استفتاء عن اتحاد الطلاب.........

تذكير بمساهمة فاتح الموضوع :

عايز أعرف رأى الناس عن اتحاد طلاب الكليه

كل واحد يقول رايه بصراحه

وبصفتى واحد من القدامى فى الاتحاد بقول اننا مش هنزعل من رأى حد

أولا احنا أخوات يا ايمى والله ، ثانيا المسرحية هتكون من 6 إلى 8 بالكتير ان شاء الله ، ومش هتتأخر عن كده

FAHDMIMO كتب:

ممكن يا زيزو تقولى انته مين لو قابلتنى فى الكلية

الف الف سلامه يامحمد لو نعرف كنت قعت في البيت وجينا زرناك بمزرعه ورد
وانا منكرش انكوا بتتعبوا جدا وانت بذات وده طبيعي لانكوا اتحاد
عموما مشكور سعيكم

وبراحه علينا داخل عربي جامد
وانا مش هقول انا مين خالص
لان عايز اتعامل مع ناس ميعرفونيش علشان اكلم بصراحه
اوكي ياكبير

والله انا شايفه انه كويس
وبيتعبو بجد والله
كفايا بس الحاجات اللى بيعملوها فالكليه زى المشروع اللى فاخر الساحه بتاع البيئه ده
واسبوع شباب الجامعات
يعنى ييجى منهم

ايه يامحمود اوعى تكون فهمت غلط
انا اقصد بييجى منهم يعنى شغاليين يعنى
مش حاجه وحشه واللهى
هههههههههههههههههههههههههه

أستاذ محمد عبدالغنى ...بجد نورت منتدانا انا اول مرة اعرف انه انت
على فكرة يا جماعة محمد عبد الغنى بجد شخصية محترمة جدا وفعلا نفسها تعمل حاجة كويسة وده انا فهمته من كلامى معاه مرة وفعلا كل حاجة حلوة ممكن تتعمل بتوقفها لايحة او قانون .........وانا جربت كتير قوى احساس انك تتعب قوى قوى عشان تعمل حاجة صح تفيد الناس وتقف وتعبك يروح عشان ورقة عليها ختم او كلمة فى قانون ....

على فكرة الناس اللى بيتكلموا وانا منهم منعرفش حاجة عن دفع رسوم الكلية لبعض الطلبة ومكنش يهمنا نعرفها لانها حاجة بينكم وبين ربنا وبجد ربنا يجازيكم عنهم كل خير ويكتبه فى ميزان حسناتكم
بس كلمة اتحاد الطلاب مرتبطة عند الناس بكلمة نشاط طلابى واضح؟ فاهمنى؟
نشاط واضح جدا الناس تعرف عننه وانا قلت رأيى فى الموضوع ده فى رد قبل كده حتى رأيى عجب محمود صقر جدااااااا
اتمنى انى اكون قدرت اوضح رأيى
ربنا يكرمكم ويوفقكم

السلام عليكم أزلا أحب أن أشكرك يا همس القلوب على مدحك لية بس أنا ما ستاهلش كل المدح ده أنا مجرد إنسان عادى نفسه يعمل حاجة جميلة ، نفسه لما يتخرج فى الكلية يسيب علامة مميزة الناس تفتكره بيها ، وبجد شكررررررا جدا ، بس اللى انا بطلبه منك ومن كل الطلاب ،إنهم يحاولوا يسالوا عن الأنشطة الموجودة، ومكاننا معروف ، إدارة رعاية الشباب ، بالدور الارضى بمدرج خير الله ، وربنا يوفقنا لما فيه خير ومصلحة الطلاب
[/img][/b]

السلام عليكم ، شكرا يا شامى على المجاملة دى ، بس ما علينا ، والله كنت جااااااااااااااااااااامد جداااااااااااااااااااا فى المسرحية ، وبصراحة عجبنى دور المخبر قوووووووووووى، وإلى مزيد من التوفيق والنجاح

انا مش بجامل ومتعودتش انى اجامل فى اى نقد
لانى لو جاملت فى حاجة زى دى ابقى بؤذى مش بنفع ولا افيد

أوك يا همس القلوب ،مش مجاملة ،بس شكرا على كل كلمة كتبتيها عشان تنفعى بيها غيرك

اهلا بيك يا خالد انا بحترم شخصيتك جدا وعارفة ان كل حاجة ف تجاره جامده وممكن يكون اللي بيعطلنا فعلا الموظفين وان بتكلم ع اتحاد نربية لاني دائما شايفاهم ف الراحة واجاية لعب وهزار وبس
اما الباقي فهما مش بيعملو حاجة واخدين الاتحاد منظره وبرضه مش كلهم
في اللي بيتعب وفي اللي طالع معاهم من غير ما يعمل حاجة

السلام عليكم ازيك يا ساسو ..... أولا أحب أفهمك شوية حاجات صغيرة ، بس من أخ لأخته
1_ إحنا فعلا بنصرف فلوس من معانا ، فى أسبوع شباب الجامعات كلنا بلا استثناء منا بنشحن تليفوناتنا من جيبنا الخاص عشان نكلم وفد جامعة عين شمس ، ده غير كمان إن الشامى أخذ جماعة منهم ، وعزمهم على أيس كريم عند أحمد أمين .
2_ أى نشاط فعلا بيتكتب ليه مذكرة بس مش للجامعة ، لا لنا احنا عشان الجهاز المركزى للمحاسبات لما ييجا يحاسبنا فى أى وقت .
3_ أما حكاية ان الفلوس بتيجى زى ما احنا عايزينها وأكتر شوية ف ده ما بيحصلش خااااااااااااااالص ، لان كل كلية بتصرف على نفسها الجامعة ما بتوزعش فلوس، كل كلية لها ميزانيتها المستقلة .
4_ أما حفلة يوم اليتيم فالاتحاد هو القائم عليها من الألف إلى الياء ، ولجنة الجوالة جزء من الاتحاد، أولا أنا ومحمود بندق ذهبنا إلى دار الأيتام واتفقنا معاهم ، ثم ذهبت بمفردى مرة ثانية لاتمم بعض الأوراق ، وكانت فلوس التاكسيات كلها من جيبى الخاص أنا وبندق ، مع العلم أننا ذهبنا لاكثر من 5 دور ايتام ، أما عن الحفلة فنحن الذين ذهبنا واستقبلنا الاطفال ، وأتوجه بالشكر إلى اختى الكبيرة مدام / نورا لانها تعبت جداااااااا فى الحفل ، ولكن كانت فكرة الحفل من ابتكار الطالبة " ياسمين " وهى إحدى أعضاء اللجنة الثقافية ، وكان يوجد بالحفل 6 أفراد من لجنة الجوالة التى هى إحدى لجان الاتحاد ، وأكثر من 19 فرد من لجان الاتحاد المختلفة.
إذا كانت الجوالة واحدة من لجان الاتحاد السبعة فكيف نقول أن الاتحاد لم يعمل شيئا فى يوم اليتيم.
أما الأنشطة فهى مش مقتصرة على حد ، بس اللى بيقوم بالنشاط الطالب اللى بيحي النشاط ، اللى موجود فى رعاية الطلاب باستمرار وبيسأل عن الأنشطة الموجودة ، مش الطالب اللى ما بيسالش ومستنى النشاط ييجى له لحد عنده ويقوله ( أنا نشاط تعالى مارسنى ) يعنى يا ريت نبطل كسل شوية؟؟؟؟؟؟؟؟؟
اما كلمة (هقبضكو ) أنا مش هرد عليها لأن أنا وانتى أكبر من ان احنا نتكلم فيها لكن اللى شايف ان انا مش أمين على فلوس الطلبة يقولى فى وشى وانا مش هزعل ، لكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أما الندوات اللى بنعلن عنها واحنا اللى بنحضرها بس عشان كله منفض ومفيش حد راضى يسمع ، ده احنا بنتحايل ع الطلبة عشان يحضروا ندوة، مع اننا عاملينها عشانهم ، زى ندوة ( الإعجاز العلمى فى القرأن الكريم ) كنا بنتحايل ع الطلبة ، اللهم إلا من رحم ربى .....................
أما انك تقولى ان أنا الوحيد اللى طالع عينى فى الشغل ، فشكرررررا ليكى ، لكن فيه ناس ثانية بتشتغل بس الطلبة هم اللى ما بيسألوش ، أنا صوتى ممكن يسمع 50أو 10 أ20أو 300 طالب ، لكن بقية الطلاب اللى ما يعرفوش يا ريت يزورونا فى مكاتب رعاية الشباب
وشكرررررررررررا [/img]

معلش يا سوسو بخصوص اللعب والهزااااااااااار احنا شباب ومن حقنا نلبعب ونهزر ونضحك ، ما دمنا ما بنعملش حاجة غلط
الاتحاد بيكلم بنات ، ما كل الشباب بيكلموا بنات ، وبيقعدوا مع بنات، ولا ايه رايك

شكررررررررررررررا يا خالد ، لكن انته صاحب البيت ، بيتهيالى انك فاهمنى

احب اقولك يا محمد ان انا عمري ما اقول انك مش امين ع اي حاجة مش بس الفلوس انت شخص كويس جدا ومحترم جداومقدرة اللي انت بتعمله والكلام ع الانشطة انت عارفة وانت اللي تحاسب الموظفين لازم اول ما يبقي في مسابقة مثلا تكتب اعلان حتي لو ع ورقة كراسة وتعلقوها مش هقول لحد انا نشاط تعالي مارسني
سوري لو كان اسلوبي حاد شوية بس ده لاني كنت اتوقع ان اخر واح يتكلم عن الاتحاد هو مودي بدليل اقرأ ردودك اللي بتوضح لينا مجهوداتكم واقرأ برده ردوده اللي كل ما حد يكلمة يقوله الاسبوع مفيش حاجة واضحة زي ما انت فهمتني دلوقتي ممكن يكون الموضوع اتربط بشخصية مودي اللي دائما بتستفزني
وشكرررررررررررررررررررررررا جدا ع توضيحك ليا انت كنت ومازلت وستزال الانسان الوحيد اللي بيوضحلي حاجات كتيييييييييييييييييييييييييييير ف الكلية دي
يارب اللي يجي بعدك يبقي زيك كده

أنا ما كنش قصدى اضايقك يا ساسو لكن الاعلانات بنعملها وناس تانية بتقطعها ، وبالنسبة لمحمود هو شخص كويس ، ع الأقل فى وجهة نظرى أنا ، وما فيش انسان ما لوش عيوب، أنا مثلا كلى عيوب ، وعندى مساوئ كتير جدا ، ورحم الله امرئ عرف قدر نفسه

لا ابد مش مضايقة ولا حاجة بالعكس انا سعيدة لانك فهمتني حاجات انا مكنتش عارفاها
انا حاسة انك زي المحامي ف الموضوع ده بس محامي بارع جدا ومقنع لولاك كان زمان محدش فهم اي حاجة ف اي حاجة
وبالنسبة للعب والهزار اللي يعمل اللي عليه مفيش مشكلة انه يلعب وده ف اي حاجة مش شرط الاتحاد
ربنا يعينكم

مَنْ مبلغُ الملبسِينا، بانتزاحِهمُ، حُزْناً، معَ الدهرِ لا يبلى ويُبْلينَا
أَنَّ الزَمانَ الَّذي مازالَ يُضحِكُنا أُنساً بِقُربِهِمُ قَد عادَ يُبكينا
غِيظَ العِدا مِنْ تَساقِينا الهوَى فدعَوْا بِأنْ نَغَصَّ، فَقالَ الدهر آمينَا
فَانحَلّ ما كانَ مَعقُوداً بأَنْفُسِنَا؛ وَانْبَتّ ما كانَ مَوْصُولاً بأيْدِينَا
وَقَدْ نَكُونُ، وَمَا يُخشَى تَفَرّقُنا، فاليومَ نحنُ، ومَا يُرْجى تَلاقينَا
يا ليتَ شعرِي، ولم نُعتِبْ أعاديَكم، هَلْ نَالَ حَظّاً منَ العُتبَى أعادينَا

انا عايزة اقول حاجة بس ..... طول ما الناس بتبص للا تحاد من برة بس عمرهم ماهيعرفوا

هما بجد ناس كويسين قد ايه .......

و عايزة اقول لمحمد عبد الغني .. اني لو فضلت فوق عمري عمر مش هاقدر الاقي كلمة

اوصف بيها قد ايه انت حد كويس و نفسك بجد انك تعمل حاجة ..

( ربنا يبارك فيك ) .....