شاب روووش!!!!!!!!

موضوع: شاب روووش!!!!!!!! السبت أبريل 03, 2010 3:10 am

يدخل أبو طارق إلى حجرة ولده طارق ليوقظه للذهاب إلى الجامعة فيربت على ظهره

الوالد : طارق ... طارق .... قوم يا حبيبى فيفتح الولد عيناً واحدة ينظر بها إلى أبيه فى استغراب

طارق : إيه يا بابا فيه إيه ؟

الوالد :قوم يا حبيبى عشان تلحق تروح كليتك ؟

طارق : يا بابا كلية إيه اللى بتصحينى عشانها وش الفجر

الوالد : وش الفجر إيه بس... يا بنى الساعة داخلة على عشرة ...

قوم يا حبيبى عشان تلحق محاضراتك

طارق : يابابا نفض

الوالد : أعمل إيه

طارق : يعنى كبر يا بابا

الوالد : الله اكبر

طارق : لا يا بابا مش قصدى ... أنا بقولك كبر دماغك يعنى

الولد : يا ابنى قوم متتعبنيش .... مش انت عندك محاضرات مهمة النهاردة ؟

طارق : يا بابا مهمة إيه بس ... ده كله فى الكلتشة

الوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة

طارق : يا بابا ... فكك من كلام الستينات ده.... أنا مش قادر أفك رموز وشى

الوالد : يا بنى قوم أخوك بيقول ان المحاضرات النهاردة عندك مهمة

طارق : يابابا سيبك منه ... ده واد بيهيس

الوالد : يعنى إيه .... يعني كلامه صح ولا غلط ؟

طارق : يا بابا ... ابنك ده دماغه مخرومة ... عمالة تنقط .... متسمعلوش و لما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار

الوالد : يا بنى انت بتتكلم كده ليه ؟

طارق : يعنى بكلمك بالسيم يعنى .... بص يا بابا عشان خاطر ربنا ... سيبنى أنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية

الوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوك

طارق : و الله يابابا أنا مأفور خالص و مش قادر ... سيبنى

الوالد : يا بنى كلمنى زى ما بكلمك ... إيه اللى انت بتقوله ده

طارق : يا بابا هو انت عشان صاحى بدرى لازم تصحينى أنا كمان

بدرى ،سيبنى يا بابا أنا عارف مصلحتى .

الوالد : مصلحتك ؟ يا بنى انت بقالك ثلاث سنين فى سنة ثانية

طارق : ظلم يا بابا ، الدكاترة بتاعة الكلية حاطينى فى دماغهم لحد ما عفنت

الوالد : (وقد بدأ يتغاظ ) طيب قوم يا معفن ... خد لك دوش و افطر و روح الكلية

طارق : بابا.. اقفل النور و خد الباب وراك .... و أما أقوم نبقى نشوف موضوع الدش ده

الوالد ( بصوت مرتفع ) : أنت حتقوم و لا حقومك بالجزمة

طارق ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبح

يخرج الأب و يدخل أخوه وائل فينظر إليه شذراً

طارق : لازم تديها جاز على الصبح .... شعللتها ؟ ... ماشى

وائل : هو اللى بيسألنى

طارق : قوله معرفش ... قوله معندوش زفت محاضرات

وائل : أكذب يعنى ؟

طارق : (يضحك بسخرية ).... لأ إنت متعرفش تكدب ... تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه ؟

وائل : ( و قد اصفر وجهه ) لا يا طارق اوعى ....

طارق : طيب يا حلو .... روح هاتلى سجارة من علبة أبوك أعمل بيها دماغ الصباحية

وائل : يخرج سيجارتين من جيبه . خد اثنين أهم ... بس اخلص بسرعة قبل ما ييجى تانى .

طارق : طيب يا إتم .... اختفى من قدامى دلوقت

يخرج وائل ، و يبدأ طارق فى تدخين إحدى السجائر و هو بعد ما زال على السرير

ثم ينظر بجواره على الكمودينو و يتناول التليفون و يتصل بأحد زملائه

طارق : ألو ... أيوه يا هيما .... انت لسة مِكَّحول ... ما تقوم ياواد خليك نشيط

هيما : يا بنى حد يتصل بحد دلوقت مفيش زوق .... الساعة لسة عشرة و نص

طارق : فوق بقى .... إيه النظام ؟ الحياة أخبارها إيه النهاردة ؟

هيما : زى امبارح .... نروح المول ... و ندخل الكافى شوب .... نطلب شيشة ... نشرب لنا كام ستون ..... نعلق حتتين طراى .... أو نلف نعاكس فى المزز

طارق : طيب نتقابل الساعة واحدة .... متحلقليش

هيما : حتعمل إيه دلوقت

طارق : أنا حاخلع من البيت دلوقت و اخرج أصيع لحد ما نتقابل ، عشان أبويا عاملى فيها أبو الغضب و الأشكيف ... و لو فضلت موجود حيعملى فيها بروسلى و يضربنى .

هيما : الحمد لله يا عم... أنا أبويا ميت

طارق : يا بختك ... استكانيس براحتك ..... طول عمرك محظوظ .... شاو

يغلق الخط ... و يدخل أخوه وائل

وائل : اوعى يا طارق تقول لابوك .... لحسن يرحلنى

طارق : (ينظر إليه بتعال و كأنه ملك روحه ) خليك حلو معايا أحسنلك ... لحسن أنا لسانى بياكلنى ... و الندالة بتنقح على

وائل : ( باستجداء ) اوعى يا طارق

طارق : طيب روح هاتلى الجل بتاعك ... عشان الجل بتاعى بياكل فى دماغى زى مية النار

وائل : احنا حنبدأ استغلال .... و بعدين انت اللى مابتغسلش دماغك لحد ما باظت

طارق : خلص يا عم الأمور ... روح هاتى الجل .... إنجز

وائل : يا طارق ما انت عندك إزازة لسة مفتحتهاش

طارق : ياد روح هاتها متبقاش إيحة ... و بعدين انت لابس فانلة فى البرد ده ... عاملى فيها هركليز

وائل : ( يصرخ و هو يجرى خارج الحجرة ) يا نهار اسود ... دا المكوة على القميص

يأخذ طارق نفساً من السيجارة و قبل أن يخرجه من صدره يدخل والده

الوالد : إنت لسة نايم ؟

طارق : ( لا يرد حتى لا يخرج الدخان من فمه فيراه أبوه و يخفى السجارة تحت البطانية )

الوالد : يعنى مش عايز تجيبها لبر .... آدى آخرة دلع أمك . هى اللى فسدتك ... لو مخرجتش من البيت و رحت كليتك حالاً حكسر دماغك دى ... إنت فاهم ؟

طارق : ينظر إلى والده و قد احمرت عيناه و انتفخ وجهه

الوالد : انت بتبص كده ليه يا واد انت .... جتك البلا فى منظرك ... و يخرج الوالد

طارق : يخرج نفسه الذى كتمه حتى كاد أن يموت ، و يسعل بشده

يدخل وائل أخوه فيجده على هذه الحال

وائل : إيه مالك ؟ حتفطس ولا إيه

طارق : روح هاتلى كباية مية أبوك كان حيموتنى .... كنت حسافر

يخرج وائل فيستلقى طارق على السرير يسترجع أنفاسه و يغمض عينيه ... و بعد قليل يرتفع صوت شخيره

google_protectAndRun("ads_core.google_render_ad", google_handleError, google_render_ad);

ههههههههههههههههههههههههههه
ده مش روش ده فاشل والله
تسلم ايديكى يا جنا

ههههههههههه ميرسى اوى لمرورك يا فامبير نورتى التوبيك ياجميل

هههههههههههههههههههههههههههههههههه
دا بايظ ع الاخر
ربنايهدية
تسلمى ياقمر

هههههههههههههههه
ده دمااااااااااغ
المهم انه في الاخر كمل نوم

تسلمي يا قمرايه

ترو وصعبه المنال ميرسى اوى لمروركمنورتو التوبيك بردودكم الجميله دى

الحلقه التانيه

الساعة تجاوزت الثانية عشر ظهراً

الأب جالس فى حجرة المعيشة يقرأ الجريدة ،

و الأم فى المطبخ تعد الشاى

طارق يخرج من حجرته يرتدى بنطلون جينز ساقط من على وسطه بطريقة فجة حتى أن ملابسه الداخلية ظاهرة ،

و يلبس قميص يلتصق بجسده بشدة ، و بينه و بين البنطلون فراغ يبين بطنه ،

و يفتح ثلاثة أزرار مبيناً سلسة كبيرة تنتهى بقطعة فضيئة دائرية مرسوم عليها جمجمة ،

شعره مرفوع من الجانبين إلى الوسط على هيئة هرم و يلمع لمعاناً شديداً بسبب الجل

، حذائه أصفر اللون بكعب عال ، و يمسك فى يده الموبايل و سماعته فى أذنه و يشغل عليه أغنية أجنبية لا يفهم معانى كلماتها

، و على عينيه نظارة عريضة جداً لونها بنى ،

و فى يده ساعة شديدة الضخامة و فى يده الأخرى حظاظة نحاسية عريضة

الوالد: حين يراه : لسة خارج ... بقالك ساعتين بتتزوق ؟

طارق: أف .... اصطبحنا بقى

يدخل طارق المطبخ لأمه الطيبة و هى تعد الشاى

طارق : إيه يا حاجة

برةالأم : لسة صاحى ؟ أبوك عمال ينفخ

طارق ( بضيق ) : ما هو اللى مصحينى بدرى

الأم : بيصحيك عشان تروح الكلية

طارق : هو يوم الأجازة بتاعه كدة .... لازم ينكد علينا

الأم : وطى صوتك ... عيب كدة

طارق : طيب انجزى بقى .... هاتى المصلحة اللى قلتلك عليها امبارح

الأم ( بطيبة ) : مصلحة إيه

طارق : إيه يا ماما إنت نسيت و لا إيه ؟ .... فين الاربعين جنيه بتوع الكتاب ؟

الأم : يا واد بطل كدب .... كتاب إيه اللى حتشتريه باربعين جنيه

طارق : جرى إيه يا ماما .... احنا لسة حنتكلم فى الموضوع ده تانى .... مش انت امبارح قلتى لى ماشى ؟

الأم : لا أنا قلت حاقول لأبوك

طارق : يا دى النيلة ... انت لسة حاتقولى ليه ؟

الوالد (من الخارج ينادى على الأم ): إيه يا أم طارق انت بتعملى الشاى على الشمعة ولا إيه ؟

الأم ( تصب الشاى ) : أيو خلاص أنا جاية

طارق (يمسك بذراع أمه ): بقولك إيه يا ماما الكتاب ده مهم .... متضيعوش مستقبلى ... حاولى تقصيهم من بابا بسرعة عشان ألحق المحاضرة بتاعتى

يخرجان إلى حجرة المعيشة حيث الأب ما زال ماسكاً بالجريدة ، فتضع الأم كوب الشاى أمامه و تجلس ، و طارق يقف أمامهما
ينظر إليه الأب بقرف شديد ، و يعود إلى الجريدة مرة ثانية ، فيطأطئ طارق فى ضيق و ينفخ فى نفاد صبر و يشير لأمه : أن كلميه

الأم : بقولك إيه يا أبو طارق

الوالد : خير

الأم : طارق كان عاوز فلوس يشترى بيهم كتاب
ينزل الأب الجريدة و ينظر إلى طارق من فوق لتحت

الوالد : كتاب إيه ؟ انت مش اشتريت كل الكتب ؟

طارق : كتاب التكاليف

الوالد : طيب ما انت عندك كتاب التكاليف

طارق : يا بابا ده بتاع السنة اللى فاتت ..... المنهج اتغير

الوالد : و ده بكام ان شاء الله

طارق : باربعين جنيه

الوالد ( صارخاً ) : كام ... أربعين جنيه .... ليه

يالهوى يا ابو طارق مكنش يومك
الراجل شكله جتله ساكته قلبيه هعهعهع

هههههههههههههههههههههههههه
تسلم ايديكى يا جنا
يلا بقى نزلى باقى الحلقات

هههههههههههههههههههههههههههههههههههههههههههه ميرسى ليكى يافامبير نورتى التوبيك ياجميل

ههههههههههه توبيك حلو جدااااااااااااااااا مستنين باقي الحلقات

ههههههههههههههههههههههههه ميرسى اوى لمرورك ياسالى منورانى على طووول ياجميل نورتى التوبيك

هههههههههههههههههههههههههههههههههههههههههههههههههههه

مش معقول بجد خطير ياجنا

يلا اتجدعني وكملي باقي الحلقات

ههههههههههههههههههههه ميرسى ليكى ياغاده على مرورك الجميل نورتينى ياجميل

ههههههههههههههههههه
ههههههههههههههههه
بجد حكايه جااااااااامده اخر حاجه
يالا بسرعه يا جميل مستنين بقيه الحلقات
بجد رووووووووووعه
تسلمى يا قمرايه

مرسيه يا جني كرة التوبيك حلوة جدا
تسلمي يا قمر

هههههههههههههههههههه
قصه جامده اوى ومنتظره
باقى الحلقات

جبتيها منين دي يا جااااااااااااااانااااااااااا .... ههههههههههههههههههههههههههههههههههههه

حلوة اوي بجد يا قمر

ميرسي

دى عيله محترمه اولا بجد
يخربيت كدا
توبك هايل
شكراااااا

موضوع جميل جدا تسلم ايدك
و بجد الواد ده عايز يتظبت من بباه
هههههههه
شكرا

طارق : يا بابا أنا مالى ... الكلية أسعارها غالية
الوالد : و أجيبلك منين الأربعين جنيه دول ان شاء الله ؟ إحنا فى آخر الشهر
طارق : أعمل إيه يا بابا....... أسقط يعنى ؟
الوالد : لا ... العفو ... و انت وش كده؟
طارق : أيوه .... سمعنى الكلام بتاعك ده كل مرة أقولك فيها على فلوس
الوالد : يابنى أربعين جنيه فى الكتاب كتير .... صَوَّرُه ... إعمل زيى ... عمرى ما اشتريت كتاب فى الجامعة
طارق : يابابا انت دبلوم تجارة أصلاً .
الوالد : و لو ... عمرى ما اشتريت كتاب
طارق : و بعدين الدكتور منزل معاه ملزمة لازم نملاها و نرجعها له تانى ، و مانع التصوير
الوالد : الله يخرب بيتك على بيت الدكتور ... هجيبلك منين أربعين جنيه دلوقت
طارق : أمال بتصحينى ليه ؟ ... ما كنت تسيبنى نايم .... هاروح الجامعة أعمل إيه دلوقت
الأم ( تحاول أن تهدئ الموقف كالعادة ): خلاص يا أبو طارق أنا معايا ثلاثين جنيه بتوع عدسة النظارة بتاعتى ... أصلحها الشهر الجاى و خلاص .... إديله عليهم عشرة جنيه و خليه يشترى الكتاب
الوالد : ده كلام ؟.... بقالك أربع شهور تأجلى فى النظارة ... و انتى عارفة إن مفيش كتاب و لا حاجة
طارق : و المصحف الشريف و عزة جلال الله فيه كتاب
يخرج الوالد من جيبه عشرة جنيهات و يمد له يده بها ، يقترب طارق من أبيه فيشم الأب رائحة شعره فيشمئز منها
الوالد : إيه ده ... إنت ريحتك وحشة كدة ليه ... إنت حاطط سمنة فى راسك و لا إيه؟
طارق : سمنة إيه يا بابا... ده الجل بتاع الواد وائل... بس طلع حمضان
الوالد : ( باشمئزاز ) إنسان مقرف .... أنا عارف بيدخلوك الجامعة إزاى ؟
طارق : يابابا هو انت كل ما تشوفنى تطلع فيه القطط الفطسانة
الأم : شباب يا أبو طارق ... بكره ربنا يهديهم
الوالد : مش شايفة لابس زى الرقاصة إزاى ؟
طارق ( بضيق ): هاتى ياماما الفلوس خلينى أخلص
الوالد : اسمع .... أما تيجى تورينى الكتاب أبو أربعين جنيه ده ... فاهم ؟
طارق : يحيينا و يحيك ربنا
ينظر له الأب شذراً ، فى حين تضحك الأم و تذهب إلى حجرتها لتحضر له باقى المبلغ و هو فى إثرها
يخرج وائل و قد لبس شبيهاً بأخيه ، و يذهب إلى والده الذى أمسك بكوب الشاى و هم أن يشرب
وائل : بابا .... عاوز أربعين جنيه أشترى بيهم كتاب
الأب :...........................

هندخل ف الحلقه الجديده

المرة اللى فاتت طارق اتلحس اول ما شاف البت ف الاتوبيس
وقال ياترى هى راكبه ليه

ياترى راكبه ليه هنعرف ف الحلقه دى
7
7
7
7
7
7
7

الفتاة : الدنيا حر قوى
طارق : آه .... الواحد عرقان خالص
الفتاة : مش عارفة الأتوبيس حيكون فاضى امتى
طارق : حيكون فاضى بعد ما الناس تنزل .....ها ها ها ها ها ( و يضحك بصوت عال )
الفتاة : ( تبتسم ) انتا رايح الجامعة ؟
طارق : أيوة
الفتاة : فى كلية إيه ؟
طارق : تجارة ... و انتي
الفتاة : أنا فى الجامعة الأمريكية
طارق : اللى فى التحرير
الفتاة : آه
طارق : أهلا و سهلاً
الفتاة : ده زميلك ؟
هيما : ( يبتسم و يمد يده ليسلم عليها ) آه أنا زميله
الفتاة : ( تسلم عليه و هى تبتسم ) أهلا و سهلاً
طارق : ( يشعر بالغيرة الشديدة) يلا يا خويا عشان هننزل المحطة الجاية

فى هذه اللحظة يفرمل الأتوبيس فرملة شديدة فتميل الفتاة على طارق و تستند عليه فيشم منها رائحة عطر أصابته فى مقتل

الفتاة : أنا آسفة
طارق : ( يكاد يغمى عليه ) لا ... خالص ... مفيش حاجة
هيما : يلا ... المحطة قربت

يودعها طارق بابتسامة عريضة و تودعه بمثلها ، ثم ينزلان من الأتوبيس و طارق فى حالة يرثى لها من الوله و التوهان

هيما : مالك ... انت سافرت و لا إيه
طارق : شفتها و هى بتضحكلى ؟
هيما : يا بنى دى تعبانة خالص .... أما لو شفت البت بتاعتى ...
طارق : مش عارف يا أخى... الأتوبيس كل يوم يوصلنا فى ساعة كاملة .... النهارة الطريق ماشى فريرة
هيما : أصل انت نحس يابنى
طارق : ملحقتش حتى أعرف اسمها
هيما : يا عم خلص بقى .... يلا نملى التنك الأول قبل ما نروح الهبابة ، لحسن أنا مكلتش من الأسبوع اللى فات
طارق : ماشى يا عم و أنا عازمك
هيما : إيه يا عم الكرم اللى نزل عليك مرة واحدة ده
طارق : أى خدمة بس متاخدش على كدة ..... تعالى نروح عند فجر الإسلام بتاع الكشرى
هيما : متخليها كبدة النهاردة يا طروق
طارق : ولا .... بقولك إيه ... لا حيبقى فيه كبدة و لا كشرى ... مش كفاية أنا متكفل بيك النهاردة
هيما : ذِل أهلى بقى عشان طبق كشرى حمضان
طارق : و جاى على نفسك ليه ؟ بلاش
هيما : خلاص يا عم ... اللى ييجى منك أحسن منك

يدخلان إلى محل الكشرى فيطلب (طارق ) طبق مخصوص له و يطلب ل (هيما ) طبق عادى ،فينظر له (هيما) بغل

هيما : ماشى يا ندل
طارق : انت فاكرنى نسيت و لا إيه .... انتم السابقون
هيما : مردودالك
طارق : بس يا فقير يا معفن

يأكلان و يشبعان و تمتلئ بطونهما ، و يظل طارق يتكلم عن تلك الفتاة و كأنها فتاة أحلامه
و أخيراً يأتى الجرسون ليطلب الحساب

طارق : الحساب كام ؟
الجرسون : أربعة جنيه يا بيه

يمد يده فى جيبه الخلفى ليخرج المحفظة ، فيحمر وجهه ....غير موجودة .... يدخل يده فى جيبه الثانى .... فيصفر وجهه ... غير موجودة

طارق : يا نهار اسود ... المحفظة وقعت منى
هيما : وقعت ولا اتسرقت
طارق : ( و كأنه انتبه إلى شيء ما ) البت بتاعة الأتوبيس .... باين هى اللى سرقتها ... يا بنت الحرامية
هيما : و بعدين ... حتعمل إيه

كل هذا و الجرسون واقف و كأن الأمر لا يعنيه ...

الجرسون : إيه يا بشوات ... فيه فلوس ولا لأ
هيما : الطبق العادى بكام
الجرسون : بجنيه و نصف

يمد هيما يده فى جيبه فيخرج جنيهاً و نصفاً فيدفعه إلى الجرسون

طارق : ( و هو يكاد يبكى ) : و بعدين يا (هيما)
هيما : أروح أندهلك أبوك ؟
طارق : أبويا إيه الله يخرب بيتك ... هى ناقصة؟

ثم ينظر إلى الجرسون فى استجداء ، فينظر إليه الجرسون فى لامبالاة

الجرسون : و بعدين
طارق : فيه تليفون هنا ؟
هيما : ما انت معاك الموبايل
طارق : ما انت فتحت على و كانت آخر مكالمة شايلها للرنات يا فالح
الجرسون : مفيش تليفون
طارق : طيب روح يا هيما اتصل بالواد (وحيد ) خليه ييجى يدفع
هيما : أنا معيش غير ربع جنيه حاروح بيه
طارق : ( يستعطف الجرسون الضخم غير المبالى ) بقول لحضرتك إيه ... إحنا زباين هنا
الجرسون : أنا أول مرة أشوفك
طارق : الفلوس اتسرقت و الله
الجرسون : ما ليش فيه
طارق : طيب و بعدين
الجرسون : هات الموبايل رهن و روح هات الفلوس
طارق : ده بخمسميت جنيه و فيه كاميرا
الجرسون : يبقى حتنضرب لما تكسر و حتغسل المواعين و حتقشر بصل لحد ما يجيلك إمساك

ثم يذهب ليحاسب زبون آخر

هيما : طيب أنا حامشى بقى يا طارق عشان ألحق المحاضرات
طارق : محاضرات .... حتسيبنى كدة من غير ما تتصرف
هيما : ( يميل عليه و يهمس له ) خلاص بقى يا طارق ... دول قلمين و حيعدوا ... و بعدين ما احنا ياما اضربنا كتير قبل كدة
طارق : يا سلام .... انت مش شايف إيده قد إيه ... ده ممكن يفرطلى سنانى بقلم واحد ... القلم التانى ممكن يقلبنى واحدة
هيما : أقولك ..؟ إجرى ... يلا هو مش واخد باله .... تعالى نجرى
طارق : ( و قد تجرأ قليلا) : طب يلا ...

فجأة يجرى هيما و يخرج من المحل ، و يجرى وراءه طارق فيصطدم بزبون داخل إلى المحل فيتعثر و يقع على الأرض ، فيجرى إليه الجرسون و يمسكه من قذاله ، و يدخل به إلى المحل . . .
........

الله يرحمك يا طارق ،،

مونى وكوين ودونت اسك وايمى وخالد ولولا ميرسى اوى لمروركم منورنى ياحلى اعضاء معلشى اتاخرت عليكو فى تنزيل الحلقات

هههههههههههههههههههههههههههههههه جامده والله جميل ودا هم شباب اليومين دول تقبلى مرورى يا قمر

ههههههههههههه ميرسى ليكى ياجميل على مرورك نورتى التوبيك بجد

<بجد توبيك هايل جداااااااااااااااا وواقعي جداااااااااا ميرسي ليكي > شاب روووش!!!!!!!! 550737