اكتر حاجه تفرح الشعب المصرى

زائر

ونقول السلامو عليكو

ده موضوع جديد...اكتر حاجات بتفرح المواطن المصرى

واتحدى حد انه يكون مبيفرحش لما يسمع حاجه من الحاجات دى

ونبدا

امتى المصري يكون رايق ومبسوط ؟ !!

1_ لما يضرب سيجارتين حلوين مع صحابه .

2_ لما ماكينه ال ATM تسحب بالغلط فلوس اكتر من اللى هو طالبها .

3_ لما يلاقي حد يخلص ليه شهاده المخالفات .

4_ لما القناه الاولى تذيع فيلم سهره جديد .

5_ لما حد يجيبله وله دش ( حرامى الدش ) ب 15 جنيه في الشهر .

6_ لما واحد ميعرفهوش يقول في حقه كلمه حلوه .

7_ لما يلاغى مزه فتضحك وتستروش الملاغيه وتصاحبه .

8_ لما يلاقي عرض مجانى في اى حته .

9_ لما يقرى مقاله تفضح الحكومه وتفش غله منها .

10_ لما يلاقي مواصله رايقه اول مايقرر يروح .

11_ لما يقدر يصلح حاجه بايظه عنده من غير ماينادى الصنايعى يعملها.

12_ لما يلاقي شغل او لما ينطلب في شغل .

13_ لما واحد يروحله مكتبه ويقوله ( المدير مبسوط منك اوى )

14_ لما يسافر ابوه وامه للحج .

15_ العدل يفرحه اوى .. لما يكون رافع قضيه على صاح البيت ويكسبها .

16_ لو حد في الشارع سأله على عنوان هو يعرفوا كويس اوى .. ويكون في منتهى السعاده وممكن يقوله تعالى اوصلك او لو راكب عربيته يقوله ( تعالى ورايا )

17_ لو حد في الشارع ميعرفهوش طلب منه سيجاره ... هيطلعلوا العلبه كلها ومش بعيد يديهالوا ويولعله كمان ويكون فرحان جدا .

18_ لو طلع في التلفزيون .. لو اسمه اتنشر في الجرنال حتى لو كانت في قايمه اسماء قرايب المتوفي.

19_ لما ربنا يرزقه بعيل.

20_ لما امه تدعيلو .

21_ لما يجيلوا عقد عمل في الكويت .

22_ لما يكون معزوم في فرح واحد صاحبه .

23_ لما يكون الفرح فيه رقاصه .

24_ لما امين الشرطه يسيبلو الرخص ب 5 جنيه .

25_ اول الشهر ... وهو خارج من الخزنه وجيبه مليان ومتأمن ولو لمده اسبوع بالكتير .

26_ لما يلاقي اى حاجه عليها تخفيض او مكتوب عليها ( 3 بسعر 2 )

27_ لما يقضي مهمته في اى مصلحه حكوميه في يوم واحد وبأقل مقدار من حرق الدم .

28_ يوم متش الاهلى والزمالك .. يفضل طول اليوم عنده شعور بنشوه اقتراب ميعاد ازاعه المباراه..وعلى نهايه الشوط التانى تزداد بهجته لو كان اهلاوى...ولو كان زملكاوى يمتعض بقوه

29_ لما الحكومه تطلع جدعه وتعتذر عن حاجه غلط عملتها ( ودى نسبه حدوثها زى نسبه ظهور العنقاء او الغول الو الخل الوفي )

30_ لما يلاقي مكان يركن فيه في وسط البلد وياسلام لو صف اول ومن غير سايس وبعيد عن الكلابشات ( ودى نسبه حدوثها زى نسبه اعتزار الحكومه عن غلطه عملتها )

31_ لما يقدر يضحك اللى قدامه ( صاحبه او المزه بتاعته او سواق الميكروباص مثلا )

32_ لما يحس انه ناصح ونجح في انه يفاصل مع البياع في سعر حاجه مع انه عارف ان البياع كده كده كسبان .

33_ لما يخش جمعيه ويقبضها الاول .

34_ لما يقعد في مكان مليان بنات .

35_ لما يصالح اتنين متخانقين مع بعض .

36_ لما حد من قرايبه يخش كليه الشرطه .

37_ لما يسدد الديون اللى عليه .

38_ لما يقضي مصلحه لواحد غيره ... خدمه يعنى ( خصوصا لو لبنت )

39_ لما يحس انه تعبان ويروح للدكتور علشان يكشف فالدكتور يقوله ( متخفش دول شويه ارهاق )

40_ لما يشوف شعبان عبد الرحيم .

41_ لما تبقي في واحد مزهقاه وتحل عن دماغه .

42_ لما يكلم البت اللى هو معجب بيها وهي تكلمه .

43_ لما واحد صاحبه يديلوا CD او مسرحيه ( العيال كبرت )
او السلسله الكامله من افلام ( توم & جيرى )

44_ اكله حلوه... حتتين لحمه على شويه رز في التمام ودوس يا معلم .

46_ لما يصحي براحته يوم الجمعه .

47_ لما يحس انه راجل مهم .

48_ لما يلاقي صحاب بيحبوه .

كفايه كده بقي .... تعبت من الكتابه

يا رب الموضوع يعجبكوا

يشهد الله انى احبكم في الله

موضوع اكتر من هايل وفعلا هودا دا الشعب المصرى

زائر

Admin كتب:: موضوع اكتر من هايل وفعلا هودا دا الشعب المصرى

نورت التوبيك :bball:

28_ يوم متش الاهلى والزمالك .. يفضل طول اليوم عنده شعور بنشوه اقتراب ميعاد ازاعه المباراه..وعلى نهايه الشوط التانى تزداد بهجته لو كان اهلاوى...ولو كان زملكاوى يمتعض بقوه الشعب المصري ده والله العظيم طيب ودمه خفيف جدا ..

زائر

GAMELA AWY كتب:: 28_ يوم متش الاهلى والزمالك .. يفضل طول اليوم عنده شعور بنشوه اقتراب ميعاد ازاعه المباراه..وعلى نهايه الشوط التانى تزداد بهجته لو كان اهلاوى...ولو كان زملكاوى يمتعض بقوه الشعب المصري ده والله العظيم طيب ودمه خفيف جدا ..

عندك حق والله نورتينى ياقمر

هههههههههه انتوا بهدلتوا الشعب المصرى على الاخر
توبيك جميل دودا
شكرا ليكى

زائر

khalid22 كتب:: هههههههههه انتوا بهدلتوا الشعب المصرى على الاخر
توبيك جميل دودا
شكرا ليكى

هههه الشعب المصرى ده طيب والله
نورت التوبيك

زائر

فعلا الشعب المصري طيب اوى
بس اعتقد 34_ لما يقعد في مكان مليان بنات .
دى اكتر حاجه بتفرحه
هههههههههههههههههههههههههههههههه
شكرا ليكي على الموضوع

توبيك حلو اوووووى يا قمر
تسلمى

» عارف ايه اكتر حاجه بتفرح الشاب المصرى .. !!!!
» الشعب المصرى و الطعميه
» الشعب المصرى يضحك على نفسه ويسخر من رجاله وابنائه
» قول اكتر حاجه بتحبها فى العضو اللى قبلك
» انا مش بعمل حاجه غلط