؟؟
ونعرفها انه مهما حصل احنا الاقوى
ونقول مش هنضعف وهنكمل وان فيه ناس كويسه
ناس بتقدر الحب وان مش كل البشر زى بعض

زى ماحنا اتخدعنا واتخنا فيه زينا كتير
مش انت لوحدك ال اتخنت
ومش انتى لوحدك ال اتبعتى
ف غيركو كتير
وزى ما احنا محتاجين ناس جمبنا تحبنا
هما محتاجين ناس جمبهم تحبهم وتحسسهم بالامان

ولا هو علشان احنا اتظلمنا ودوقنا طعم الظلم
يبقى لازم ندوقه لكل ال بيحبونا؟؟
ليه وليه وليه
اسئله كتيره بس للى يقدر يجاوب عليها

مش يمكن ربنا عمل فينا كدا علشان ندوق المر قبل الحلو؟؟؟
نعرف طعم العذاب علشان نقدر الحب ونعرف انه نادر ف الزمن دا
واكيد ربنا هيعوضك بالاحسن دايما

ف النهايه مش علشان انسان وحش نخسر ناس حلوه كتيره
واعرف دايما ان ال باعك وخانك
هو الخسران مش انت
واعرف دايما قيمتك وان فيه انسان بيحبك وبيقدرك
بس انت دور عليه كويس ...وانت هتلاقيه

دا رأى ودا ال انا شيفاه ... انتو بقى شايفين ايه؟؟

[/center]

ناس قدمت كل حاجه وضحت
بكل حاجه ..وف الاخر اتضحى بيها

مش علشان انسان وحش نخسر
ناس حلوه كتيره
واعرف دايما ان ال باعك وخانك
هو الخسران مش انت
واعرف دايما قيمتك وان
فيه انسان بيحبك وبيقدرك
بس انت دور عليه كويس ...وانت هتلاقيه

بجد كلامك جميل اوي يا ترو

ميرسي ع التوبيك ده !

زائر

بيبقى غصب عن الانسان يا ترو
يعنى الواحد يحب وبخلص وفى الاخر يجرحك
طبيعى هتخافى تتجرحى تاانى
مش معنى كدا انك هتععيشى من غير حب
بس هيكون فى حذر بقى
اكيد الجرح بيعلم مش اكتريا جميل
وتسلمى يارب

تسلم ايديكى يا جميل
توبيك جميل اوى

توبيك جميل يا ترو
بس بيبقى غصب عن الانسان زى ما دودا قالت
لان الجرح مش حاجة سهلة أبداا

تسلمى يا قلبى توبيك جميل

لما حب السنين بيضيع الدنيا كلها بتظلم

بجد توبيك جميل
شكرا ليكي بجد
في ناس كتير مش عرفه معني كلامك ده ومش بتعمل بيه

ف النهايه مش علشان انسان وحش نخسر ناس حلوه كتيره
واعرف دايما ان ال باعك وخانك
هو الخسران مش انت

بحد عندك حق توبيك روووووووووووووووعه
يسلموووووووووو يا قمر

ميرسى كتيـــــــــر
احمــــــــــد
دوداا
فامبيـــــــــر
ايـــــــه
vandarsar
تيتـــــــو
مونـــــــــى
تسلمولى يا احلى اعضاء
انا شايفه كدا..انتو رأيكو ايه...! 550737

انا شايفه كدا..انتو رأيكو ايه...! 550737

وفعلا مفيش اصعب من الجرح

بجد عندك حق ترو
نايس توبيك يا قمرايه

صعبة المنال كتب:: بجد عندك حق ترو
نايس توبيك يا قمرايه

ثانكس يا قمر ع المرور
نورتينى

» <<موضوع أحب أخد رأيكو يا أحلى أعضاء فيه>> ..... الكل يدخل
» مش كل اللى مش شايفه مش موجود
» ايه رأيكو في بيان المشير؟؟
» انتو سايبين بشير وبتتكلمو عن هناء ؟؟
» شايفه أمها بتروح وبتروح معها !!!!