ما هو ردك فيما هو منسوب إليك من اتهامات ..""ايوه انت""؟؟؟!!!!

التحقيق رقم 17







هنبدأ التحقيق مع همسة حزينه.


بسم الله الرحمن الرحيم

الاسم / همسه

السن/ 20

العنوان/ المنصوره

القسم/ عربى




أولا :- الأسئلة السياسية.



*لوقلت ليكي اختاري خليفة للمسلمين هتختاري مين؟
"معز مسعود"..... لأنه انسان مثقف وفاهم دينه كويس جدا غير انه فاهم الدول التانيه وقارى عنهم واعتقد انه ممكن يعمل حاجه
*تتوقعي من هو الرئيس القادم لمصر؟
جمال مبارك
* لو اخترتي تكون وزيرة. هتكوني وزيرة أيه ؟ وإيه أول قرار هتنفذيه؟
وزيرة الشباب والرياضه... حاسه انى ممكن اطلع فيها طاقتى
*لو قلت اختاري تنضمي لحزب مصري. تختاري حزب إيه وليه ؟
هو فيه حزب تانى غير الحزب الوطنى؟؟!
**شايفة مصر بعد عشرين سنه ازاي؟
طالع عينها... اعتقد الفتره الجايه هتكون فترة حروب



ثانيا:- أسئلة عن المنتدى.



**مين كان سبب في اشتراكك في المنتدي؟
محاضرة الزينى
*إيه الموضوع اللي كان نفسك يكون بتاعك؟
مش فى موضوع اتمنيت يكون بتاعى ... بس بلاقى مواضيع كتير جميله اتمنى تاخد حقها
**مين العضو اللي شايفه موضوعاته مميزة ومختلفة؟
فى اعضاء كتير... بس ممكن نقول... ساهر.. دودا .. حكايه..
وكمان فى عضو جديد بس عامل شغل جامد وهو بيبو
**اكتر عضو بتحترمي ارائه؟
بحترم أراء كل الاعضاء طبعا .. دى مش محتاجه كلام
*اكتر اسم عضو عجبك؟وليه؟
لو قادر .. حكايه
اسامى حلوه وجديده
**اكتر ميزه عجبتك في المنتدي؟؟؟
المنتدى كله عاجبنى بس بحب فيه حب الاعضاء لبعض رغم ان معظمنا مش عارف بعض


ثالثا:- أسئلة شخصية.


*الامنيه اللي كان نفسك تحققيها . واتحققت؟
لحد دلوقتى كلها كانت امنيات عاديه
بس فى بالى حاجات كتير نفسى احققها
او احقق جزء منها على الاقل
*شايفه نفسك إن شاء الله بعد عشر سنين .أزاي؟
هههههههههه... دى حاجه فى علم الغيب
بس لو سرحت بخيالى شويه ممكن اكون ام محتاسه فى بيتها
وعنده قمرين طبعا دا غير.....
*ليه اخترتي همسة حزينة يكون لقب ليكي؟
يمكن عشان دمعتى قريبه
**تحبي تكوني انتي المسيطرة ولا حبيبك؟
اكيد هو ....اعتقد فى العلاقه الناجحه لازم يكون الراجل المسيطر
بس طبع لازم يكون فى تفاهم
**اكتر شخص بتحسي انه فهمك؟
صحبتى الانتيم
**مين الشخص اللي ممكن تنفذي أي حاجه يطلبها منك ؟
اكيييييييييييييد بابا
**شايفه نفسك مُدرسه ناجحه ؟
ممكن بس محتاجه شويه خبره
**لو حبيتي شخص قالك نتجوز عرفي ."هتسبيه خالص _ولا هترفضي بس

وتكملي عادي"
اكيد هسيبه خالص
بس انا عارفه انى مش ممكن احب شخص ممكن يقولى كدا فى يوم من الايام
لان اهم حاجه عندى فى الانسان اللى احبه اخلاقه
**انتي. برج العذراء:

..والبرج بيقول " يحب الأطعمة الصحية، القوائم، كل ما هو صحي ومفيد، والنظام لا يحب المخاطرة بالصحة، الخسة، الفساد السياسي، والتردد مواليد العذراء شديدو الذكاء، يمتازون بالدقة والحكمة والصبر. يغلب على مواليد العذراء الطابع المحافظ في شتى مجالات حياتهم. رغم مظهرهم الخارجي الذي يغلب عليه البرود، لكنهم في حقيقة الأمر يمتازون باللطف والرقة. لكن التعود على كبت المشاعر وإخفائها يؤدي بهم إلى خلق علاقات سطحية

الكلام دا صح؟
مش كله


رابعا :-اسئله عن الحياة العاطفية:-



*اكتر موقف فرحك في حياتك ؟
لما بدعى ربنا لحاجه وتحصل وقتها
*اكترحاجه عملتيها وندمتي عليها؟
مش بحب اندم على حاجه لازم نستفيد من أخطاءنا
بس عندى عيب واحد ولحد دلوقتى مش عارف استفيد منه
انى بسيب الفرصه لغيرى انه يستغلى طبتى.... لو حد يقدر يساعدنى
*بتحبي؟أو كنت بتحبي؟
لا مش بحب ومش حبيت قبل كدا ... بس ممكن تقول معجبه بواحد
**لو كان الوسيله الوحيدة للارتباط بحبيبك انك تدبلري سنه .هتعملي ايه؟
ههههههههههه ممكن طبعا لو بحبه ولو متأكده انه بيحبنى
بس انا واثقه انى ممكن الاقى حل تانى غير انى ادبلر
*آخر مرة بكيتي ؟وليه؟
انبارح..... كنت زعلانه من اخويه قووووووووى
ولما بكون زعلانه من حاجه بقلب على نفسى المواجع
**اكتر حاجه ممكن يعملها الشخص اللي بتحبيه وتفرحك اووووي؟
انه يثبتلى انه بيحبنى وبيخاف عليه من غير مايقول
*اكتر موقف زعلك في حياتك؟
فى مواقف كتير زعلتنى وخاصه من اصحابى
**3 صفات مش هتتنازلي عنها في شريك حياتك ؟
متدين وقريب من ربنا.... دمه خفيف .... اقدر اعتمد عليه ويثق فيه


خامسا :-أسئلة عن مواضيعك.



*اكتر موضوع كتبتيه .وكان قريب منك؟
انا مش كتبت غير موضوعين بس وبحبهم لانهم كانوا البدايه
*إيه الموضوع اللي كنتي تتمني انه يتشاف اكتر من كدا؟
أروع استغفار قراته...
*ايه الموضوع اللي ندمتي انك نزلتيه ؟
مفيش وان شاء الله مش هيكون فى
* في موضوع انواع القلوب:

--ممكن اعرف امتي قلبك كان"جائع – طيب –محترق –يأس-مظلوم"؟
قلبى دايما جائع وطيب ومحترق وعمره مكان يأس ولا مظلوم وان شاء الله مش هيكون
***أخيراً***





ولأني ديمقراطي



*السؤال اللي نفسك تسأليه لوكيل نيابة المنتدى ؟
التوبيك دا تعبك؟؟؟
*إيه السؤال اللي كان لازم مش اسأله؟
الاسئله السياسيه عشان بجد مش ليه فى السياسه
*ايه السؤال اللي كان لازم اسأله. ومش سألته؟
مفيش حاجه فى بالى
*ايه رأيك في الحوار ؟ "وبدون مجامله أنا مش هزعل"
لو بدأنا الحوار من ثانيا يبقى لذيذ وممتع ...خلانى اطلع حاجات منى

الاسم / رحيق الجنة



السن / تقريبا 20



العنوان / دكرنس



القسم / أساسى E



الاسئلة السياسية :



الاجابة :



1- اتوقع انه يكون جمال مبارك اكيد يعنى بالديمقراطية الحديثة



2- هاختار وزارة شئون مجلسى الشعب والشورى



واول قرار هانفذه هو حل المجلس ده من رؤساؤه واعضاؤه واشكله على مزاجى



هههههههههههههههههههههه



لا بجد اخصص مقاعد فيه للشباب يشاركوا ويطرحوا مشاكلهم



3-



3 سلبيات فى مصر :



العشوائيات و التلوث و المحسوبية والرشوة



كده اربعة يلا زى بعضه



3 ايجابيات :



العيشة البسيطة والناس الطيبة



وفيه برضه حاجات تانية بس انا مش فاكراها



4- مانضمش لاى حزب



كلٌ يبكى على ليلاه



يعنى كل حزب وبيدور على حاجة



مفيش حد بيدور على مصر ههههههههههههه



5- لو ليا أمر للعرب انهم ينفذوه



انهم يتحدوا وبلاش خلافات بقه



ليه ؟ لان الاتحاد قوة والفرقة ضعف



أسئلة عن المنتدى :



1- 3 مميزات فى المنتدى :



اولا الاعضاء فيه ناس جميلة ومحترمة جداا



وثانيا اننا متحدين على افكار واحدة اننا نكبر منتدانا



وان دراستنا فى كلية واحدة



وثالثا النشاط من جميع الاعضاء والمشرفين والادارة



و3 عيوب فى المنتدى:



لسه مفيش عيوب بصراحة وباذن الله مش هيكون فيه



2- أتمنى يكون فيه قسم للفضفضة



3- أكتر اسم عجبنى :



بصراحة كل الاسماء جميلة واكيد ليها معانى اجمل عند اصحابها



4- الموضوع اللى كان نفسى ميبقاش فى المنتدى



كل الموضوعات كويسة



5-

أمير القلم : على ويكا وساهر



محبوب المنتدى :



كتير والله ما شاء الله الكل محبوبين



الاكثر جدل : سمسم



المجروح : بصراحة مش عارفة حاجة عن حد عشان احكم اذا كان مجروح او لأ



6_ بما انى مشرفة فى القسم الاسلامى



شايفه ان كل موضوع مش هيزينة غير آية من آيات القرآن الكريم



وان كل حديث يتكتب مصدره وصحته او ضعفه





أسئلة شخصية :



1- بعد عشر سنين :



الله أعلم يمكن نكون فى الجنة



ولو فيه عمر يعنى



شايفة نفسى مُدرسة انجليزى



2- 3 صفات فى نفسى :



عنيدة جدااااااااااااااا ومُتسرعة وطيبة بقه



3- اخترت رحيق الجنة لقب ليا



لمعناه الدينى



4- اكتر صفة بكرهها فى نفسى :



التسرع والطيبة الزيادة عن اللزوم



5- نسبة تحقيقها عندى 95%



الاسئلة العاطفية



1- اه طبعا بحب



" والدى ووالدى واخواتى " فقط لاغير



2- صفات اتمناها فى شريك حياتى :



التدين بمعناه الشامل لكن مش متعصب



والصفة التانية يكون شخصيته قوية



والتالته يبقى متعلم اكيد ومثقف



3- اكتر موقف زعلنى فى حياتى :



يووووووووووووووووه كتييييييييييييييييييييير



4- لا انا مندمتش على معرفة حد لان لو الحد ده مش كويس اكيد هنتعلم حاجة



اسئلة عن مواضيعى :



1- موضوع فى الاسلامى



اسمه : من منكم يعرف أجمل ما فى الكون



2- موضوع كنت اتمنى انه يتشاف اكتر من كدا



الحمد لله مواضيعى نسبة مشاهدتها كويسة



3- موضوع ندمت انى نزلته



باختار موضوعاتى كويس عشان مندمش بعد اما انزلها



4- اكتر مكان بتحسى ليه بالحنين



بيتنا لما اكون فى الكلية



5- اه عذبناه وبجد احلى عذاب



ما شاء الله النشاط من الاعضاء حاجة تشرف بجدددد



6- لا مش كله الحمد لله لكن فيه بعض الحاجات اللى حبيتها وضاعت منى



ولكن اكيد ربنا هيعوضنى عنها





ماشى يا عم الديمقراطى



1- السؤال اللى نفسى أسأله ليك ؟



ايه رأيك فى البنات اللى تكتب فى المنتديات ؟



2- السؤال اللى كان لازم مش تسأله ؟



بتاع 3 صفات فى نفسنا لان فيه ممكن يمدح فى نفسه وهيكون مغرور وفيه هيذم فى نفسه وممكن يكون ظلم نفسه


3- السؤال اللى كان لازم تسأله ومش سألته ؟



انت سيبت حاجة الا اما سألت فيها





4- رأيى فى الحوار



بجد حوار جميل اوى والاسئلة عجبتنى بصراحة





ملحوظة : انا قلبت سؤالين بس كده



دومت فى حفظ الرحمن

مرسى ياحكايه
وان شاء الله هدعيلنا كلنا بس انتوا ادعوا ربنا يسمع منى

مشكوووووووووووور

الرد علي اجابات تحقيق همسه حزينه


مرسى ياحكايه
وان شاء الله هدعيلنا كلنا بس انتوا ادعوا ربنا يسمع منى

مشكوووووووووووور


ربنا يسمع منك
والشكر ليكي للمتابعه

- **رأيى فى الحوار

بجد حوار جميل اوى والاسئلة عجبتنى بصراحة
ربنا يكرمك واجاباتك هي الاجمل



ملحوظة : انا قلبت سؤالين بس كده
ولا يهمك



بجد شرفتيني ونورتي التوبيك
واجاباتك كانت جميلة

[quote]ايه رأيك فى البنات اللى تكتب فى المنتديات ؟
والله العصر هو اللي فرض كدا .

.يعني المنتديات بقت لغه اتصال بينا

وكل مكان فيه الكويس واللي مش كويس


فعلا عندك حق

بجد انا كنت سعيدة جدااا بالاسئلة يا حكاية

ويا رب دايما فى تألق وتميز

اقتباس :

الاسم /

the angel
السن/...........

18 سنه و3 شهور
القسم/...........


2 اساسى انجليزى











أولا :- الأسئلة السياسية.


*
لو اخترتي تكوني وزيرة. هتكوني وزيرة أيه ؟ وإيه أول قرار هتنفذيه؟
وزيرة الشباب والرياضه
اول قرار هغير فكر الجمهور تجاه الفرق واخلي تفكيرهم باحتراف
وادى فرصه لكل اللاعيبه انهم يجربوا الاحتراف
واخلى الدورى المصرى من اقوى الدوريات فى العالم

**شايفه
مين الاحسن مصر ولا أمريكا؟
علميا واقتصاديا امريكا
دينيا واخلاقيا مصر طبعا

**اكتر
وزير شايفه انه يستحق منصبة؟
مش عارفه بلاش اقول

**لو
كنتي رئيسه الجامعه .اول قرار هتاخديه ايه ؟وليه؟
انى انزل لاساس الجامعه وهما الطلبه وشباب المستقبل
واشوف وجهة نظرهم عن كل حاجه واحاول اعالجها واقنعهم بالافضل
ومش كل حاجه قرارات صارمه وخلاص

**اقترحي
مشروع لتشغيل الشباب العاطل ؟
بص الولد لو قال شغل هيلاقى الف شغله بس لو سلك نيته
وانا شايفه ان اى شغل شريف مش عيب
انما لو فضل قاعد مستنى الوظيفه بالشهاده هيقعد كتيييييييييير جدا
وهيفضل ياخد مصروف من بابا كتير

**اخر
مرة قولتي فيها "مصر هي أمي"؟

انا بحب مصر جدااااااااا
وعمرى ما اتمنيت اعيش فى اى بلد تانيه غيرها
اخر مره قولتها يوم ماتش مصر والبرازيل بجد كان ماتش جميل جدا
والاعيبه كلهم عملوا اللى عليهم وقدموا عرض جميل جداااااااااا
وكنت فخوره جدا انى مصريه
عالرغم من الهزيمه
*تفتكر
ليه الكبار بينتقدوا جيلنا كتير.ومين فينا الصح من وجهه نظرك؟


لانهم شايفين انهم الافضل والصح
بس كل واحد له وجهة نظره احن شايفين ان لازم يكون فى تغير ونواكب العصر
فى كل حاجه
وهما شايفين انهم بعاداتهم وتقاليدهم افضل
بس بينى وبينك زمان احسن





ثانيا:- أسئلة عن المنتدى.





*اكتر
ثلاث مواضيع عجبتك؟
بصراحه فى مواضيع كتير عجبتنى
بس مش فاكره حاجه معينه دالوقتى

*الاسم
اللي نفسك تعرفي معناه؟
هو كان فى بس خلاص عرفته

**اكتر
عضو بتحترمي ارائه؟
مودى صقر بحسه فاهمنى
دودو2009 لما بتقول رايها فى حاجه بحس ان انا اللى بكتب
رحيق الجنه بحترم مبادئها جداااااااا وبحسها قريبه منى

**ايه
رأيك في استايل المنتدي ؟وليه؟
بجد استايل جميل
وفكره المنتدى اجمل

**اكتر
توبيك لما شوفتيه صدمك؟

معظم التوبيكات كويسه
مش فى حاجه معينه
*مين
أكتر عضو بتحس إن أفكاره قريبه منك؟

اللى قولته وفى اعضاء تانيه
بس مش فاكراهم بجد



ثالثا:- أسئلة شخصية.





**اهلاويه
ولا زملكاوية ؟

هههههههههههه
مش هاقولك
ادخل القسم الرياضى وانت تعرف
انا بكتب فى انهى قسم
**اكتر
حاجه بتحبيها في نفسك؟
الصراحه والشفافيه

**اكتر
اكلة بتحبيها ؟ ومشروب ؟

الفراخ المشويه والشاورما
والموز باللبن
**شخص
انتي ظلمتيه ؟
الحمد لله عمرى ما ظلمت حد ولا اذيت حد ولا زعلت حد منى
ولو ظلمت يبقى ظلمت نفسى لانى ساعات كتير باجى عليها فى حاجات كتير

**تحبي
ترتبطي بشخص بيغيراوووووووي ولا شخص تقيل اووووووووووووي؟
بصراحه.... الاتنين
لانى الشخص اللى مش بيغير مش بيبقى راجل
بس تكون الغيره دى فى حدود والا اتحولت لشك وانانيه
وبحب الشخص التقيل ينى مثلا يقولى كلمة بحبك مرات معدوده
كل فين وفييييييييييييييييييييين

**تحبي
تكوني انتي المسيطرة ولا حبيبك؟
لا طبعاااااااا
هو المسيطر
الراجل راجل

**لوارتبطي
بشخص وقالك انتي مكانك البيت ومفيش شغل .هتعملي ايه؟

طبعا هنتناقش فى الموضوع ده ولو هو اقنعنى بوجهة نظره هاوافق طبعا مفيش كلام
بس انا شايفه لو فى اولاد يبقوا هما اولى من الشغل لانهم محتاجين رعايه كبييييييييييييره
جداااااااااااااااا من الام



**انتي برج
الحوت ودي صفاته


"خيالي وحسّاس عطوف وطيّب يحب الغير ويتعاطف معهم خيالي
وذو حس صادق يحب التأمل، الغموض، والأمور المضحكة لا يحب الوضوح، النقد، الحيرة،
ادعاء المعرفة الحوت ذو طبيعة رقيقة، صبورة،وطيّعة. لديه الكثير من المزايا


والخصال الحميدة، كما أنه ودود, حنون, ويتعاطف مع الآخرين في
معاناتهم. يحبه من حوله نظرًا لطبيعته الهادئة والمسالمة التي لا تشكل خطرًا
أوتهديدًا لمن يفوقه قوةً. يتأقلم الحوت مع المحيط دون أن يحاول تغييره، كما إنه
لا يبادر إلى حل المشاكل بل ينتظر أن تأتي الأقدار بالحلول. الحوت أيضًا دائم
الإنشغال بمشاكل الآخرين عن مشاكله الخاصة"


هل فعلا دي صفاتك ؟؟؟؟.

ايوووووووووون
تقريبا كلهااااااااااا
ميرسى






رابعا :-اسئله عن الحياة العاطفية:-


**قلت
ليكي اهدي شخص وردة .هتكون لمن؟
لاغلى واقرب واعز حد ليا فى الدنيا دى
اقرب ليا من روحى صديقة عمرى
ومعايا فى الدفعه
W

**في
شخص ضحيت علشانه .وطلع مش يستحق ؟
لا الحمد لله
مفييييييييييييييييييش اى اشخاص

**ممكن
تحبي شخص من غير ما تعرفي عن حياته حاجه؟

لا طبعا انا مش بعتقد بالمظهر الخارجى فى الحب
لازم اعرف اخلاقه وادرس شخصيته
لان كل ده بيتبنى عليه الحب
لانى ممكن اعجب بشخص من بره كده
وهو اصلا مش محترم ومش كويس
**لو
كان الوسيله الوحيدة للارتباط بحبيبك ان تدبلري
سنه .هتعملي ايه؟
لو بيحبنى بجد وانا متاكده انه من نصيبى ميه الميه
هدبلر

**3
صفات تتمنيها في شريك حياتك.؟
يكون متدين وقريب من ربنا
ويراعى ربنا فى كل تصرفاته
ويكون مش بيدخن ورومانسى
ومن عيله محترمه وشكله مقبول
وشيك فى استايل اللبس وكمان الكلام
ويكون مرح مش خنيق

**امتي
تبعدي عن اللي بتحبيه؟

لو كدب عليا فى موقف جامد
لانى بكره الكدب ده جداااااااااااا
وطبعا فى حالة الخيانه بلا راجعه مفيش كلام
**معني
الرومانسية من وجهه نظرك؟
الهدوء والسكون والعقلانيه
والحب النقى والصافى

**لو
حبيتي شخص وقالك هنتجوز بعد عشر سنين هتعملي ايه ؟
بالنسبه ليا لو انا متاكده ميه الميه انه هيكون من نصيبى وبحبه بجد هستناه
بس الموضوع مش فى ايدى الاهل عمرهم مايوافقوا على حاجه زى دى
مش تنسى انى بنت

خامسا :-أسئلة عن مواضيعك.


*اكتر
موضوع كتبتيه .وكان قريب منك؟

أغريب أنت أيها الحب
لان معظم الحالات اللى فيه مرت عليا واتاثرت بيها جداااااااااااا
لدرجه انى كنت بحلم بيهم وكنت بتعذب جدا وانا مش قادره اعملهم حاجه
*إيه
الموضوع اللي كنت تتمني انه يتشاف اكتر من كدا؟
هو فى القسم الرياضى بتاع رونالدو

*ايه
الموضوع اللي ندمتي انك نزلته ؟

مش بندم على اى حاجه عدت
**في موضوع: أغريب أنت أيها الحب


قولتي "وهناك من يحب ويعتقد انه وجد حياته بهذا الحب بل
واكثر ويعتقد انه يعيش
اجمل حياته بجانب
هذا الشخص ويندم على ما فاته من عمره بدونه وبعد حين يفيق
على واقع اليم" ..


هل
عشتي الاحساس دا قبل كدا ؟
الحمد لله لا لانى لسه مش جربت الحب اصلا
بس قولتلك ان مرت عليا الحالات دى ومن ناس قريبين منى جداااااااااا
وكل اللى قدرت عليه انى كتبت




**موضوع: حوااار بين 2 سمعهم ثقيل كوميدى موووووووت


لو كنتي في موقف
بتتكلمي مع شخص سمعه تقيل


وهوبيغير كل الكلام اللي بتقوليه


هيكون رد فعلك
ايه؟
ههههههههههههههههههههه
يااااااااااااااااااااااااااااااه
هتعصب جدااااااااااا وهسيبه وامشى
بس بجد غصب عنى




***أخيراً***





ولأني
ديمقراطي





*السؤال
اللي نفسك تسأليه لوكيل نيابة المنتدى ؟
انت جايب التميز والعبقريه دى منييييييييييين؟

*إيه
السؤال اللي كان لازم مش اسأله؟

بتاع اهلاويه ولا زمالكاويه
لانك لو دخلت القسم الرياضى وشوفت توبيكاتى هتعرف
انا اهلاويه ولا زمالكاويه
*ايه
السؤال اللي كان لازم اسأله. ومش سألته؟
هو انت سألته بس بكميه قليله وهو بتاع الورده
كان نفسى يبقى فى اكتر
عشان واحده لماما وبابا
وواحده لكل صحابى واقرب الناس ليا
وواحده لكل اللى بحبهم ويحبونى
انا كده عاوزه حديقه بحالها
ههههههههههههههههه

*ايه
رأيك في الحوار ؟ "وبدون مجامله أنا
مش هزعل"

بجد بجد هااااااااااااااااااااااااايل
ودماغ عاليه جداااااااااااا
ميرسى