استفتاء عن اتحاد الطلاب.........

تذكير بمساهمة فاتح الموضوع :

عايز أعرف رأى الناس عن اتحاد طلاب الكليه

كل واحد يقول رايه بصراحه

وبصفتى واحد من القدامى فى الاتحاد بقول اننا مش هنزعل من رأى حد

انا قديم فى الاتحاد وبقولك انه لابيشغل عن دراسه ولا بيعطل عن محاضرات

انا فى الفرقه الرابعه وبجيب تقدير والحمد لله

يعنى لا بيشغل ولا بيعطل

وبالنسبه لموضوع التأخير احنا كلنا لينا اخوات بنات وزى مابخاف ان اختى تتأخر برة
اكيد بنخاف على اللى معانا لانهم بردو اخواتنا بجد
الولاد الللى بيتأخروا
البنات لا لا لا

اوك يا محمود ان شاء الله السنه الجايه بس ادعيلى السنه دى
تعدى على خير لانى خايفه جدا من بعض المواد وعاوزه اعدى السنه
دى بتقدير وربنا يسهل السنه الجايه

خالد باشا
انا مش مجمع الشكل قوى
ياريت لو اتقابلنا تكلمنى

مازن باشا
انا اسف انى مارديتش غير دلوقتى لانى لسه شايف اللى انت بعته حالا
ومش محتاج تتأسف لأنى مش زعلان لسبب بسيط جدا
وهو ان مفيش أخ بيزعل من أخوه وأنا بعتبر كل اللى فى المنتدى اخواتى
وياريت لو اتقابلنا فى الكليه تكلمنى لأنى مش عارفك

بلال باشا
بردو نفس الاسف لانى لسه شايف اللى اتكتب حالا
وبردو مش محتاج اسف لانى مش زعلان
واللى عايزك تعرفه
اننا بجد بنساعد اى حد نعرف انه محتاج مساعده
وبنعمل ده من وراه كمان عشان مايحسش بالاحراج لو قابلنا

انجل
ربنا معاكى وان شاء الله تنجحى وبتفوق وتقدير كبير
والسنه الجايه ان شاء الله انا مش فى الاتحاد بس سايبين بعدنا ناس محترمين يقدروا
يكونوا احسن مننا واتمنى تكونى منهم انتى وكل اللى فى المنتدى

ان شاء الله
ميرسى بجد ياجميل

ان شاء الله يا زعيم لو شفتك هكلمك على طول
شكراً

ماشى ياعم بلال
والف شكر

هو فين اتحاد الكليه ده

احنا مش بنشوفهم غير فى المناسبات تلاقى كل ولد لابس البدله اللى على المنشر
وشابك بنت فى ايده وواخدها فسحه فى الكليه
رايح جاى بيها

لكن يعملوا حاجه كويسه نعرفهم بيها مفيش
وان كانوا بيعملوا زى ما هيقولوا فا المطلوب مننا اننا نشم على ضهر ايدينا انهم عملوا كده
ليه مفيش اعلان او اى حاجه تقول ان فى حاجه اتعملت معرفش
اما بقى حكاية الندوات والحاجات اللى بيعملوها دى تقريبا بيعملوها عشانهم هما يعنى هما اللى بيحضروا بس واحنا فى البا باى

ومتزعلش منى لان دى مش وجهة نظرى انا بس دى وجهة نظر 99% من الطلبه

وعلى فكره الكلام ده انا قلته لرئيس الاتحاد قبل كده

وهو قالى انه عامل حاجات هتغير الاتحاد

فياريت الحاجات دى تظهر بقى عشان وجهت نظرنا تتغير

الموضوع جامد وبما ان انت عرضته
يبقي عايز تصلح اكيد
المشكله الاولى في الطلبه همه مش بيده اهتمام للنشاطات وميعرفوش ان انتوا ممكن تحلو مشاكل بس عرفين انها شرعيه
اثانيالازم يكون في مكن بارز للاتحاد واضح واضح
ويكون في اساليب تشويق جمده علشان نبص
اما التعامل مع الموظفين وحش جدا وكلنا عرفين كدهاوي
بنسبه ليوم اليتيم هو اصلا بتاع الجواله
وبرده الى بعيد عن النشاطات ميعرفش حاجه خالص
بس ده مينكرش انكو بتتعبوا من غير حد يشوف او يشكرا
والف تحيه للاتحاد ول عبد الغني

مودى انا اسفه بس انا مقصدتش كده

انا رايى انكم اديتونا الانطباع ده عنكم انكم بتدخلوا الاتحاد مخصوص عشان تظهروا نفسكم لكن تعملوا حاجه كويسه بصراحه مش شايفين

وانا بقول كده لان معايا ناس فى الدفعه انا فعلا معرفش انهم فى الاتحاد الا فى يوم كان فى زائر لقيتهم لبسين البدله وريحين جايين فعرفنا انهم فى الاتحاد

ومش معنى كده انى قصدت الكل
لاء زى مافى الوحش فى الحلو لكن الاسف الوحش غطى على الحلو
فياريت انتوا تحالوا تغيروا الناس اللى زى دى
ودا على فكره اللى الكلام اللى كتير من الطلبه بيردده

وعلى فكره انا لما قلت كده مش تدخل منى فى حياتكم الشخصيه

بالعكس انا بوصلك راى كتير من الطلبه فيكم

والله بتمنى انكم تغيروا النظره دى

ولما يكون فى نشاط المفروض يبقى فى اى اعلان يقول كده

لاننا فعلا مبنعرفش اى حاجه عن الاتحاد غير اللى قلتهولك
وبكرر اسفى اذا كنت ضا يقتك

صح الشغل كله انتوا الى عاملينه
ومكنش في حد من الجواله
علشان حصل مشاكل
بس هوبتاع الجواله برده
ومرسي

بسم الله الرحمن الرحيم أولا أنا محمد عبدالغنى رئيس اتحاد طلاب الكلية ، وده شرف كبير جدا لى ، أحب أوضح لكم حاجة ، قبل ما أكون رئيس اتحاد كنت بحلم أعمل أى حاجة تحاول تخفف عم الطلاب اى ألم أو ضيق أو مشاكل ، كنت فاكر إن رئيس الاتحاد يقدر يعمل أى حاجة من غير ما حد يحاسبه ، لكن الموضوع أكبر من كده ، الموضوع إن فيه لائحة طلابية تحكم النشاط الطلابى وتحدده ،يتحدد نشاط اتحاد الطلاب فى الأنشطة الثقافية والرياضية والفنية وأنشطة الجوالة ، والجانب الاجتماعى ، وتكوين الأسر الطلابية ، ولكن مع الالتزام باللائحة الطلابية المنظمة لقانون الجامعات المصرية كلها ، والحمد لله دفعنا مصروفات دراسية لكثير من الطلاب ، ولكن هل يجب أن أقول لقد فعلت خيرا ، وهذا هو ما فعلته وأبين أسماء الطلاب الذين دفعت لهم المصروفات ، إن هذا عمل خيرى بيننا وبين الله عز وجل ، مع العلم بأن هذه الأموال هى من صندوق التكافل الاجتماعى ، ثانيا : يوجد فى الكلية ما يزيد على التسعة ألاف طالب ؟ أتريدون منى أن أدفع الرسوم الدراسية لتسعة ألاف طالب حتى يكون الجميع سعيدا؟؟؟؟؟؟؟؟؟

الأهم من ذلك أين كان طلاب الكلية حين قضى مجلس اتحاد الطلاب أسبوعا كاملا فى اسبوع شباب الجامعات ، وبعد هذا الأسبوع لم يعد فرد واحد منا إلى بيته سالما ، أنا حدث عندى تمزق فى اربطة القدم اليمنى ، وهذا ما حدث ايضا لاثنين من اصدقائى ؟؟؟؟؟؟؟؟؟
أين كانت الكلية لتعوضنا عن هذا؟؟؟؟؟؟؟؟؟؟
إننا نقوم بالنشاط الطلابى لاننا نحب كليتنا ، ونريدها عالية وسط كليات التربية الأخرى على مستوى الجامعات المصرية

العرض المسرحى لكلية التربية يوم الخميس القادم الساعة 6 مساء ، فهل ستحضرون؟

ممكن يا زيزو تقولى انته مين لو قابلتنى فى الكلية

اولا الف سلامة عليك يا محمد ( و يا ريت ماتكونش شايل مني وتعتبرني اختك )

ثانيا يا ريت تقولولنا المسرحية هاتخلص الساعة كام عشان مش ينفع نتاخر اوي برة ..