ما هو ردك فيما هو منسوب إليك من اتهامات ..""ايوه انت""؟؟؟!!!!

تذكير بمساهمة فاتح الموضوع :

في الموضوع دا العضـــــــــــو هيدخل في تحقيق
العضو اللي هيسجل دخوله هسأله 50 ســــــــــــؤال
عن نفسه وعن الموضوعات اللي نزلها في المنتـدي
وعن مســــــــــــــــــاهماته وعن ارائــــــه وافكاره
وعن رأيه في المنتـــــــــــــــدي وموضوعـــــاته
يعـــــــــــــني هيكــون تحقيق شــــــــــــامــــــــل
ومن حق العضو يمتنع عن الاجابه علي 3 اسئلـه
والموضوع دا يا جمــــــــــــاعه هيكـــــــــــــــون
ذي توثيق لمسيرة العضــــــــــو في المنــــــــتدي

وانا خليت كل عضو هو اللي يدخل بنفسه في التحقيق
منعا للاحراج يــــــــــــــــا رب الفكـــــــرة تعجبكم
اللي هيجاوب علي السؤالين دول هيــــــــكون بمثابه
موفقته علي إجـــــــــــــــــــــــــــراء التحقيق معاه

امامنا نحن وكيل نيابه منتدي كلية تربية
في القضيه رقم123456
حضر أمامنا المتهم
الاسم /............................؟؟
تاريخ الميلاد/....................؟؟

شكرا علي تشريفكم التوبيك

وانا مستني اجابات الاعضاء اللي نزل تحقيقهم
وبكرة ان شاء الله بعد الامتحان هنزل تحقيقات الباقي
"بلال - رمسيس - ايمي كل يوم - ثوثو "
وهرد علي اللي جاوبي
ادعولي

hekaya كتب:: هنبدأ التحقيق مع محمود صقر

الاسم /محمود صقر

السن/ 22

العنوان/سلاموت القماش _ المنصورة

القسم/ انجليزى

أولا :- الأسئلة السياسية.

**أيه رأيك في موقف العرب من القضية الفلسطينية والعراقية؟
بص أنا هقولك على حاجه
ممكن يكون مفيش دور قوى ..بس ده عشان كل واحد خايف على بلده من الحرب
يعنى لو فيه موقف ايجابى .. لازم نحارب
انا مش مع الموقف ومش ضده
**اخر مرة قولت فيها "مصر هي أمي"؟
ياااااااااااااااه .... من زمان جدااااا
*قول ثلاث سلبيات في مصر ؟وثلاث ايجابيات ؟
السلبيات فى الشعب مش فى البلد
1_ الناس بتحب الهيافه
2_ راضيين بالامر الواقع وكل واحد بيقول خلينى ماشى جمب الحيط
3_ مفيش ثقافه من اى نوع عند اغلب الناس
الايجابيات
1 _ تحس بالامان
2 _ الناس بتخاف على بعض وبيقفوا مع بعض فى الشده
3_ شعب طيب جدا ودمه خفيف
*تتوقع من هو الرئيس القادم لمصر؟
أتمنى وأتوقع يكون جمال مبارك
أنا على فكرة حزب وطنى .. وحضرت اجتماعات لجمال مبارك
وشايف ان الراجل مثقف جداااا وبيفهم فى السياسه كويس جدااااااا وهو الانسب بجد
**اكتر وزير شايفه انه مش يستحق منصبة؟
رئيس المجلس القومى للرياضه ( منصب وزير الشباب ) وهو حسن صقر
بجد الراجل ده حراااام يكون فى منصبه
لوايح غلط وظلمللجميع فى كل اللعبات
**شايف حزب الله وحسن نصر الله. أزأي؟
مش من المؤيدين أو المعارضين
عاجبنى انه شجاع ... ومش عاجبنى البهدله اللى بلده عايشه فيها بسببه
**اقترح مشروع لتشغيل الشباب العاطل ؟
لو الزمالك خد الدورى ... الشباب هابشتغل
شفت ان الموضوع مستحيل ؟؟؟؟؟
والله اى حد عايز يشتغل هايشتغل ... مش لازم بالشهاده يعنى

ثانيا:- أسئلة عن المنتدى.

**ايه رأيك في استايل المنتدي ؟وليه؟
المنتدى كويس بس ناقصه شويه حاجات عشان يكون متكامل
بعد الاكتحانات ان شاء الله هقعد مع سعيد وخالد واقول اقتراحات
وان شاء الله يكون للاحسن
*اكترنوعيه مواضيع بتشدك .إيه ؟
طبعااااا الرياضى
والقسم العام فيه حاجات كويسه
ويلا نلعب
*ضيف أسماء للألقاب دي " أمير القلم . محبوب المنتدى. الأكثر جدل. المجروح "
أمير القلم .. ساهر وايمى
محبوب المنتدى ... ناس كتيييييييييييير
الاكثر جدل ... بلال ومصطفى
المجروح .. انت وسمسم
*إيه الموضوع اللي كان نفسك يكون بتاعك؟
محكمه الحب بتاع بندق
**اكتر عضو بتحترم ارائه؟
كل الناس والله
**مين العضو اللي شايفه موضوعاته مميزة ومختلفة؟
دوددا ورحيق الجنه .. وجيمس مواضيعه كويسه
**اكتر عضو مثقف؟
ناس كتيييير مش واحد بس
ثالثا:- أسئلة شخصية.

*الامنيه اللي كان نفسك تحققها . واتحققت؟
انى أكون مدرس كويس
والحمد لله من سنتين بدى دروس وشغال كويس جدااااااا
*هوايتك.ايه ؟
الكووووووووورة .......... والنادى الاهلى
*قول 3صفات في نفسك ؟
طيب جدااااا
بحب صحابى
اجتماعى جدااااااااااا
**شخص انتا ظلمته ؟
انا مش من عادتى انى اظلم حد
بس انا ظلمت بنت معينه من زمان وكان لظروف غصب عنى
**اكتر حاجة بتكرهها في نفسك؟
بحب نفسى جدااااااا وعمرى ماكرهت حاجه فيا
**اهلاوي ولا زملكاوي؟وليه؟ "طبعا انا عارف"
قــــــــــالــــــوا..... قـــــــد ايــــــه بـــــــــــتــــــــــــهـــــــــــــواه ؟؟؟؟؟؟؟؟
قلت .... الأهــــــــــــــــــلى مش مجرد نادى
الأهـــــــــــلى ده حـــــــــيــــــــــــــــاه
*شايف نفسك إن شاء الله بعد عشر سنين .أزاي؟
مدرس انجليزى ناجح جدااااااااااااا
انتا برج الحوت ودي صفاته
"يحب التأمل، الغموض، والأمور المضحكة لا يحب الوضوح، النقد، الحيرة، ادعاء المعرفة، والتحذلق. الحوت ذو طبيعة رقيقة، صبورة، وطيّعة. لديه الكثير من المزايا والخصال الحميدة، كما أنه ودود, حنون, ويتعاطف مع الآخرين في معاناتهم. يحبه من حوله نظرًا لطبيعته الهادئة والمسالمة التي لا تشكل خطرًا أوتهديدًا لمن يفوقه قوةً. يتأقلم الحوت مع المحيط دون أن يحاول تغييره، كما إنه لا يبادر ..."
الصفات دي عندك فعلا؟
أغلبها موجود
رابعا :-اسئله عن الحياة العاطفية:-

*بتحب؟أو كنت بتحب؟
كنت بحب فى يوم من الايام
*و3 صفات تتمناها في شريك حياتك.؟
الاخلاص
الصدق
وطبعا تكون حلوة
*الشخص اللي ندمت انك عرفته؟
واحد كان فى يوم صاحبى
*متى قلت كفاني يا قلب عذاب ؟
ماقلتهاش قبل كده
**معني الرومانسية من وجهه نظرك؟
أرق احساس فى الدنيا
أكتر حد حساس فى الدنيا
**لوقلت ليك اهدي لشخص وردة هتكون لمين؟
للمنتدى لان مفيش فى حياتى غير صحابى والمنتدى
**اكتر حاجه ممكن يعملهاالشخص الي بيحبك وتفرحك اووووي؟
يدينى ورده
ويقولى بحبك باحساس

خامسا :-أسئلة عن مواضيعك.

*اكتر موضوع كتبته .وكان قريب منك؟
غفران ام نسيان
كتبته من سنتين وكنت حاسه جدااااااااااا
*إيه الموضوع اللي كنت تتمني انه يتشاف اكتر من كدا؟
موضوع فى الرياضى عن نادى مانشستريونايتد
انا تعبت فيه جدااااا لان كله صور ... وللأسف ناس قليله جدا اللى دخلت
*ايه الموضوع اللي ندمت انك نزلته ؟
لو ممكن اندم على موضع يبقى عمرى ماهنزله
**في موضوع :- فلافيو إلى الشباب السعودي مقابل 20 مليون جنيه
ايه رأيك في القرار دا؟
بصراحه فى وقته
فيه ناس كتير محتاجه فرصه وهتبقى احسن منه والله
**في موضوع :- أيهما تختار من يحبك أم من تحبه ؟؟؟
هتختار مين ؟؟؟؟؟؟؟؟؟؟؟
أنا طماع وعايز الاتنين
**في موضوع :- هذا هو انت سيدى نـــــصـــــف عـــــاشـق ((تعبث))كما يعبث الاطفال
هل كنت نصف عاشق في يوم؟
للأسف ... كنت كده فى يوم من الايام
***أخيراً***

ولأني ديموقراطي
*السؤال اللي نفسك تسأله لوكيل نيابة المنتدى ؟
ليه دايما بحسك حزين ومجروح ؟؟؟؟
*إيه السؤال اللي كان لازم مش اسأله؟
أهلاوى ولا زمالكاوى
ده سؤال ياعم انت ؟؟؟
*ايه السؤال اللي كان لازم اسأله. ومش سألته؟
مفيييييييييييييش
*ايه رأيك في الحوار ؟ "وبدون مجامله أنا مش هزعل"
جامد اخر حاجه

تابع التوبيك علشان تعرف رأي النيابة في الإجابات

وكيل نيابه المنتدي

hekaya

hekaya كتب:: التحقيق رقم 12

هنبدأ التحقيق مع the queen of arts

الاسم /

السن/......17.....

العنوان/...المنصوره شارع عبد السلام عارف.....

القسم/.....انجليزى......

أولا :- الأسئلة السياسية.

*لو كان مقابل تحرير فلسطين .مصر تخوض حرب. هتختاري إيه؟
اكيد انها تخوض الحرب لان ده كان ممكن يحرر العالم العربى كله من اللستعمار مش فلسطين بس
*تتوقعي من هو الرئيس القادم لمصر؟
اكيد جمال مبارك
*تفتكري ليه الكبار بينتقدوا جيلنا كتير.ومين فينا الصح من وجهه نظرك؟
الكبار عاشوا زمن غير زمنا كان زمانهم محترم وتفكيرهم غير تفكيرنا خااااااااالص
ومع انهم دقه قديمه الا انهم هم الصح فى كل حاجه
**شايفة مصر بعد عشرين سنه. ازاي؟
هاتبقى جوع وقحط وفقر ولو ماكتشفوش مصل لانفلوانزا الخنازير يبقى مش هايكون فيه مصر اصلا
*لو قلت اختاري تنضمي لحزب مصري. تختاري حزب إيه وليه ؟
ماليش فى الاحزاب اصلا

ثانيا:- أسئلة عن المنتدى.

*اكترنوعيه مواضيع بتشدك .إيه ؟
كل المواضيع ماعدا السياسيه
*ضيفي أسماء للألقاب دي " أمير القلم . محبوب المنتدى. الأكثر جدل. المجروح "
المجروح /سمسم
الاكتر جد/لوقادر بلال
محبوب المنتدى /مودى صقر
امير القلم كتير مفيش حد معين
**اكتر توبيك لما شوفتيه صدمك؟
توبيك تعالوا نضحك على المسلمين ومش عارفه مين اللى ضايفه
*قولي ثلاث مميزات ؟وثلاث عيوب في المنتدى؟
المميزات
الاستايل حلو اوى
المنتدى فيه احلى اعضاء
ومش عارفه اذا كان فيه عيوب ولا لا
*اكتر ثلاث مواضيع عجبتك؟
مراتب الحب
اصعب 12 دقيقه فى حياتك
غفران ام نسيان
**العضو اللي تقدري تقولي علية اسامة منير ؟
مفيش حد زى اسامه منير

ثالثا:- أسئلة شخصية.

*الامنيه اللي كان نفسك تحققها .بس محصلش نصيب؟
انى ادخل سياحه وفنادق بس اهلى رفضوا ودخلت تربيه
*قولي 3صفات في نفسك ؟
طيبه زنانه حنينه
*شايفه نفسك إن شاء الله بعد عشر سنين .أزاي؟
ان شاء الله لو مش هاشتغل هاكون ست بيت ممتازه جدا واكون ام حنينه اوى
**تحبي تكوني انتي المسيطرة ولا حبيبك؟
هو طبعا لانى ماحبش ان كلمه الست تمشى على الراجل
**لوارتبطي بشخص وقالك انتي مكانك البيت ومفيش شغل .هتعملي ايه؟
هاوافق طبعا
*ليه اخترتي"the queen of arts" يكون لقب ليكي؟
هو لقب جه فى بالى وعجبنى
**انتي برج الجدي ودي صفاته

"يحب الإتكالية، معرفة موضوع المناقشة، الأسس الثابتة، ووضع الأهداف. لا يحب المخططات المتهورة، العمل بدون هدف، السلوك المشين، والسخرية. الجدي من أكثر الابراج ثباتًا وجدية. تمتاز شخصية الجدي بالاستقلالية والصلابة والكثير من الصفات الأصيلة. فهو عادةً شديد الثقة بالنفس، قوي الإرادة وهادئ. كما إنه مجتهد، عملي، وحذر. إذا وضع هدفًا نصب عينيه لا يهدأ حتى يحققه مهما طال الزمن..."

يا تري فعلا دي صفاتك؟

"يحب
الإتكالية، معرفة موضوع المناقشة، الأسس الثابتة، ووضع الأهداف. لا يحب
المخططات المتهورة، العمل بدون هدف، السلوك المشين، والسخرية.
الصقات دى عمرها ماكانت فيا ابدا

رابعا :-اسئله عن الحياة العاطفية:-

*بتحبي؟أو كنت بتحبي؟
اكيد طبعا
*تقولي لمين "هنساك -هتندم _أنا بعشق –محتاجه ليك -كنت فكراك حبيبي"؟
هنساك انا مش هاقوله انساك انا هاقوله انى نسيتك اصلا وهاقولها لاول حب ليا
هتندم دى لصحابى
انا بعشق مش عارفه
محتاجه ليك لحبيبى طبعا
كنت فاكراك حبيبى برده مش لحد
*متى قلتي كفاني يا قلب عذاب ؟
لسه ماقولتهاش
*اكتر موقف فرحك في حياتك؟
يوم ما الشخص اللى بحبه انا كنت متوقعه انه حب من طرف واحد ولقيته بيقولى بنفسهانه بيبحنى
**امتي تبعدي عن اللي بتحبيه؟
لو خانى
**لو حبيتي شخص وقالك هنتجوز بعد عشر سنين .هتعملي ايه؟
والله تبع الظروف
يعنى انا هاوافق
بس لو فيه واحد اتقدملى وقولتله عليه وهو وافق بسهوله وباع هاوافق انا كمان
لكن لو رفض واتمسك بيا مستحيل اوافق
**تقولي لمين "جرحتني كتير – جرحتك سامحني –الزمن هو سبب بعدنا –حبيتك
اوي"
جرحتنى كتير مش لحد
جرحتك سامحنى مش لحد لانى ماجرحتش حد
الزمن هو سبب بعادنا برده مش لحد
حبيتك اوى دى لحبيبى
خامسا :-أسئلة عن مواضيعك.

*اكتر موضوع كتبتيه .وكان قريب منك؟
موضوع الم تمر عليك هذه اللحظات لان كتير من اللحظات دى مرت عليا
*إيه الموضوع اللي كنتي تتمني انه يتشاف اكتر من كدا؟
مفيش موضوع معين
*ايه الموضوع اللي ندمتي انك نزلته ؟
موضوع حطيته فى قسم الانجليزى عشان ماكونتش عارفه اذاكر حاجه فى النقد والشعر بس مفيش حد فادنى وهببت فى الامتحان فندمت انى حطيته

[size=12]**في موضوع:لـمـاذا هـذا
قولتي"يبتسمونفي وجهي .. ويضحكون معيأمامي قلوب طيبه , وفي الخفاء حقد وكراهيه "

هل فعلا دا حصل معاكي؟؟..
اه طبعا حصل معايا كتييير
**في موضوع: & الم تمر عليك هذه اللحظات !!! &

~ قولتي "احيانا ~
تنفعل.. تلقي باللوم.. تتوعد.. الدمع ملأ وجهك.. ربما.. ثم لاتلبث أن تكتشف أنك بمفردك
هي مجرد ذكرى مؤلمة جاءت وانتزعتك لتعتصر قلبك ثم ترحل"

اخر ذكري مؤلمة افتكرتيها ؟
اخر ذكرى مؤلمه ومازلت بفتكرها موت عمى الله يرحمه

**في موضوع: اصعب مواقف الحب.......

ممكن تقولي اصعب موقف مر عليكي؟
اصعب موقف يوم ماقررت انسحب من حياه اللى بحبه قبل مايقولى انه بيحبنى لانى توقعت انه حب من طرف واحد

***أخيراً***

ولأني ديمقراطي

*السؤال اللي نفسك تسأليه لوكيل نيابة المنتدى ؟
مفيش
*إيه السؤال اللي كان لازم مش اسأله؟
عادى كل الاسئله جاوبتها
*ايه السؤال اللي كان لازم اسأله. ومش سألته؟
انت ماشاء الله جبت القديم والجديد سالتنى فى كل حاجه
*ايه رأيك في الحوار ؟ "وبدون مجامله أنا مش هزعل"
ميه ميه جامد بجد

تابعي التوبيك علشان تعرفي رأي النيابة في الإجابات

وكيل نيابه المنتدي

hekaya

الرد علي اجابات تحقيقbebo " عمرو محمد "

السؤال اللي نفسك تسأله لوكيل نيابة المنتدى ؟
انت جبت الاسئله دى منين؟؟

الاسئلة دي من تاليفي..

شكرا لتشريفك التوبيك يا عمرو

وشكرا علي اجاباتك الجميلة

الرد علي اجابات تحقيق the queen of arts

نورتي التوبيك يا كوين

واجاباتك جميلة بجد

التحقيق رقم 13

هنبدأ التحقيق مع بلال

الاسم /

السن/...........

العنوان/........

القسم/...........

أولا :- الأسئلة السياسية.

*قولي ثلاث سلبيات في مصر ؟وثلاث ايجابيات ؟

*لوقلت ليك اختار خليفة للمسلمين هتختار مين؟

*لو كان ليك أمر تأمره وينفذه العرب جميعا هيكون إيه؟وليه؟

* من المسئول عن ضعف العرب والمسلمين ؟ ولماذا؟

*لو كان مقابل تحرير فلسطين مصر تخوض حرب. هتختار إيه؟

*لو قلت اختار تنضم لحزب مصري. تختار حزب إيه؟ وليه ؟

ثانيا:- أسئلة عن المنتدى.

*اكتر ثلاث مواضيع عجبتك؟

*تتمني أيه يضاف للمنتدى؟

*إيه أفكارك لتطوير المنتدى؟

**اكتر توبيك لما شوفته صدمك؟

**ايه رأيك في استايل المنتدي ؟وليه؟

**اكتر عضو بتحترم ارائه؟

ثالثا:- أسئلة شخصية.

**شايفه نفسك مُدرس ؟وليه؟

**اكتر اكلة بتحبها ؟ ومشروب ؟

*قول 3صفات في نفسك ؟

*هوايتك.ايه ؟

*شايف نفسك إن شاء الله بعد عشر سنين .أزاي؟

**انتا برج الحمل :

صفاته " يحب النشاط، الفوز، التحديات، البطولة، والتلقائية. لا يحب الانتظار، الاعتراف بالفشل، الاستبداد، والاستماع إلى نصائح الآخرين الحمل مغامر, طموح, عفوي, متحمّس ونشيط. الحمل رائد في الفكر والفعل, متفتح للأفكار الجديدة وعاشق للحريّة. يرحّب بالتّحديات، ولا يغير مساره إلا إذا ضجر لعدم حصوله على النتائج المرجوة بسرعة. قائد شجاع يهتم بأمور رعيته. ونادرًا ما يلجأ الى مرؤوسيه للوصول إلى أهدافه الخاصّة الإ فيما ندر. لا يصلح أن يكون تابعًا"

دي فعلا صفاتك؟؟؟

رابعا :-اسئله عن الحياة العاطفية:-

*3 صفات تتمناها في شريكه حياتك.؟

**معني الرومانسية من وجهه نظرك؟

**لاي درجه ممكن تتسامح مع حبيبتك؟

**اكتر حاجه ممكن تعملها البنت اللي بتحبها وتفرحك اووووي؟

*متى قلت كفاني يا قلب عذاب ؟

خامسا :-أسئلة عن مواضيعك.

*اكتر موضوع كتبته .وكان قريب منك؟

*إيه الموضوع اللي كنت تتمني انه يتشاف اكتر من كدا؟

*ايه الموضوع اللي ندمت انك نزلته ؟

**في موضوع :انت قلم رصاص ولا حبر؟؟؟؟

قولت "بعض البشر مثل قلم الرصاص عندما يخطىء يتحمل خطاياه و يعترف .."

امتي اخر مره اعترفت بخطأك؟

**في موضوع :سبع قواعد ان اتبعتهم عشت سعيداً طول عمرك

قولت "ابتسم ولو القلب يقطر دما"

امتي ابتسمت وقلبك يقطر دما؟

**في موضوع :أيــــــــــن أنتــــــــــــــــى ؟؟؟

قولت "لا يمكنني العيش مع خيال بعد اليوم"

اكبر خيال او وهم عشت كان ايه ؟

***أخيراً***

ولأني ديمقراطي

*السؤال اللي نفسك تسأله لوكيل نيابة المنتدى ؟

*إيه السؤال اللي كان لازم مش اسأله؟

*ايه السؤال اللي كان لازم اسأله. ومش سألته؟

*ايه رأيك في الحوار ؟ "وبدون مجامله أنا مش هزعل"

تابع التوبيك علشان تعرف رأي النيابة في الإجابات

وكيل نيابه المنتدي

hekaya

التحقيق رقم 14

هنبدأ التحقيق مع رمسيس "عبد الله"

الاسم /

السن/...........

العنوان/........

القسم/...........

أولا :- الأسئلة السياسية.

**اخر مرة شوفت عضو مجلس الشعب التابع ليكم ؟وشايف ان ليهم فايدة للشعب؟

**شايف ازاي العرب يتحدوا ؟

**اكتر وزير شايفة انه يستحق منصبة؟

**شايف نفسك بعد عشرين سنه ازاي؟

**عندك بطاقة انتخابية ؟ انتخبت حد قبل كدا؟وليه؟

**أي رأيك في موقف العرب من القضية الفلسطينية والعراقية؟

ثانيا:- أسئلة عن المنتدى.

**مين العضو اللي شايف موضوعاته مميزة ومختلفة؟

**اكتر عضو سياسي؟

*الاسم اللي نفسك تعرف معناه؟

**التوبيك اللي شوفته فرحك؟

*إيه الموضوع اللي كان نفسك يكون بتاعك؟

ثالثا:- أسئلة شخصية.

*ليه اخترت رمسيس يكون لقب ليك؟

*الامنيه اللي كان نفسك تحققها .بس محصلش نصيب؟

*هوايتك.ايه ؟

*شايف نفسك إن شاء الله بعد عشر سنين .أزاي؟

**تحب الشخص العاطفي ولا الشخص العملي؟

**اكتر حاجة بتكرهها في نفسك؟

**انتا برج الميزان:

صفاته "يحب الأشياء الجميلة في الحياة، المشاركة، المرح، والنبل لا يحب العنف، الظلم، الحماقة، والتقيد بالأفكار السائدة يفضّل المنجمون المعاصرون برج الميزان؛ لأنه يمثل ذروة السنة والفصول، كما يرمز للحصاد والراحة. يعد الميزان من أكثر الابراج تحضرًا، ويمتاز المولود تحت هذا البرج بالمظهر الجذاب والأنيق، والذوق الرفيع، واللطف والرقة. كما إنه عاشق للجمال والانسجام ومتع الحياة. يجيد مواليد الميزان النقد، ولديهم .."

دي فعلا صفاتك؟؟؟

رابعا :-اسئله عن الحياة العاطفية:-

*الشخص اللي ندمت انك عرفته؟

*اكتر موقف زعلك في حياتك؟

*آخر مرة بكيت ؟وليه؟

**الشخص اللي ضحيت علشانه .وطلع مش يستحق ؟

**اكتر حاجه ممكن تعملها البنت اللي بتحبها وتفرحك اووووي؟

خامسا :-أسئلة عن مواضيعك.

*اكتر موضوع كتبته .وكان قريب منك؟

*إيه الموضوع اللي كنت تتمني انه يتشاف اكتر من كدا؟

*ايه الموضوع اللي ندمت انك نزلته ؟

** في موضوع: ألا تدري؟

قولت "سيبقى اسمك المحفور
في جدران ذاكرتي
على قلبي
وفي حرفي"

تقول الكلام دا لمين دلوقتي ؟

**في موضوع: عذرا حبيبتي

قولت "و سيشهد التاريخ أعظم قصة"

اعظم قصة حب سمعتها زهي ايه ؟؟

**في موضوع: الغيرة والحب وما بينهما....

اخر مرة حسيت انك غرت زيادة شويه ؟؟؟؟

***أخيراً***

ولأني ديمقراطي

*السؤال اللي نفسك تسأله لوكيل نيابة المنتدى ؟

*إيه السؤال اللي كان لازم مش اسأله؟

*ايه السؤال اللي كان لازم اسأله. ومش سألته؟

*ايه رأيك في الحوار ؟ "وبدون مجامله أنا مش هزعل"

تابع التوبيك علشان تعرف رأي النيابة في الإجابات

وكيل نيابه المنتدي

hekaya

التحقيق رقم 15

هنبدأ التحقيق مع ايمي كل يوم

الاسم /

السن/...........

العنوان/........

القسم/...........

أولا :- الأسئلة السياسية.

* لو اخترتي تكون وزيرة. هتكوني وزيرة أيه ؟ وإيه أول قرار هتنفذيه؟

**شايفة مصر بعد عشرين سنه. ازاي؟

**اخر مرة قولتي فيها "مصر هي أمي"؟

**اقترحي مشروع لتشغيل الشباب العاطل ؟

*تفتكري ليه الكبار بينتقدوا جيلنا كتير.ومين فينا الصح من وجهه نظرك؟

ثانيا:- أسئلة عن المنتدى.

**اكتر عضو بتحترمي ارائه؟

*الاسم اللي نفسك تعرفي معناه؟

**اكتر توبيك لما شوفتيه صدمك؟

*مين أكتر عضو بتحس إن أفكاره قريبه منك؟

**ايه رأيك في استايل المنتدي ؟وليه؟

ثالثا:- أسئلة شخصية.

**تحبي ترتبطي بشخص بيغيراوووووووي ولا شخص تقيل اووووووووووووي؟

**اكتر شخص بتحسي ان ليه هيبه؟

**لو حبيتي شخص قالك نتجوز عرفي ."هتسبيه خالص _ولا هترفضي بس

وتكملي عادي"

**تحبي تكوني انتي المسيطرة ولا حبيبك؟

**ايه اكتر حاجه ندمتي عليها؟

**انتي برج الدلو :

صفاته "يحب النضال من أجل أهدافه، الحلم بالمستقبل والتخطيط له، التفكير بالماضي، الصحبة الجيدة، والتسلية لا يحب الوعود، الوحدة، المألوف، الزيف، والمثاليات مواليد الدلو ذو شخصيّة جذّابة وقويّة. ينقسم مواليد الدلو إلى نوعين: النوع الأول خجول، حساس، رقيق وصبور. النوع الثاني مرح، نشيط، يحب الظهور ويعمد إلى إخفاء معالم شخصيته الحقيقية أحيانًا. لكن كلا النوعين يتميزون بالقوة والعزيمة. ترى الدلو دائم..."

دي فعلا صفاتك؟؟؟

رابعا :-اسئله عن الحياة العاطفية:-

**لو حبيتي شخص وقالك هنتجوز بعد عشر سنين .هتعملي ايه؟

*آخر مرة بكيتي ؟وليه؟

**اكتر حاجه ممكن يعملها الشخص اللي بتحبيه وتفرحك اووووي؟

**لو كان الوسيله الوحيدة للارتباط بحبيبك انك تدبلري سنه .هتعملي ايه؟

خامسا :-أسئلة عن مواضيعك.

*اكتر موضوع كتبتيه .وكان قريب منك؟

*إيه الموضوع اللي كنتي تتمني انه يتشاف اكتر من كدا؟

*ايه الموضوع اللي ندمتي انك نزلته ؟

**في موضوع: نده لي باسمها

لوبتحبي شخص ونده ليكي باسم واحدة تانية .هتعملي ايه ؟؟؟؟

**في موضوع : تهنئة بالزفاف...........

قولتي "فحبيت بس اهنيك واقولك"

ممكن تهني شخص كنتي بتحبيه .يوم زفافه؟؟؟؟

**موضوع: الشكل ولا الشخصية

اكتر شخص حسيتي ان شخصيته قريبة منك ؟؟؟؟

***أخيراً***

ولأني ديمقراطي

*السؤال اللي نفسك تسأله لوكيل نيابة المنتدى ؟

*إيه السؤال اللي كان لازم مش اسأله؟

*ايه السؤال اللي كان لازم اسأله. ومش سألته؟

*ايه رأيك في الحوار ؟ "وبدون مجامله أنا مش هزعل"

تابعي التوبيك علشان تعرفي رأي النيابة في الإجابات

وكيل نيابه المنتدي

hekaya

التحقيق رقم 16

هنبدأ التحقيق مع ثوثو

الاسم /

السن/...........

العنوان/........

القسم/...........

أولا :- الأسئلة السياسية.

**شايفه مين الاحسن مصر ولا أمريكا؟

*تفتكري ليه الكبار بينتقدوا جيلنا كتير.ومين فينا الصح من وجهه نظرك؟

**اقترحي مشروع لتشغيل الشباب العاطل ؟

**اكتر وزير شايفه انه يستحق منصبة؟

ثانيا:- أسئلة عن المنتدى.

*اكتر ثلاث مواضيع عجبتك؟

**مين العضو اللي شايفه موضوعاته مميزة ومختلفة؟

**اكتر عضو مثقف؟

**اكتر عضو رومانسي؟

ثالثا:- أسئلة شخصية.

**اكتر حاجه بتحبيها في نفسك؟

**شخص انتي ظلمتيه ؟

**تحبي تكوني انتي المسيطرة ولا حبيبك؟

**اكتر شخص افتقدتيه .مين ؟؟؟

**لوارتبطي بشخص وقالك انتي مكانك البيت ومفيش شغل .هتعملي ايه؟

**انتي برج الأسد:

صفاته " يحب المغامرة الفكرية، الحياة المرفهة، الأبهة والعظمة، الأطفال، والأدب لا يحب الروتين اليومي، الأشخاص محدودي الأفق، الضيقة المادية، والوضاعة الأسد مهيمن، شديد الإبداع، واجتماعي من الدرجة الأولى. وتظهر هذه الصفات في الأسد اكثر من غيره من بقية الابراج. الأسد ملك الغابة، ومواليد الأسد هم أيضًا ملوك بين الناس. يمتازون بفخامة الأسلوب والعظمة والشهامة. الأسد ولد إما للقيادة أو للدعم ..."

دي فعلا صفاتك؟؟؟

رابعا :-اسئله عن الحياة العاطفية:-

**قلت ليكي اهدي شخص وردة .هتكون لمين؟

**في شخص ضحيتي علشانه .وطلع مش يستحق ؟

**ممكن تحبي شخص من غير ما تعرفي عن حياته حاجه؟

**3 صفات تتمنيها في شريك حياتك.؟

**معني الرومانسية من وجهه نظرك؟

**امتي تبعدي عن اللي بتحبيه؟

خامسا :-أسئلة عن مواضيعك.

*اكتر موضوع كتبتيه .وكان قريب منك؟

*إيه الموضوع اللي كنتي تتمني انه يتشاف اكتر من كدا؟

*ايه الموضوع اللي ندمتي انك نزلته ؟

**في موضوع: حبيبى –بحبك

قولتي "املى ونور حياتى
يامداوى ويلى واهاتى
حبيبى—بحبك"

الكلام دا تقوليه لمين .دلوقتي ؟

** في موضوع: بحبك وليا اسبابى؟

عمرك حبيتي حد وعرفت سبب حبك ليه ؟

**في موضوع: سالت قلبى

قولتي "قال : القلب لا يتوه عن أحبابه"!

هل مرة قلب شخص بتحبيه تاه عنك؟؟؟؟

***أخيراً***

ولأني ديمقراطي

*السؤال اللي نفسك تسأليه لوكيل نيابة المنتدى ؟

*إيه السؤال اللي كان لازم مش اسأله؟

*ايه السؤال اللي كان لازم اسأله. ومش سألته؟

*ايه رأيك في الحوار ؟ "وبدون مجامله أنا مش هزعل"

تابعي التوبيك علشان تعرفي رأي النيابة في الإجابات

وكيل نيابه المنتدي

hekaya

مستني اجابات :

*رحيق الجنة .
*دوددا .
*winter .
* صعبة المنال .
*بلال .
*ثوثو .
*ايمي كل يوم.

*رمسيس.
* وباقي اجابات هبة.

شرفتوا التوبيك يا احلي اعضاء

فكره هايله يا سيد بس خمسين سؤال مش كتير يا ريت يكون اكتر

الاسم حماده

تاريخ الميلاد 9/ 2 / 1988

hekaya كتب:: الرد علي اجابات تحقيق the queen of arts

نورتي التوبيك يا كوين

واجاباتك جميلة بجد

ميرسى ياحضره وكيل النيابه
وبجد التوبيك بتاعك هو اللى اكتر من هايل

ليه كدة يابنى انت جاى من امتحان السيرة شادد عليه كدة ليه

هجاوب بالليل بقى ربنا يسهل

هنبدأ التحقيق مع winter

الاسم /winter

السن/...19........

العنوان/........اويش الحجر

القسم/.....انجليزى ......

*تتوقعي من هو الرئيس القادم لمصر؟محمد محمد محمد محمد حسنى مبارك

* لو اخترتي تكون وزيرة. هتكوني وزيرة أيه ؟ وإيه أول قرار هتنفذيه
وزيرة التعليم العالى واول قرار احاله جميع الدكاتره للمعاش و الاستفاده من الشباب الواعد
*لو قلت اختاري تنضمي لحزب مصري. تختاري حزب إيه؟ وليه ؟

مليش فى الاحزاب فئات مستقل
*تفتكري ليه الكبار بينتقدوا جيلنا كتير.ومين فينا الصح من وجهه نظرك؟
كل واحد فينا فاكر ان هو الصح هما مش عيزين يقتنعوا ان كل وقت وله تطور بس منقدرش نقول مبادئ لانها واحده فى كل وقت وفى كل مكان فى بعض الاحيان هما صح و احنا برده ساعات

**شايفة مصر بعد عشرين سنه. ازاي؟
شايفاها اجمل و اجمل و اكثر تطور ان شاء الله

**اخر مرة قولتي فيها "مصر هي أمي"؟
من قريب و عمرى ما هكرها لانها بلدى و لازم يكون في انتماء انا بكره مصر كحكومه مش كبلد

**اقترحي مشروع لتشغيل الشباب العاطل ؟
مشروع مفتوح اى حد عنده مهارة ينميها ويشغل فيها

*قولي ثلاث مميزات ؟وثلاث عيوب في المنتدى؟
1\مواضيع محترمه _اعضاء مميزين _صداقه بين الاعضاء
مش متجدد_مش كل الاعضاء بترد عليها _مفيش مواضيع كتير

*اكتر ثلاث مواضيع عجبتك؟
كن فاصله و لا تكن نقطه
الحب _الامل_الثقه
عفوا المنتدى سوف يغلق للابد

**اكتر عضو رومانسي؟
سمسم_دوددا

**مين العضو اللي شايفه موضوعاته مميزة ومختلفة؟
رحيق الجنه و صقر

**العضو اللي تقدري تقولي علية اسامة منير ؟
ساهر

**اكتر عضو مثقف؟
ساهر _خالد

**لوارتبطي بشخص وقالك انتي مكانك البيت ومفيش شغل .هتعملي ايه؟
هنتناقش وان اقنعنى بالموضوع هوافق واكيد مدام هو هيكفينى خلاص ودى تحسب له مش عليه

**تحبي ترتبطي بشخص بيغيراوووووووي ولا شخص تقيل اووووووووووووي؟
احب شخص مزيج من الاتنين

**تحبي تكوني انتي المسيطرة ولا حبيبك؟
اكيد حبيبى عشان المتعه اللى البنت تحب تشعر بيها انها تكون ضعيفه

**اكتر شخص بتحسي ان ليه هيبه؟
دكتور بشير

**لو حبيتي شخص قالك نتجوز عرفي ."هتسبيه خالص _ولا هترفضي بس وتكملي عادي"
انا مش هرفض بس انا هولع فيه قبل ميخلص كلامه

**اكتر اكلة بتحبيها ؟ ومشروب ؟
امى عودتنى اكال اى اكل بس بحب المكرونه واكتر مشروب الشاىاكيد

**انتي برج القوس ودي صفاته
هقولك حاجه يا حكايه انا بكره حكايه الابراج دى و مش مهتمه اعرف حاجه عنها

رابعا :-اسئله عن الحياة العاطفية:-

**لو حبيتي شخص وقالك هنتجوز بعد عشر سنين .هتعملي ايه؟
[size=24]هستنى العشر سنين المهم فى الاخر هنكون مع بعض

**تقولي لمين "جرحتني كتير – جرحتك سامحني –الزمن هو سبب بعدنا –حبيتك
لسه مفيش موضوع عشان اعاتب حد لما يحصل هقولك

اوي"

**اكتر حاجه ممكن يعملهاالشخص اللي بتحبيه وتفرحك اووووي؟
اكيد لو حد عمل حاجه بحبها

**لو كان الوسيله الوحيدة للارتباط بحبيبك انك تدبلري سنه .هتعملي ايه؟
يبقى اكيد الحد ده مش بيحبك لانه اتمنى الغلط ليكى لانه فكر فى نفسه و مفكرش فيكى خالص

**امتي تبعدي عن اللي بتحبيه؟والله معرفش اصل مجربتش بس لو هبعد لما
افقد الامل فيه خالص و اشعر باليأس

*آخر مرة بكيتي ؟وليه؟
عفوا مقدرش

*اكتر موضوع كتبتيه .وكان قريب منك؟
كل واحد جواه طفل

*إيه الموضوع اللي كنتي تتمني انه يتشاف اكتر من كدا؟
سجل دخولك اليومى بقول الشهادتين

*ايه الموضوع اللي ندمتي انك نزلته ؟
مفيش بجد

**في موضوع: عندما يخفق قلبك لشخص بالمنتدى ماذا تفعل.؟

هل فعلا خفق قلبك لشخص في المنتدي؟
اكيد وبجد هى واحده
هى رحيق الجنه معجبه بيها
والله كل الاعضاء
صقر و دوددا وسمسم و ميدو و الجوست

**في موضوع: عبر عن نفسك

ممكن تعبري عن نفسك .دلوقتي ؟
انا دلوقتى مبسوطه من الاسئله بتاعت مواضيعى لان الاسئله مش متكررة و لانك قرأت مواضيعى
و بتسأل عليها فأنا فلرحانه و الحمد لله

**في موضوع: رد: لو كنت شخصا اخر هل تصاحب نفسك
[

هل تصاحبي نفسك ؟وليه ؟
ممكن اصاحبها فى فى بعض الاحيان لما تكون كويسه و لما اكون وحشه هبعد عنها
اى حد يتصاحب لان كلنا حلوين بس ساعات بنكون وحشين

*السؤال اللي نفسك تسأليه لوكيل نيابة المنتدى ؟
امتى الدمعه تداعب عنيك و الحزن الشديد يسيطر عليك ؟

*إيه السؤال اللي كان لازم مش اسأله؟
لا مفيش حاجه كل الاسئله كويسه و مشكووووووووور عليها

*ايه السؤال اللي كان لازم اسأله. ومش سألته؟
ايه اكتر موقف محرج حصل ليك؟

*ايه رأيك في الحوار ؟ "وبدون مجامله أنا مش هزعل"
مش محتاج اصل رأى
بجد ممتاز
كفايه انك عطيت فرصه لينا كلنا اننا نتعرف على بعض اكتر
مشكووووووووور لمجهودك الرائع اللى مش هننساه ابدا يا اجمل حكايه فى المنتدى

الف شكر ليك

على فكرة انا جاوبت وانت مارديتش

ماشى ياعم
انا هوريك
ههههههههههههههههههههههههههههه
هههههههههههههههههههههههههههههههه

يلا ياسيدى بس زى ما قلت مش ليه فى السياسه

الاسم : همسه
تاريخ الميلاد : 29 - 8 - 1988

الرد علي اجابات تحقيق محمود صقر

انا مش نسيتك والله.... في حد ينسي روحه

بس كنت مستني اشوف الاجابات تاني علشان ارد عليها

وبجد والله اجاباتك جميلة اوووووووووووي

ودي تعليقاتي علي الاجابات

*السؤال اللي نفسك تسأله لوكيل نيابة المنتدى ؟
ليه دايما بحسك حزين ومجروح ؟؟؟؟

هي الايام كدا يوم بيكون الواحد حزين ويوم بيكون مبسوط

بس الحمد لله الشخص اللي كان سبب حزيني نسيته

*إيه السؤال اللي كان لازم مش اسأله؟
أهلاوى ولا زمالكاوى
ده سؤال ياعم انت ؟؟؟

طبعا انا عارف ان كل الناس لازم يكونوا اهلويه

بس كنت عاوز اعرف هتجاوب ازاي

الامنيه اللي كان نفسك تحققها . واتحققت؟
انى أكون مدرس كويس
والحمد لله من سنتين بدى دروس وشغال كويس جدااااااا

ماشاء الله مش عندكم حد عاوز درس عربي مكسر " انا في الخدمه يعني"

هههههههههههههههههههههههههههه

hekaya كتب:: التحقيق رقم 14

هنبدأ التحقيق مع رمسيس "عبد الله"

الاسم / رمسيس أ، عبدالله

السن/ 21

العنوان/ بلقاس

القسم/ لغة عربية اساسي

أولا :- الأسئلة السياسية.

**اخر مرة شوفت عضو مجلس الشعب التابع ليكم ؟وشايف ان ليهم فايدة للشعب؟
اخر مرة شايفه كان في ميتم ناس جيرنا ، اكيد بيروح يعزي في الميتم ويهني في الفرح

**شايف ازاي العرب يتحدوا ؟
ان يكون ليهم هدف واحد شعار واحد رئيس واحد
**اكتر وزير شايفة انه يستحق منصبة؟
السيد الوزير سامح فهمي لانه فنان
**شايف نفسك بعد عشرين سنه ازاي؟
عجوز ناضج جدا ان شاء الله صاحب شركة اعمال حرة
**عندك بطاقة انتخابية ؟ انتخبت حد قبل كدا؟وليه؟
ايوة بس لسة منتخبتش حد ما لقيتش اللي يستاهل
**أي رأيك في موقف العرب من القضية الفلسطينية والعراقية؟
موقف متوقع من اعداء وليس من اخوان
ثانيا:- أسئلة عن المنتدى.

**مين العضو اللي شايف موضوعاته مميزة ومختلفة؟
كتير عندك حكايه بلال ساهر حقيقي مفيش حد بيكتب موضوع من غير ما يكون متأكد انه
هيفيد ناس كتير

**اكتر عضو سياسي؟
سمسم

*الاسم اللي نفسك تعرف معناه؟
عطرالسحاب
**التوبيك اللي شوفته فرحك؟
كتير بس بجد التوبيك ده هايل
*إيه الموضوع اللي كان نفسك يكون بتاعك؟
يلانلعب اوصف العضو اللي قبلك بكلمتين
ثالثا:- أسئلة شخصية.

*ليه اخترت رمسيس يكون لقب ليك؟
حكاية قديمة ثم ان ده لقبي من ايام ثانوي
*الامنيه اللي كان نفسك تحققها .بس محصلش نصيب؟
الحمد لله اولا علي ما انا فيه اني اكون مهندس ناجح
*هوايتك.ايه ؟
رفع الاثقال بس للأسف معتش بكون فاضي
*شايف نفسك إن شاء الله بعد عشر سنين .أزاي؟
ان شاءالله هحاول اكون انسان جيد راضي عن جميع افعاله
**تحب الشخص العاطفي ولا الشخص العملي؟
العملي بس اكيد عنده جزء من العاطفة
**اكتر حاجة بتكرهها في نفسك؟
النرفزة بس ان شاء الله هبطلها
**انتا برج الميزان:

صفاته "يحب الأشياء الجميلة في الحياة، المشاركة، المرح، والنبل لا يحب العنف، الظلم، الحماقة، والتقيد بالأفكار السائدة يفضّل المنجمون المعاصرون برج الميزان؛ لأنه يمثل ذروة السنة والفصول، كما يرمز للحصاد والراحة. يعد الميزان من أكثر الابراج تحضرًا، ويمتاز المولود تحت هذا البرج بالمظهر الجذاب والأنيق، والذوق الرفيع، واللطف والرقة. كما إنه عاشق للجمال والانسجام ومتع الحياة. يجيد مواليد الميزان النقد، ولديهم .."

دي فعلا صفاتك؟؟؟
مش عارف بس ممكن يكون في منها فيا ممكن انت تقرر لانك حبيبي
رابعا :-اسئله عن الحياة العاطفية:-

*الشخص اللي ندمت انك عرفته؟
متقلقش مش انت ههههههههه بس
*اكتر موقف زعلك في حياتك؟
كتير منها الفراق
*آخر مرة بكيت ؟وليه؟
من شهر 8 اللي فات بسبب وفاة ابنة اخي الرضيعة
**الشخص اللي ضحيت علشانه .وطلع مش يستحق ؟
لم اضحي في حياتي لمن لا يستحق
**اكتر حاجه ممكن تعملها البنت اللي بتحبها وتفرحك اووووي؟
انها تخاف عليا وتسمع كلامي
خامسا :-أسئلة عن مواضيعك.

*اكتر موضوع كتبته .وكان قريب منك؟
معني كلمة صديق
*إيه الموضوع اللي كنت تتمني انه يتشاف اكتر من كدا؟
نفسه وكان في القسم العام
*ايه الموضوع اللي ندمت انك نزلته ؟
مفيش

** في موضوع: ألا تدري؟

قولت "سيبقى اسمك المحفور
في جدران ذاكرتي
على قلبي
وفي حرفي"

تقول الكلام دا لمين دلوقتي ؟
لمراتي

**في موضوع: عذرا حبيبتي

قولت "و سيشهد التاريخ أعظم قصة"

اعظم قصة حب سمعتها زهي ايه ؟؟
قيس وليلي

**في موضوع: الغيرة والحب وما بينهما....

اخر مرة حسيت انك غرت زيادة شويه ؟؟؟؟

***أخيراً***

ولأني ديمقراطي

*السؤال اللي نفسك تسأله لوكيل نيابة المنتدى ؟
ايه اللي خلاك تنزل التوبيك ده والفكرة جت منين
*إيه السؤال اللي كان لازم مش اسأله؟
اللي انا ماجوبتش عليه
*ايه السؤال اللي كان لازم اسأله. ومش سألته؟
ليه انت اشتركت معانا في الاستجواب واجابته لاني حبيت اكون صريح
*ايه رأيك في الحوار ؟ "وبدون مجامله أنا مش هزعل"
جميل جدا تسلم ايدك يا سيد

تابع التوبيك علشان تعرف رأي النيابة في الإجابات

حاضر

وكيل نيابه المنتدي

hekaya

الاسم / ايمي .. Like a Star @ heaven

السن/..........20
العنوان/.......المنصورة

القسم/...........انجلش عام

أولا :- الأسئلة السياسية.

* لو اخترتي تكون وزيرة. هتكوني وزيرة أيه ؟ وإيه أول قرار هتنفذيه؟

و زيرة الاعلام ..... ها رفد كل المذيعات اللي ف التليفزيون المصري ... و خصوصا مفيدة شيحة ..

**شايفة مصر بعد عشرين سنه. ازاي؟

لو ربنا نجانا من انفلوانزا الطيور و الخنازير و الازمة الاقتصادية ... و فضلنا عايشين ... حاسة اننا اكيد مش هنقي احسن بكتير من دلوقتي ....

لان مهما الدنيا اتطورت ... الشعب المصري هايفضل شعب مستهلك للتكنولوجيا .... و مش منتج ليها .... و يارب مايكونش كلامي صح ..

**اخر مرة قولتي فيها "مصر هي أمي"؟
لا .. ماقولتهاش .. انا ليا ماما واحدة بس .. قاعدة ف الاوضة اللي جنبي ..

**اقترحي مشروع لتشغيل الشباب العاطل ؟
و الله مش عارفة ... هو ممكن حاجات كتير بس عايزة راجل امور كدة من رجال الاعمال عشان يمول ... يعني ممكن مصانع لاعادة التصنيع ... و ممكن تصنيع اجهزة بدل ماهي بتجيلنا من الصين ...

*تفتكري ليه الكبار بينتقدوا جيلنا كتير.ومين فينا الصح من وجهه نظرك؟
بينقدونا ... عشان اكيد هما كان عندهم نقط ضعف و هما قدنا ... و كان نفسهم يشوفونا احسن بكتير منهم مش اقل ..

و اكيد مش هما اللي صح و لا احنا كمان ... لكل جيل عيوبه زي ماله مميزاته ... بس احنا بعيد عنك جينا ف ظروف عجيبة ... و الدنيا حوالينا بتتغير بسرعة اوي و مش ملاحقين نعمل حاجة .... و بقي صعب جدا ان ولد دلوقتي يبني
نفسه من الصفر مثلا زي زمان .... و للاسف هما شايفين اننا الي بندلع ..

**اكتر عضو بتحترمي ارائه؟
سعيد

*الاسم اللي نفسك تعرفي معناه؟
الشهيد ميكي ماوس ...

**اكتر توبيك لما شوفتيه صدمك؟
لا ... ماتصدمتش من حاجة ..

*مين أكتر عضو بتحس إن أفكاره قريبه منك؟
انت ..

**ايه رأيك في استايل المنتدي ؟وليه؟
انا عاجبني اوووووووووووي اللون الاسود ... بس ممكن شوية تعديلات ماتضرش ..

ثالثا:- أسئلة شخصية.

**تحبي ترتبطي بشخص بيغيراوووووووي ولا شخص تقيل اووووووووووووي؟

مابكرهش في حياتي قد ان ولد يتقل عليا ... و لو حصلت اني ارتبطت بحد و طلع كدة ... هاسيبه ...

و اة بحب الولد اللي بيغير اكيد ... بس مش غيرة مرضية ... انا بحب الغيرة اللي عن حب .... مش حب امتلاك ...

**اكتر شخص بتحسي ان ليه هيبه؟
لو قادر ...

**لو حبيتي شخص قالك نتجوز عرفي ."هتسبيه خالص _ولا هترفضي بس ؟

وتكملي عادي"

ههههههههههههههههههههههههههه .... اكمل ايه بالظبط .... انا اول حاجة هاعملها اني هاديه بالقلم ع وشه و بعدين بالبلارينا ..

و اكيد مش هاسمح لعنيا حتي انها تبص عليه بعد كدة ....

**تحبي تكوني انتي المسيطرة ولا حبيبك؟

احم احم ..... بص .. انا عايزة حد يكون فاهمني اوووووووووي .. و بيحب نفس الحاجات اللي بحبها و بيكره اللي بكرهه ...

فكدة مفيش حد هيبقي مسيطر ع التاني .... لان احنا الاتنين متفاهمين ..... و بعدين الحب اكبر من كدة ... الحب انك تحس اووووي باللي

قدامك ... مش انك تسيطر عليه و تحاول تغيره بالعافية .. و تزعله منك ..

**ايه اكتر حاجه ندمتي عليها؟

كنت مؤمنة اووووووووي بمثا ليات عبيطة ... اكتشفت انها غلط ... و ندمانة اني كنت طيبة اوووووووي مع ناس ماتستهلش ..

ناس بجد عايزين الحرق .....

[size=12]**انتي برج الدلو :

صفاته "يحب النضال من أجل أهدافه، الحلم بالمستقبل والتخطيط له، التفكير بالماضي، الصحبة الجيدة، والتسلية لا يحب الوعود، الوحدة، المألوف، الزيف، والمثاليات مواليد الدلو ذو شخصيّة جذّابة وقويّة. ينقسم مواليد الدلو إلى نوعين: النوع الأول خجول، حساس، رقيق وصبور. النوع الثاني مرح، نشيط، يحب الظهور ويعمد إلى إخفاء معالم شخصيته الحقيقية أحيانًا. لكن كلا النوعين يتميزون بالقوة والعزيمة. ترى الدلو دائم..."

دي فعلا صفاتك؟؟؟

معظمها .... و يمكن كمان كلها ... ( شطوووووووووور خالص يا سيد )

رابعا :-اسئله عن الحياة العاطفية:-

**لو حبيتي شخص وقالك هنتجوز بعد عشر سنين .هتعملي ايه؟
عشرة ... يالهووووووووووووي ...

يا سيد حراام عليك ..... بص انا هجاوبك بصراحة ... لو حبيت حد كويس اوي و بجد يستاهل انا هستناه ... بس مش ( يقولي ) استنيني

كدة و خلاص .... لان مفيش ضمان اني لو استنيته .. هايتجوزني في الاخر .... لازم يكون في خطوبة ..قراءة فاتحة يابني طبعاااااااااااااااااا..

*آخر مرة بكيتي ؟وليه؟
امبارح ...... كنت بذاكر من ورق صورته من واحدة صاحبتي .... و البنت دي باباها مات قريب ... و لقيتها كاتبة عنه كلام و

ادعية ان ربنا يغفر له ... من غير ماحس عنيا دمعت ... لاني بحب صاحبتي دي اوي .. و حسيت انها كانت تعبانة بجد ...

**اكتر حاجه ممكن يعملها الشخص اللي بتحبيه وتفرحك اووووي؟

انه يعمل حاجة عشاني و اكون بحبها اووووووووووووووووي ... من غير ماقوله ان الحاجة دي بحبها ...

و انه يحس بيا .... و يقدر انه يخليني مبسوطة معاه ... ( لاني شوية صعب ان حد يرضيني ) ..

**لو كان الوسيله الوحيدة للارتباط بحبيبك انك تدبلري سنه .هتعملي ايه؟

تعرف ان فيه واحدة صاحبتي عملت كدة قبل كدة ... و في الاخر الولد ده سابها ...

بص يا سيد ..... انا الحب عندي مهم جداااااااا .... لكن مش اهم من مستقبلي ... او اهم من نفسي .... و مدام انا هاعمل حاجة غلط ..

يبقي ماستنا ش انها هاتنتهي بصح .... يعني قدر الله و ماشاء فعل .. لو ربنا كاتبلي اني ابقي ليه .. مش هاتفرق بقي نجحت و لا دبلرت ...

*اكتر موضوع كتبتيه .وكان قريب منك؟
(( كانت مع جوزها ))

*إيه الموضوع اللي كنتي تتمني انه يتشاف اكتر من كدا؟
مفيش ... انا الحمد لله بنزل مواضيع مش كتير .. لكن كلهم كان عليهم ردود كتير ...

*ايه الموضوع اللي ندمتي انك نزلته ؟
(( سنتين )) .. عشان فيه ناس سالتني ايه حكاية السنتين دول ... و انا مش عايزة اقول ...

**في موضوع: نده لي باسمها

لوبتحبي شخص ونده ليكي باسم واحدة تانية .هتعملي ايه ؟؟؟؟

هههههههههههههههههههههه .... مس عارفة ... بس ممكن اضربه ...

لالالالالالالالالالا .. بجد بجد ... انا هاحاول الاول اعرف الاسم اللي قالهولي ده اسم مين و بتمثله ايه ...

يعني هل هي حبه القديم .... و لا واحدة بيحبها عليا ..

لو واحدة بيحبها عليا ....... هاسيبه

لو حبه القديم .... هحاول اعرف منه اذا كان لسة بيحبها ... و لا ده كان مجرد تعود ع اسمها ... لو بيحبها ..

يبقي مالناش نصيب مع بعض ...

بس هحاول ع قد ماقدر اني ابقي متسامحة وهادية ... و ماهدش اللي بنا من غير سبب .. لازم اكون متاكدة من احساسه ..

**في موضوع : تهنئة بالزفاف...........

قولتي "فحبيت بس اهنيك واقولك"

ممكن تهني شخص كنتي بتحبيه .يوم زفافه؟؟؟؟

NOOOOOOOOOOOOOOOOOOOOOOOOOOOOOOOOOOOOOOOOOO

**موضوع: الشكل ولا الشخصية

اكتر شخص حسيتي ان شخصيته قريبة منك ؟؟؟؟

انا مشكلتي اني شخصيتي بجد صعبة اوووووووي ... حتي انا ماقدرش احدد شخصيتي عاملة ازاي عشان اقول

اذا كان فيه حد قريب مني و لا لا ...

بس بجد و الله العظيم انت اكتر حد حاسة انه فعلا قريب مني كتييييير ... او ممكن اقول انك فاهمني .. ( اي خدعة )

ولأني ديمقراطي

*السؤال اللي نفسك تسأله لوكيل نيابة المنتدى ؟

المشكلة اني سالتك اصلا كل حااااااااجة عنك ... بس ممكن اقولك مثلا ... بس ممكن اسالك مثلا .. مين اقرب حد ليك ... باستثناء مامتك ؟؟؟؟؟؟؟؟
*إيه السؤال اللي كان لازم مش اسأله؟
مفيش ... كلها اسئلة حلوة ..
*ايه السؤال اللي كان لازم اسأله. ومش سألته؟

هو انت خليت حاجة الا وسالت فيها ... هههههههههههههههههههههههه

*ايه رأيك في الحوار ؟ "وبدون مجامله أنا مش هزعل"

بجد حلو جداااااااااااااااااااااااااااااااااااااااااااااااااااا

الرد علي اجابات التحقيق مع winter

لو اخترتي تكون وزيرة. هتكوني وزيرة أيه ؟ وإيه أول قرار هتنفذيه
وزيرة التعليم العالى واول قرار احاله جميع الدكاتره للمعاش و الاستفاده من الشباب الواعد

يارب تكوني الوزيرة من بكرة

**لو حبيتي شخص وقالك هنتجوز بعد عشر سنين .هتعملي ايه؟
هستنى العشر سنين المهم فى الاخر هنكون مع بعض

انتي الوحيدة في البنات اللي وافقت تستني اللي بتحبه عشر سنين

**اكتر حاجه ممكن يعملهاالشخص اللي بتحبيه وتفرحك اووووي؟
اكيد لو حد عمل حاجه بحبها

ايه الحاجه دي بقي؟

ممكن تعبري عن نفسك .دلوقتي ؟
انا دلوقتى مبسوطه من الاسئله بتاعت مواضيعى لان الاسئله مش متكررة و لانك قرأت مواضيعى و بتسأل عليها فأنا فرحانه و الحمد لله

ربنا يخليكي وتكوني فرحانه علي طول

*السؤال اللي نفسك تسأليه لوكيل نيابة المنتدى ؟
امتى الدمعه تداعب عنيك و الحزن الشديد يسيطر عليك ؟
الدمعه صعبة اوووووووووووووووووووووووي .بس الحزن ممكن من أي موقف.

ايه رأيك في الحوار ؟ "وبدون مجامله أنا مش هزعل"
مش محتاج اصل رأى
بجد ممتاز
كفايه انك عطيت فرصه لينا كلنا اننا نتعرف على بعض اكتر
مشكووووووووور لمجهودك الرائع اللى مش هننساه ابدا يا اجمل حكايه فى المنتدى

الف شكر ليك

الشكر ليكي علي اجاباتك الجميلة شرفتي التوبيك

الرد علي اجابات التحقيق مع رمسيس "عبد الله"

**مين العضو اللي شايف موضوعاته مميزة ومختلفة؟
كتير عندك حكايه بلال ساهر حقيقي مفيش حد بيكتب موضوع من غير ما يكون متأكد انه هيفيد ناس كتير

شكرا يا عبد الله وفعلا الاعضاء كلها بتنزل مواضيع مميزة.

**التوبيك اللي شوفته فرحك؟
كتير بس بجد التوبيك ده هايل

شكرا يا عبد الله دا من ذوقك

الشخص اللي ندمت انك عرفته؟
متقلقش مش انت ههههههههه بس

الحمد لله اني مش انا

*السؤال اللي نفسك تسأله لوكيل نيابة المنتدى ؟
ايه اللي خلاك تنزل التوبيك ده والفكرة جت منين

والله نزلته علشان حبيت نتعرف علي افكار بعض اكتر

*ايه رأيك في الحوار ؟ "وبدون مجامله أنا مش هزعل"
جميل جدا تسلم ايدك يا سيد

تسلم انتا باجاباتك الجميلة

شكرا يا سيد وفي انظار المزيد

الرد علي اجابات التحقيق مع ايمي كل يوم

**لو اخترتي تكون وزيرة. هتكوني وزيرة أيه ؟ وإيه أول قرار هتنفذيه؟
و زيرة الاعلام ..... ها رفد كل المذيعات اللي ف التليفزيون المصري ... و خصوصا مفيدة شيحة ..

ليه بس قطع العيش ولا انتي علشان بقيتي وزيرة

** اخر مرة قولتي فيها "مصر هي أمي"؟
لا .. ماقولتهاش .. انا ليا ماما واحدة بس .. قاعدة ف الاوضة اللي جنبي ..

ربنا يخليلك مامتك يا رب

*مين أكتر عضو بتحس إن أفكاره قريبه منك؟
انت ..

دي حاجه تشرفني

**تحبي تكوني انتي المسيطرة ولا حبيبك؟
احم احم ..... بص .. انا عايزة حد يكون فاهمني اوووووووووي .. و بيحب نفس الحاجات اللي بحبها و بيكره اللي بكرهه ...فكدة مفيش حد هيبقي مسيطر ع التاني .... لان احنا الاتنين متفاهمين ..... و بعدين الحب اكبر من كدة ... الحب انك تحس اووووي باللي قدامك ... مش انك تسيطر عليه و تحاول تغيره بالعافية .. و تزعله منك ..

خرجتي من السؤال بذكاء بس اجابه جميلة اوووي

**اكتر حاجه ممكن يعملها الشخص اللي بتحبيه وتفرحك اووووي؟
انه يعمل حاجة عشاني و اكون بحبها اووووووووووووووووي ... من غير ماقوله ان الحاجة دي بحبها ...و انه يحس بيا .... و يقدر انه يخليني مبسوطة معاه ... ( لاني شوية صعب ان حد يرضيني ) ..

"من غير ما قوله " بجد والله اجابه جميلة اوووووووووووي

**في موضوع: نده لي باسمها
لوبتحبي شخص ونده ليكي باسم واحدة تانية .هتعملي ايه ؟؟؟؟
هههههههههههههههههههههه .... مس عارفة ... بس ممكن اضربه ...
لالالالالالالالالالا .. بجد بجد ... انا هاحاول الاول اعرف الاسم اللي قالهولي ده اسم مين و بتمثله ايه ...يعني هل هي حبه القديم .... و لا واحدة بيحبها عليا ..
لو واحدة بيحبها عليا ....... هاسيبه لو حبه القديم .... هحاول اعرف منه اذا كان لسة بيحبها ... و لا ده كان مجرد تعود ع اسمها لوبيحبها ..يبقي مالناش نصيب مع بعض ...بس هحاول ع قد ماقدر اني ابقي متسامحة وهادية ... و ماهدش اللي بنا من غير سبب .. لازم اكون متاكدة من احساسه ..

ايه العقل دي

**موضوع: الشكل ولا الشخصية
اكتر شخص حسيتي ان شخصيته قريبة منك ؟؟؟؟
انا مشكلتي اني شخصيتي بجد صعبة اوووووووي ... حتي انا ماقدرش احدد شخصيتي عاملة ازاي عشان اقول اذا كان فيه حد قريب مني و لا لا ...
بس بجد و الله العظيم انت اكتر حد حاسة انه فعلا قريب مني كتييييير ... او ممكن اقول انك فاهمني .. ( اي خدعة )

دا شرف ليا .وشكرا علي خدعك يا جميل

**السؤال اللي نفسك تسأله لوكيل نيابة المنتدى ؟
المشكلة اني سالتك اصلا كل حااااااااجة عنك ... بس ممكن اقولك مثلا ... بس ممكن اسالك مثلا .. مين اقرب حد ليك ... باستثناء مامتك ؟؟؟؟؟؟؟؟

خارج المنتدي "2 صحابي "

في المنتدي "ايمي – بلال – ساهر –لوقادر- كل المنتدي حبايبي"

**ايه رأيك في الحوار ؟ "وبدون مجامله أنا مش هزعل"
بجد حلو جداااااااااااااااااااااااااااااااااااااااااااااااااااا

الاحلي هي اجاباتك وتشريفك للتوبيك

التحقيق رقم 17

هنبدأ التحقيق مع همسة حزينه.

الاسم /

السن/...........

العنوان/........

القسم/...........

أولا :- الأسئلة السياسية.

*لوقلت ليكي اختاري خليفة للمسلمين هتختاري مين؟

*تتوقعي من هو الرئيس القادم لمصر؟

* لو اخترتي تكون وزيرة. هتكوني وزيرة أيه ؟ وإيه أول قرار هتنفذيه؟

*لو قلت اختاري تنضمي لحزب مصري. تختاري حزب إيه وليه ؟

**شايفة مصر بعد عشرين سنه ازاي؟

ثانيا:- أسئلة عن المنتدى.

**مين كان سبب في اشتراكك في المنتدي؟

*إيه الموضوع اللي كان نفسك يكون بتاعك؟

**مين العضو اللي شايفه موضوعاته مميزة ومختلفة؟

**اكتر عضو بتحترمي ارائه؟

*اكتر اسم عضو عجبك؟وليه؟

**اكتر ميزه عجبتك في المنتدي؟؟؟

ثالثا:- أسئلة شخصية.

*الامنيه اللي كان نفسك تحققيها . واتحققت؟

*شايفه نفسك إن شاء الله بعد عشر سنين .أزاي؟

*ليه اخترتي همسة حزينة يكون لقب ليكي؟

**تحبي تكوني انتي المسيطرة ولا حبيبك؟

**اكتر شخص بتحسي انه فهمك؟

**مين الشخص اللي ممكن تنفذي أي حاجه يطلبها منك ؟

**شايفه نفسك مُدرسه ناجحه ؟

**لو حبيتي شخص قالك نتجوز عرفي ."هتسبيه خالص _ولا هترفضي بس

وتكملي عادي"

**انتي. برج العذراء:

..والبرج بيقول " يحب الأطعمة الصحية، القوائم، كل ما هو صحي ومفيد، والنظام لا يحب المخاطرة بالصحة، الخسة، الفساد السياسي، والتردد مواليد العذراء شديدو الذكاء، يمتازون بالدقة والحكمة والصبر. يغلب على مواليد العذراء الطابع المحافظ في شتى مجالات حياتهم. رغم مظهرهم الخارجي الذي يغلب عليه البرود، لكنهم في حقيقة الأمر يمتازون باللطف والرقة. لكن التعود على كبت المشاعر وإخفائها يؤدي بهم إلى خلق علاقات سطحية

الكلام دا صح؟

رابعا :-اسئله عن الحياة العاطفية:-

*اكتر موقف فرحك في حياتك ؟

*اكترحاجه عملتيها وندمتي عليها؟

*بتحبي؟أو كنت بتحبي؟

**لو كان الوسيله الوحيدة للارتباط بحبيبك انك تدبلري سنه .هتعملي ايه؟

*آخر مرة بكيتي ؟وليه؟

**اكتر حاجه ممكن يعملها الشخص اللي بتحبيه وتفرحك اووووي؟

*اكتر موقف زعلك في حياتك؟

**3 صفات مش هتتنازلي عنها في شريك حياتك ؟

خامسا :-أسئلة عن مواضيعك.

*اكتر موضوع كتبتيه .وكان قريب منك؟

*إيه الموضوع اللي كنتي تتمني انه يتشاف اكتر من كدا؟

*ايه الموضوع اللي ندمتي انك نزلتيه ؟

* في موضوع انواع القلوب:

--ممكن اعرف امتي قلبك كان"جائع – طيب –محترق –يأس-مظلوم"؟

***أخيراً***

ولأني ديمقراطي

*السؤال اللي نفسك تسأليه لوكيل نيابة المنتدى ؟

*إيه السؤال اللي كان لازم مش اسأله؟

*ايه السؤال اللي كان لازم اسأله. ومش سألته؟

*ايه رأيك في الحوار ؟ "وبدون مجامله أنا مش هزعل"

تابعي التوبيك علشان تعرفي رأي النيابة في الإجابات

وكيل نيابه المنتدي

hekaya

hekaya كتب:: التحقيق رقم 13

هنبدأ التحقيق مع بلال

الاسم /

السن/ 21

العنوان/ طلخا _ ش البحر _ قدام المعدية _ المنصورة

القسم/ اللغة العربية _ رابعة _ اساسى

أولا :- الأسئلة السياسية.

*قولي ثلاث سلبيات في مصر ؟وثلاث ايجابيات ؟
سلبيات / البطالة و الكوسة و الاستغلال
ايجابيات / دين البلد وبعض ناسها واننا خير جنود الارض

*لوقلت ليك اختار خليفة للمسلمين هتختار مين؟
مقدرش احدد بس اتمنى انه يتغير بقى للاحسن
*لو كان ليك أمر تأمره وينفذه العرب جميعا هيكون إيه؟وليه؟
اتحدوا بقى زهقتنوا
علشان احنا فعلا مفككين
* من المسئول عن ضعف العرب والمسلمين ؟ ولماذا؟
احنا العرب ذات نفسهم
لاننا مش بنفكر غير فى حاجات تافهه وبعدنا عن دينا واسلامنا هو السبب
*لو كان مقابل تحرير فلسطين مصر تخوض حرب. هتختار إيه؟
لا طبعا احنا منقدرش نحارب لوحدنا ده موضوع جامد اوى وعاوز العرب كلهم يبقى ليهم كلمة فيه
*لو قلت اختار تنضم لحزب مصري. تختار حزب إيه؟ وليه ؟
هههههههههههه الحزب الوطنى
اصل هو اللى ماشى الوقتى
ثانيا:- أسئلة عن المنتدى.

*اكتر ثلاث مواضيع عجبتك؟
فعلا كتير مش هقدر احدد
*تتمني أيه يضاف للمنتدى؟
اتمنى ان يكون هناك صلاحيات للمشرفين غير الاعضاء وفى حاجات كتير ناقصة بجد
*إيه أفكارك لتطوير المنتدى؟
انى اشغل الاعضاء اللى بيدخلوا الشات بس مش بيساهموا مش معنى ده انى الغى الشات
انى احدد مدة معينة مثلا ملقتش العضو بيساهم احذرة وكدة
**اكتر توبيك لما شوفته صدمك؟
لما حطونى فى محكمة الحب كانت صدمة
**ايه رأيك في استايل المنتدي ؟وليه؟
هو كويس وياريت ميتغيرش للاسء يعنى لو فى افضل ماشى وعير ان الشريط اللى بيتحط فى الاول ده بيتقل المنتدى اوى اوى ياريت بلاش الشرايط دى
**اكتر عضو بتحترم ارائه؟
بلاش علشان محدش يزعل ويقول اشمعن وكدة
ثالثا:- أسئلة شخصية.

**شايفه نفسك مُدرس ؟وليه؟
انا مش شايف نفسى مدرس خالص
لانى مش متفائل اصلا بالمهنة دى حاس انها مش جايبة همها وبعدين مكنتش هدفى
**اكتر اكلة بتحبها ؟ ومشروب ؟
الاكل انا بحب الاسماك اوى
والمشروب القهوة يوميا
*قول 3صفات في نفسك ؟
مقدرش اقول غير انى عبد ومسلم وفقير
*هوايتك.ايه ؟
هوايتى قبادة السيارات
*شايف نفسك إن شاء الله بعد عشر سنين .أزاي؟
حاجة فى علم الغيب يا حبى
**انتا برج الحمل :

صفاته " يحب النشاط، الفوز، التحديات، البطولة، والتلقائية. لا يحب الانتظار، الاعتراف بالفشل، الاستبداد، والاستماع إلى نصائح الآخرين الحمل مغامر, طموح, عفوي, متحمّس ونشيط. الحمل رائد في الفكر والفعل, متفتح للأفكار الجديدة وعاشق للحريّة. يرحّب بالتّحديات، ولا يغير مساره إلا إذا ضجر لعدم حصوله على النتائج المرجوة بسرعة. قائد شجاع يهتم بأمور رعيته. ونادرًا ما يلجأ الى مرؤوسيه للوصول إلى أهدافه الخاصّة الإ فيما ندر. لا يصلح أن يكون تابعًا"

دي فعلا صفاتك؟؟؟

فعلا الحاجات دى متوفرة فيه
رابعا :-اسئله عن الحياة العاطفية:-

*3 صفات تتمناها في شريكه حياتك.؟
انها تكون بنت امورة متفاهمة عاقلة ومؤدبة اوى ومتدينة بدرجة عالية وهادية
**معني الرومانسية من وجهه نظرك؟
الرومانسية هى ان تحيا حياة تشعر انك فى الجنة ولحظات لا تعرف معانها الا بعد ترك حبيبك
**لاي درجه ممكن تتسامح مع حبيبتك؟
لاى درجة مهما كانت صعوبتها
**اكتر حاجه ممكن تعملها البنت اللي بتحبها وتفرحك اووووي؟
انها تكون تصرفاتها حكيمة وبتحافظ على كرامتى انا بضايق من البنت اللى صوتها عالى
*متى قلت كفاني يا قلب عذاب ؟
حاليا اقولها
خامسا :-أسئلة عن مواضيعك.

*اكتر موضوع كتبته .وكان قريب منك؟
مش فاكر بالتحديد بس المواضيع الحزينة قريبة منى
*إيه الموضوع اللي كنت تتمني انه يتشاف اكتر من كدا؟
مش متذكر بس انا مش بحط موضوع الا اذا كان هادف فعلا او مسلى
*ايه الموضوع اللي ندمت انك نزلته ؟
انا عمرى ما احط حاجة واندم عليها ممكن رد احطه واندم عليه
**في موضوع :انت قلم رصاص ولا حبر؟؟؟؟

قولت "بعض البشر مثل قلم الرصاص عندما يخطىء يتحمل خطاياه و يعترف .."

امتي اخر مره اعترفت بخطأك؟

انا بعترف بخطائى اللى مش قادر انساه كل يوم انى مفكرتش كويس زمان

**في موضوع :سبع قواعد ان اتبعتهم عشت سعيداً طول عمرك

قولت "ابتسم ولو القلب يقطر دما"

امتي ابتسمت وقلبك يقطر دما؟

للاسف حكاية انا دائما مبتسم وقلبى حزين ولكنى لا ادمع منذ فترة كبيرو
فقد علمنى الزمن ذلك ومحا دموع عينى

**في موضوع :أيــــــــــن أنتــــــــــــــــى ؟؟؟

قولت "لا يمكنني العيش مع خيال بعد اليوم"

اكبر خيال او وهم عشت كان ايه ؟

ان فى ناس ضحكوا عليه عشمونى بحاجات لسنين والاخر طلعت سرااااااااااب
***أخيراً***

ولأني ديمقراطي

*السؤال اللي نفسك تسأله لوكيل نيابة المنتدى ؟
انت حبيت قبل كدة ؟ وهل وفقت ؟ وليه ؟ ومنين من الدفعة ولا ايه ؟
*إيه السؤال اللي كان لازم مش اسأله؟
امتى اخر مرة اعترفت بخطأك
*ايه السؤال اللي كان لازم اسأله. ومش سألته؟
انت يمكن تعرفنى علشان كدة اعتقد ان دى اسهل اسهلة وجهت ليه
*ايه رأيك في الحوار ؟ "وبدون مجامله أنا مش هزعل"
بجد التوبيك والاسئلة جامدة
انا كنت قولت انى هحذف اجاباتى بس دى لاء مش هحذفها
احب اقول واعترف انى فخور بصداقتك سيد باشا
بدون مجاملات بدون دبلوماسية انت معلم بجد

تابع التوبيك علشان تعرف رأي النيابة في الإجابات

وكيل نيابه المنتدي

hekaya

» من "" صديق "" ل "" عريس "" والله البنات دى قادرة
» تحديد موعدي ذهاب وإياب "الكلاسيكو" .. وملعب "كامب نو" يستضيف أولى المواجهات !!!
» محمود عبد العزيز "مارلون براندو* ‬العرب"* : ‬شخصية* ‬"عبدالملك زرزور" ‬أدهشتني
» "الإنتريستا الجديد" : "يجب علينا ملاحظة ماقام به البارسا .. ولسنا أقل شأناً منهم" !!!
» هل حقا اصبحنا امة " مهند " بعدما كنا امة " محمد " ؟؟؟