توضيح

موضوع: توضيح الأربعاء أغسطس 11, 2010 1:50 pm

السلام عليكم ورحمة الله
أنا كنت شاركت في مسابقة الشعر إللي
عاملتها الأخت ايمي مشكورة شاركت بالقصيدة رقم 1 مناجات
لما شاف الأخ حورس القصيدة شكك فيها
وأنا مارديت على التشكيك دة مش عشان خايفة من حاجة
أو مو واثقة من نفسي بس إحتراما لمجهود ايمي
وبعد ماخلصت المسابقة أنا حبيت أوضح دة لكل الأعضاء
القصيدة بتاعتي وأي حاجة بكتبها في قسم الشعر أو كلام في الحب
بتكون بقلمي ولو حصل ونزلت حاجة مش بتاعتي بكتب عليها إسم صاحبها
ولو في حد عندو شك في كدة أو شايف غير دة أنا مستعدة لمواجهتو
عشان أنا واثقة من الحاجات اللي بكتبها ومستحيل أنسب ليا حاجة مش بتاعتي.
وأنا بشكر كل للصوت للقصيدة بتاعتي وكل الأعضاء اللي دخلوا وشجعونا كلنا
شــــــــــكــــــــــــرا.

موضوع: رد: توضيح الخميس أغسطس 12, 2010 9:01 am

كلامك مظبوط يا سلوان
بس انا اقوللك انا عملت ليه كدا وكتبت رد كان موجود ولما اتاكدت حذفته
انا مش باجي علي حد الا لما اتاكد ولما عرفت ان انا غلطان حذفت المساهمه علي طول
بس انا اقوللك ليه
اتعمل قبل كدا ستار اكاديمي الشعر وكان علي يد المراقبه دوددا
وحصل ان في البرايم الاولاني ناس طلعت وناس عدت
ومن الناس اللي عدو كانت عضوه ناقله قصيده وبيها عدت للبرايم التاني وهيا مش ليها الحق انها تكسب اول برايم
لما طلعت التاني بقي وكان معاها خمسه نقلت القصيده التانيه برده في عز ما اكان كل واحد من اللي موجودين بيجاهدج في نفسه ويطلع الافكار الجديده اللي محدش بيقدر عليها الا بعصر المخ
وجت علينا احنا في الاخر وكانت بقي المسابقه دي مش خمس ابيات زي ما انا اعترضت علي ايمي وقلتلها ماينفعش وهي رفضت
لا كانت قصايد كامله وكل برايم بالقصيده بتاعته يعني لو كان للمسابقه خمسه برايم كنا هانعمل خمس قصايد تخيلي بقي خمس قصايد في اقل من شهر
دا اللي خلاني اقول كدا لكن لما اتاكدت بجد احترمت الشعر بتاعك ودخلت رديت علي قصيده ليكي وقلتلك ارفعلك القبعه بجد لاني احترمت الشعر بتاعك
انا اسف ليكي يا سلوان بس انا مش وحش اوي للدرجادي والله انا طيب وفي حالي
بس بزعل لما حد اي حد يوصل لحاجه زي دي عن طريق الغش
انا اسف بجد وارجو انك ماتكونيش زعلانه مني انا عارف انك زعلانه بس انا اسف
وانا بحب المنتدي دا والله وكل الاعضاء اللي فيه اخواتي وحبايبي
ارجو منك قبول الاسف وانك تكوني فهمتي وجهة نظري
شكرا ليكي يا سلوان

موضوع: رد: توضيح الخميس أغسطس 12, 2010 12:20 pm

أنا زعلت جدا منك ياحورس أول ماقريت ردك
عشان ردك جرحني وبالمقابل أنا كنت بحترم كتباتك جدا
وماعرفتش إنت عملت كدة له
بس ايمي كلمتني على الخاص إعتذرت ليا
و قالت إنك طيب ومش بتاع الكلام ده ونقلت ليا أسفك
ساعتها أنا نسيت وسامحتك ولله بس كان لازم أوضح
عشان ممكن أي حد شاف ردك هيصدق أو يشك
عشان كدة حبيت أوضح الأمور وأنا نسيت خلاص
مفيش حاجه وأنا كمان بحب المنتدى جدا
وكل الناس إللي فيه وإنت أولهم
وأسفك مقبووول قبل ما تتأسف
يلا إنسى وكل سنة وإنت طيب.

موضوع: رد: توضيح الخميس أغسطس 12, 2010 12:37 pm

بجد يا سلوان القصيده دى من اروع ما قريت
وكان نفسى اعرف مين كاتبها
تسلم ايدك بجد
وان شاء الله ربنا ميجيبش زعل بينا هنا
لان فى الاول والاخر كلنا هنا اخوات
وكل سنه وانتى طيبه
وتقبلى مرورى

زائر

خير يا احلى اخوات

وبجد الاربع قصايد كانوا تحفه
بجد
ويارت تمتعونا دايما كداا
وان شاء الله هيبقى فى ستار اكاديمى الشعر
فجهزوا نفسكوا ياشعراء المنتدى
ربنا معاكوا بجد ومتخلوش حاجه تزعلنا من بعض
كلنا اخوات

موضوع: رد: توضيح الخميس أغسطس 12, 2010 4:34 pm

اوك يا سلوان
بجد انا حسيت من كلامك انك زعلانه فحبيت اني اتاسف
لان مش العيب ان احنا نتاسف لكن العيب ان احنا مش نعترف بغلطنا
شكرا ليكي
وكل سنة وانتي طيبه
وربنا يعود علينا الايام بخير وسعاده يارب

موضوع: رد: توضيح الجمعة أغسطس 13, 2010 5:11 am

السلام عليكم ....

ازيكوا يا جماعة ؟؟؟؟

يا سلوان يا روووووح قلبي ... قصيدتك فعلا كانت اجمل قصيدة و انا نفسي لما قراتها فضلت اقولك ماشاء الله عليكي ....
و حورس ... بقولك ع طوووووول اني بحسدك ع قلمك الروووووووعة ده و انك موهوب بجد اوووووووووووووي ....

حصل خير يا جماعة ... و ربنا ما يجيب زعل ... رمضان كريم .....

..........................

خلاص بقى مش عايزين كلام في الموضوع ده تاني .... كل سنة وانتوا طيبين ...

موضوع: رد: توضيح الجمعة أغسطس 13, 2010 6:17 am

لا بقي يا ايمي مش بمزاجك
ههههههههههههههههههههههههههههههههههههههههههههه
حمدلله علي السلامه يا ستي
ان شاء الله يكون الغياب دا خير ان شاء الله
الحد لله انا تاكدت ان سلوان مش زعلانه وانا كلمتك في دا
نورتي يا ايمي وحمد لله علي السلامه

موضوع: رد: توضيح الجمعة أغسطس 13, 2010 4:24 pm

mr mido كتب:: بجد يا سلوان القصيده دى من اروع ما قريت
وكان نفسى اعرف مين كاتبها
تسلم ايدك بجد
وان شاء الله ربنا ميجيبش زعل بينا هنا
لان فى الاول والاخر كلنا هنا اخوات
وكل سنه وانتى طيبه
وتقبلى مرورى

مرسي جدا يا ميدو على كلامك الجميل دة
ومفيش شك إننا هنا كلنا خوات
وإنت طيب ياميدو شكرا

موضوع: رد: توضيح الجمعة أغسطس 13, 2010 4:28 pm

dodda كتب:: خير يا احلى اخوات

وبجد الاربع قصايد كانوا تحفه
بجد
ويارت تمتعونا دايما كداا
وان شاء الله هيبقى فى ستار اكاديمى الشعر
فجهزوا نفسكوا ياشعراء المنتدى
ربنا معاكوا بجد ومتخلوش حاجه تزعلنا من بعض
كلنا اخوات

مفيش زعل يا دوددا دة توضيح مش أكثر
خلاص مفيش حاجة
مرسي جدا لهتمامك تسلمي ياقمر

موضوع: رد: توضيح الجمعة أغسطس 13, 2010 4:35 pm

Mr Horas كتب:: اوك يا سلوان
بجد انا حسيت من كلامك انك زعلانه فحبيت اني اتاسف
لان مش العيب ان احنا نتاسف لكن العيب ان احنا مش نعترف بغلطنا
شكرا ليكي
وكل سنة وانتي طيبه
وربنا يعود علينا الايام بخير وسعاده يارب

عندك حق ياحورس
وخلاص مفيش زعل
وربنا مايجيب زعل بينا تاااااااااني مرسي جدا

موضوع: رد: توضيح الجمعة أغسطس 13, 2010 4:38 pm

emy . KOL YOUM كتب:: السلام عليكم ....

ازيكوا يا جماعة ؟؟؟؟

يا سلوان يا روووووح قلبي ... قصيدتك فعلا كانت اجمل قصيدة و انا نفسي لما قراتها فضلت اقولك ماشاء الله عليكي ....
و حورس ... بقولك ع طوووووول اني بحسدك ع قلمك الروووووووعة ده و انك موهوب بجد اوووووووووووووي ....

حصل خير يا جماعة ... و ربنا ما يجيب زعل ... رمضان كريم .....

..........................

خلاص بقى مش عايزين كلام في الموضوع ده تاني .... كل سنة وانتوا طيبين ...

مرسي جدا يا ايمي
أنا كمان عجبتي قصيدتك جدا
وكنت متشوقة طوال المسابقة أعرف صاحبها
ومرسي لهتمامك ياقمر

موضوع: رد: توضيح الإثنين أغسطس 30, 2010 3:53 pm

موضوع رائع سلوان

موضوع: رد: توضيح السبت سبتمبر 11, 2010 1:41 pm

شكرا جواد

» توضيح لمفهوم فريق العمل
» الصور المكذوبه على قدرة الله - هنا توضيح الحقيقه ((هام للغايه ))
» توضيح : لم يتم توقيف الفنان فضل شاكر و سيحتفل بزواج ابنته بعد شهرين