نفسك في ايه؟

انا بحلم انى نفسى احلم انا احلامى كلها بقت كوابيس
اكبر مثال انا كان نفسى ادخل كلية تربية دة كان بالنسبة لى حلم كبير اوى
لكن اصبح كابوس وحش اوى اظن ان ناس كتير دخلة تربية غصب
لو حد يعرف حل مشكلتى ايه ياريت يدخل ويقولى
ا

انتوا احلامكوا حلوه اوى
شروق يارب يارب تحققى اللى بتتمنيه وتشتهرى وتسافرى

انا بقى بحلم بجد انى امووووووووت وارتاح لانى بجد وحدانيه جدا جدا
والوحده بتقتلنى وزهقت من حياتى ودنيتى كلها

انا نفسى اتخرج بسرعة اوى اوى من الكلية دى وبعدين اسافر السعودية احج وبعدين عايزة افتح مركز ترجمة وابقى مترجمة كبيرة اوى واسافر بره للدول الاوروبية ويبقه ليا وضعى

وارتبط بانسان لى شهاده كبيرة وليه وضعه ويعنى يكون بيحبنى

to find myself or to have it back

انا فعلا نفسى فى حاجات كبير اوى
اولا: نفسى اكون معلمة شاطرة اوى واكون ناجحة فى حياتى
نفسى فى ابن الحلال اللى يحافظ عليا ويحمينى ويكون ظهرى
نفسى الاقى الاصحاب بجد مش اصحاب المصلحة اللى مثلا تبقى معايا فى الدراسة طيبة وبعد كدة لو شافتنى فى الشارع ولا كانت تعرفنى
نفسى ان الناس تبقى عايشة مبسوطة وسعيدة ومنسمعش عن الجرايم اللى بنسمعها كل يوم نفسى الدنيا كلها تتغير للا حسن ولكن طبعا اول حاجة اتمناها هى الجنة لامى وابويا واخواتى وانا وكل الناس الطيبة بس الشريرة لا

انا عن نفسى احلامى ادمرت من ساعة مدخلت الكلية دى بس انا قولت لو دخلتها ادخل قسم علم نفس والحلم متحققش ودخلت اساسى انجليزى بس انا برده لسه متمسكة بالحلم ده ونفسى ادرس علم النفس واتعمق فيه

مشكور جدا على التوبيك ده يا طارق انا بقى نفسى اشتغل فى مجال غير التدريس لانى مش بحبه خالص و دخلت الكلية غصب عنى و كمان نفسى افتح محل اكسسوارات و طرح حريمى علشان بحب اوى المجال ده و نفسى اتجوز الانسان اللى بحبه و يكون هو كمان بيحبنى و نفسى ماما و بابا و اخواتى نكون سعدا و ندخل الجنه سوا مع الناس اللى بنحبهم كمان و نفسى اخويا يدخل كلية صيدلة ادعوله يا جماعة و كده كفاية لحد ما ابقى افتكى الباقى هادخل اكتبهم هههههههههههه و على فكرة يا طارق احلامك ممكن تتحقق بس بشوية جد و اصرار و تحدى و تسلم

انا بحلم انجح في الصوتيات وجيب يها حتي مقبول اما حلم العمر هو اني احضر دكتوراة في الترجمة وابقي استاذة جامعية وبحلم كمان اني اتجوز مهندس محترم واخلاقه كويسة