نفسك في ايه؟

حلمك مش هايف ابدا

بس انا حلمى مهم جدا

بحلم اعرف ايه اللى حصل ف محاضرة يوم الاربع اللى فات محاضرة مهارات كتابية

لانى غبت كنت تعبانه شويه و العيا حق مباح للجميع مغلطتش يعني

ومكنتش متخيله انها هتدي حاجات و تطلب حاجات

فا صورت المحاضرة من زميلة و جيت البيت لاكتشف ان كل ما لا يلزمنى و اعرفه مكتوب و المهم اللى هو اللى الدكتور طلبته مش موجود

فا انا بحلم و بتمنى و لو تحققولى حلمى و تريحولى قلبي حد يعرفنى هي طلبت ايه
يعني انا المحاضرة الجايه يكون معايا ليها ايه

و هنيالك يا فاعل الخير و الثواب

اوك يانيل كوين انا هقولك هي طلبت مننا ايه

بصي ياستي اخدنا شئ اسمه

transitions "" ,are the word that link sentences

words تنقسم الي كلمات وظبفيه functionوجمل محتوي contentبمعني انها اكتر اهميه من الجمل الوظيفيه

contentتتكون من الفعل _ الصقه_ الاسم_ الظرف بمعني انها اهم شئ في تكوين الجمله
functionتتكون من المقالات _ حروف الجر_ الروابط

بصي ياقمرايه الترانسيشنس ده وانا هفهمالك زي مافهمتها بمعني انها كلمات بتربط الجمل ببعضها وليها امثله ولازم تحفظيها

اولا

nowالكلمه ده معناها الان اوك ليها كلمات زيها في المعني زي
(in addition_ for_ further more_fact)

emphasizeده كلمه معناها متاكد يعني تدل ع التاكيد والكلمات المشابهه ليها وتحمل نفس المعني
(sure_certainly_indeed_above all_surely_most)

qualify بمعني كلام متناقض عكس بعضه والكلمات الي تحمل نفس معناها وتدل عليها
(but_yet_ however_though_ exceptfor)

illustrateمعناها توضيح اكتر وهكذا ليها كلمات

(for instance_for example_then_such_next_)

add بمعني يضيف وكلماتها
(also_first_second_then_in addition_further more_and)

compare
(like_in the same way_ similarly_equally)

contrastومعناها تناقض
(un like_in contrast_ on the other hand_instead)

consequenceمعني نتيجه
(there fore_as aresult_ consequently_ acoodingly_ so_ other wise)

sum up بمعني في النهايه
(to sum up_ finally_ in conclusim_ at last_ i summary(
هبقي اكملك باقي المحاضره

شكرا جدا يا غاده

حقيقي افادتيني جدا

جزاك الله كل خير
ومنتظره منك هى طلبت ايه

بصي ياقمر هي طلبت مننا الاتي

كل كلمه مثلا زي now والكلمات الداله عليها تعملي عليها جمله

علي كل الي عندك ياكوين

اوك ياقمر

شكرا ليكي يا غادة

انتى كنز قومي

ايه ده يا بنات انا بقولكوا نفسكوا في ايه يعني انتي يا "queen"نفسك تكتبي المحضره دي بس
يا جماعه بقول حلمكوا اللي انتوا نفسكوا تححققوا
وعلي العموم سلمتك يا "queen" ويرب تكوني بخير
ارجو الرد

انا فعلا خرجت عن الموضوع الاساسي

و تكفيرا عن ذنبي هقول انا نفسي ف ايه

انا بحلم حلم كبير وهو مش اكبر مني هو كبير ف قيمته

بحلم اعمل فرق اسيب بصمة مكونش صفر على الشمال عدم وجودى افضل من وجودى
نفسي ابقي استاذه جامعية و بتمني ان ربنا يعيني على دا

ربنا يوفقك يرب في تحقيقه
هو فعلا حلم كبير بس انتي قدها وقدود يا جميل

ربنا يحقق احلامكوا يارب
انا بقى معنديش حلم لانى ياما حلمت والحلم طار
فمش بحب احلم
خلينا عايشين فى الواقع احسن

ههههههههههههههههههههه
اكيد هتطلعي يا نانو انشاء الله
بس تفتكروا الاحلام دي ممكن نقول عليها "حلم العمر"ولا ايه

قولي يا نانو احنا يعني ورانا ايه
بس انا اقصد الحلم الاساسي الاولني يعني اللي عمرك منستيه

انا حلمى بقا انىاحضر دكتوراه فى التنميه البشريه زى الدكتور ابراهيم الفقى واسافر المانيا فى المستقبل ان شاء الله واسافر السعوديه احج واسافر كوريا كمان احلام عمرها ماهتتحقق بس اهو حلم

فكره حلوه جدااااااااااا
بصراحه انا احلامى كتير جدا يمكن من كترها مابقتش عارفاها

1.نفسى بجد الاقى زميله او صديقه بجد مش اصدقاء المصلحه بتوع الايام دى
2.نفسى الاقى الحب موجود فى الدنيا نفسى بجد نتعامل مع بعض بحب وثقه ونلغى النفاق ولاغش الى بقى مالى حياتنا
3.نفسى اكون زى yoo suh فى المسلسل الكورى tree of heavenودا بصراحه المسلسل الوحيد الى اتفرجت عليه وبحبه جدااااااااااا لان شخصيه البطل حلوة جدااااااااااا
نفسى اقدر اتحمل زيه واحب زيه واتحب زى ماهو حب
لان قمه الحب التضحيه
4.نفسى ومنا عينى ودا بقى مش حلم دا طلب ان كل البنات يصدقوا انى من المنصوره لان اعصابى تعبت من السؤال دا وبقولوهم عادى جدا لما تكون واحده لابسه خمار ومن المنصوره مهياش معجزة والله
اسفه على الاطاله وشكرا على اموضوع

انا حلمي بجد اكون معيدة ثم دكتورة في الكلية وان شاء اللة هحققة
ويكون نصيبي في اللي بحبة
وعلي فكرة يا طارق انت اهدافك ممكن تتحقق بس لو ذكرت
من جد وجد
ويارب تلاقي اللي تحبك وتحبها وتخاف عليك
شكراااااااااااااااااااااااااااااا

انا حلمي اخلص الاربع سنين دول بسرعه علشان انا مش حابه الكليه دي وبصراحه دخلتها غصب عني...كنت عاوزه ابقا (مصممة ازياء) بس للاسف مدخلتش فنون جميله لسبب تااااااااااااافه جدااا
والله يسامح اللي كان السبب

اولا: أحب اشكرك على فكرة التوبيك لانها جميلة جدا
ثانيا: أنا أحلامى كتير بس مش كتيير اوى يعنى
اولها انى أخلص الكلية دى بأسرع وقت لانى مش مستريحة فيها وبجد زهقت لانى مش فاهمة فيها حاجة
وكمااان نفسى فى شلة تكون أصحاب واخوات بجد واكون واحدة منهم وكماان نفسى ألاقى الحب الحقيقى ويكون أول وآخر حب فى حياتى

شــــكرااااااااااايا تيتــو

انا بقه مش عارف عاوز ايه


بس الي انا فاكره من احلامي اني عاوز اسافر اسبانيا

هتقولولي ليه [ندعوك للتسجيل في المنتدى أو التعريف بنفسك لمعاينة هذه الصورة]

مش عارف بس اسمها عاجبني [ندعوك للتسجيل في المنتدى أو التعريف بنفسك لمعاينة هذه الصورة]

وحلو اوي التوبيك ده يا طارق


بس عارف التوبيك ده متأخر اوي
لو كنت سألتني في الثانوي كنت هرد عليك

انا بقه نفسى اعرف انا عايزة ايه
مشكلتى انى مش عارفه انا عايزة ايه
عمرى ما فكرت فى بكرة المهم النهارده يعدى تمام وبعدين ربنا يحلها
يعنى من الاخر لو عرفت انا عايزة ايه هعرف انا بحلم بايه
بس انا حاليا بحلم انى اضرب واحده رخمه معانا فى القسم وطبعا مش هينع اقول هى مين
بس انا فعلا مش هرجع الا لما اضربها لانى اتخنقت منها اوى
ادعولى احقق حلمى