عارف ايه اكتر حاجه بتفرح الشاب المصرى .. !!!!

عارف ايه اكتر حاجه بتفرح الشاب المصرى .. !!!!

لما ابوه يقوله على اي حاجه برافو عليك ايوه كده..

-لما ابوه يفتخر بيه قدام اي حد " عارفين الزباله اللي كانت قدام باب ---البيت تحت؟؟؟ ابني اللي لمّها" !!!!

-لما يكون بيكلم بنت على النت وتقوله انت ظريف اوي

-لما يعرف ان النهارده جاي فيلم جديد على روتانا مشافوش قبل كده

-لما يعرف انه كسب حتي علبه سجاير في اي سحب

-لما يجيب قميص جديد وينزل بيه اول يوم ويحس ان الناس كلها بتتفرج -عليه ..

-لما يدخل امتحان الكليه يلاقيه جاي من الصفحتين اللي ذاكرهم امبارح

-لما يكون قاعد على شات ياهو ويلاقي بنت باعتالو ممكن نتعرف

-لما يحب يروح اي مكان ويلاقي الاتوبيس جه بسرعه !!! ودي مستحيله حبتين ..

-لما يلاقي الاتوبيس ده فاضي ..!!!!!!!!!!!! ودي اكتر استحاله من اللي قبلها ..

-لما يكون متاخر مع اصحابه على القهوه ومش عارف هيروح ازاي ويلاقي فجاه ميكروباص بينادي جيزه اول الهرم

-لما يكسب ماتش على البلاي ستيشن او فيفا 2008

يوم عيد ميلاده لما يلاقي اقرب بنت ليه بتقوله الساعه 12.01 "كل سنه وانت طيب"؟

-لما واحده تقوله على فكره انت صوتك حلو اوي

-لما يدي معاد لبنت ويروح يلاقيها وصلت قبله .. ودي بنفس استحاله مجي الاتوبيس فاضي..

-لما يجيله مسج على موبايله ويلاقيه حاجه غير (كلمني .. شكرا ..بالاضافه لمعلومه مهمه جدا كان هيلوص لو مكانتش جت في المسج على غرار اربط الحزام تنجو من الحوادث.. او دلوقتي كروت الشحن بقت بنفس السعر المكتوب عليها !!!!)

-لما الاهلي يكسب . .

-لما الزمالك يخسر ..

-لما يكسب اول فلوس من شغل ..

-لما حد يقرا حاجه هو كاتبها ويقوله عليها انها حلوه اوي ..

-لما يقول نكته لصحابه ويضحكو من قلبهم ..

-لما يحب اول مره ..

-لما يحرج بنت في الشارع ادام الناس بعد ما هزاته..

-لما يروح يشتري حاجه ويفاصل فيها وياخدها بالتمن اللي هو عايزه مع انه عارف ان البياع كده كده كسبان...!!!

-لما ينزل الحسين والازهر ويشوف البلد بالليل وهي في العصر الفاطمي ويلاقي الانتكخانه والاجزخانه وباب زويله وباب النصر وباب الخلق بشكلهم القاهري اللي بجد .. ولما يسافر اسكندريه يستجم بعد الامتحانات ولما ينجح في الامتحانات ولما امه تدعيله ولما ياكل اكله

حلوه من عند بحه او ابو طارق او لما يكون عطشان ويلاقي كولدير ساقع اوي او لما يجيله مسج من حبيبته او لما يكسب واحد صاحبه في ماتش شطرنج طويل او لما يكون مخنوق ويلاقي صاحبه بيكلمه بيقوله ماتيجي ننزل ولما يقف على كوبري قصر النيل ويتفرج على

لمعان صفحه المايه بسبب القمر او انوار شبابيك النيل هيلتون ...

-الشاب المصري بيكون مبسوط لما يحس ان ربنا كارمه ...
-
الشاب المصري بينبسط من اقل حاجه

بجد توبيك جمييييييييييييييييييل ولذيذ جداااااااااا
مرسي يا غادة

حلووووووووو التوبيك ده يا غاده
تسلمى يا قمر

هههههههههههههههههههههههه
حلو اوى يا قمر تسلم ايدك

منورني ياقمرات

منورني ياقمرات

ههههههههههههههههههههههههه. التوبيك عسل ودمه خفيف اوى زيك يا قمر

ميرسي ياحبيبتي لردك الجميل ده

منوراني دايمااااااااااا

توبيك
راااااااااائع
تسلم ايديكى يا دودو

توبيك جميل جدااااااا يا غادة تسلم ايديكي

توبيك جميل بس الزمالكويه بقى بيفرحوا لما الاهلى يخسر هههههههههههههه

» اكتر حاجه تفرح الشعب المصرى
» حد عارف حاجه عن دوووووووووووووووول
» عارف امتي هتصعب عليك نفسك ؟
» النهارده جايب لكم حاجه مش ضحك ولا حاجه صوره لعريس يحمل عروسته وهى محروقه اعذرونى!!!!!!!!!!
» عارف امتى هتصعب عليك نفسك!