رأيك فى دكاترة قسم اللغة العربية (كن إيجابيا وشارك)

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

أهلاً بيكم شباب قسم اللغة العربيه

الموضوع دا عايزين نناقش فيه وبصراحه أرائنا فى دكاترة القسم

بس ياريت تكون مناقشه هادفه ولا تخلو من احترامنا لأساتذتنا الكرام

يعنى عايزين يكون النقد هادف وبناء ..

وياريت كل واحد فينا يكلمنا عن الأساتذه اللى درسوا ليه عبر المراحل المختلفه

ونذكر على سبيل المثال

أسماء دكاتره شرحهم ممتع وحببونا فى الماده

دكاترة لن ننساهم

دكاترة تحب تنصحهم ؟؟ هتقولهم ايه ؟؟

دكاترة غير منصفين فى توزيع الدرجات

دكاترة ينقصهم جانب ما ؟؟ تربوى أو علمى ؟؟

دكاترة أثروا كتير فى شخصيتك بالايجاب أو السلب .؟؟

دكاترة امتحاناتهم مميزه سهله أو العكس ..؟؟

وهكذا

أتمنى التفاعل من الجميع .. واستخدام صيغ وأساليب مهذبه

فى الحديث عن أساتذتنا ..

وشكراً

مش درس لينا للاسف

حد يشغل التوبيك يا جماعة

قولوا اسم دكتور

بلاش اختار انا

ايه رأيكم يا جماعة فى الوصيفى
ده راجل ظالم
وحسبى الله ونعم الوكيل فيه
وربنا ينتقم منه

احنا سبق وقولنا رأينا فى الدكتور عبد الرحمن
بس أنا مش عارفه انتوا شايلين منه كدا ليه
هو مفيش حد بيحبه غير دفعتنا ولا ايه؟!!

هو ممكن يكون فعلا لما بيغضب من دفعه مش بيتعامل معاها كويس
بس كل الدكاتره كدا لما تضايق من دفعه بيكون العقاب جماعى
وبالطريقه دى

سبق ذكره

دكتور عظيم بالفعل وانا احترمه وان كان الاختلاف مع البعض

ولكن قد تم ذكره من قبل

ارجو التغير

ايه رأيكم في دكتور عمر عبد المعطي

احم احم حد يتكلم غيرى Laughing

الدكتور عمر عبد المعطى
______________

الدكتور ده غريب جدا شخصية متكبرة على الطلاب يرى انه يعلم كل شئ ونحن لا شئ بصراحة كان بيجيب ليه احباط وانا فى محاضراته وكنت بحاول اهرب كتير من محاضراته وكلامه بيحسنى انى فاشل ومش عارف اى حاجة لدرجة انه بيعتقد ان الطلاب مش عندهم اى تربية وان هو الاخلاق والمثل وهو لا شئ
المادة بتاعته كانت صعبة وعلى الرغم من كدة انا كنت مذاكرها كويس جدا جدا وكنت ملخصها وحافظ كل حاجة فيها وعلى كدة كانت معايا رفع والحمد لله عديت فيها والدليل على انه ظالم ان فى ناس محلتش حاجة وكانت جايبة تقديرات وحوالى نص الدفعة شالت المادة فى الكتر من اما يكون هناك 190 طالب مضرورين منه ومعاهم رفع وراسب نظرى

انا مش هتكلم اكتر من كدة انا قولت رأى وخلاص وبلاش اكتب اكتر

اطلاقا انا عمري ما حسيت ان دكتور عمر متكبر علينا بالعكس ده دكتور محترم جدا جدا هو ادانا 3 ترم وفي كل ترم كنت بحبه واحترمه اكتر
يمكن هو يا بلال انت وساهر مش كان حابب دفعتكم
بس انا شايفاه محترم جدا وبيعرف يسيطر ع الطلاب اوي وبيجبرنا ع احترامه وبرده مع ذلك بيضحك معانا وعمره ما حسسنا اننا فاشلين او اي حاجه من دي خالص

فى مرة حصل موقف كان بيهدد طالب عمرى ما انساه بس مش هقوله المهم انى فاكر من الدكتور جملة قالها

قال :ـ كل لفظ الفظة لفظا اقصده قصدا

انا بقول انك مش نبى انك بشر والبشر اخطاء ونحن نخطئ
فلا داعى لهذة المقولة

تمام يا هبه كلامك

بس طبيعى يكون رأينا حسب ما شوفنا

انا كنت قدام اضطراب نفسى وانسان عنده عقدة اضطهاد

انا حاسس ان دا ناتج عن مشاكل حصلتلو فى الطفوله فى التعليم مثلا

ودا انعكست عليه وبيكرر نفس السيناريو معانا

قمة الملل فى المحاضرات قمة التكبر وعدم الاحترام للطلبه

تحدى لعقليات الطلبة قدامه وطريقتنا فى التفكير والتصرف

تحديد منهج تعجيزى دا لو اعتبرنا انه حدد منهج اصلا

ظلم للدفعه كلها والناس اللى ذاكرت مش لقت حاجه فى الاخر

دا حتى ناس تقديراتهم وصلت جيد جدا وكانوا شايلين الماده

انا اما شوفت حال زمايلى قلت حسبى الله ونعم الوكيل

بس انا دلوقتى بقول ربنا يهديه

تقريبا كده دكتور عمر معاكم مش زي معانا
اما بالنسبة لموضوع التقديرات فأنا معاكم هو في التقديرات بخيل جدا جدا
وبالنسبة لموضوع المنهج فده فعلا اكدلي انه معاكم حاجة تانيه لانه بيحدد لنا منهج غالبا بيكون واضح وخفيف
دكتور عمر بجد كويس ومحترم بس فعلا مش اقدر انكر ان ليه بعض السلبيات زي مثلا انه ممكن يطرد طالب لسبب تافه جدا
بس في النهايه مش انكر انه بجد محترم واحسن من غيره كتيييييييييييييير
لكن معاكم مش افتكر كده .... اكيد انتم اللي عارفين السبب
وع العموم انتم ارتحتوا منه خلاص

السلام عليكم
معلش يا جماعه انى غبت الايام اللى فاتت دى
بس كان فيه شويه ظروف الحمد لله اتحسنت
واتمنى انى ادخل واشارك فالاستفتاء ده

اولا طلما هتكلم عن الدكاتره ابدا فاعظم دكتور من وجه نظرى فقسم لغه عربيه
الدكتور \ محمد عبد المقصود
الراجل ده يا جماعه بجد بجد اللى بحس انه بيعاملنا كطلاب جامعيين
مش تلاميذ فحضانه
دكتور محترم جدا وبيتكلم مع الطلبه بطريقه راقيه ومهذبه جدا
وزائد كل ده عنده زخيره علميه كبيره جدا وكمان عنده من الخبرات الحياتيه
ما يجعله ينصح طلابه نصائح صائبه
مهما اتكلمت على الدكتور عبدالمقصود مش هكفيه حقه
وكمان توصيله للمعلومات للطلاب بطريقه بسييييطه جدا
تثبت فالعقل

وعلى العكس فالمعامله د\ الوصيفى وده بردو من وجهه نظرى
ومش بعارض حد فرأيه كل واحد حر فرأيه
انا بلاحظ من الدكتور الوصيفى التكبر والسخريه بالطلبه
مش عارف ليه وامتحانه ببقى داخله مش عارف ايه المنهج
وكل واحد فالدفعه يقول منهج شكل لخبطه جامده جدا
الواحد بيدخل الامتحان مرعوب مش عارف يركز خالص

واتكلم بردو على د\ عمر عبد المعطى
انا بصراحه مكنش بحبه خالص فسنه اولى من معاملته والتكشيره
مكنش بيضحك خالص
بس بصراحه لاحظت تغير جزرى فمعامله الدكتور عمر فالسنين
اللى بعدها بردو مش عارف ليه هههههه يمكن عشان اخدنا على نظامه وكده
ولا التغيير ده جه من عنده هوا مش عارف
بس انا حبيت الدكتور عمر جدا وعرفنا نظامه
وبصراحه فموضوع التحديد ده فهوا كان بيحدد وكنا بندخل امتحانه
عارفين منهجه ومزكرينه كويس
وانا متفق جدا مع راى صعبه النال فالدكتور عمر عبد المعطى
بس
واسف جدا على الاطاله بس انا ملحقتش الموضوع من الاول
بعوض باه ههههه
شكراااااااااا

بلتو
belto

بيبو أنا معاك في رأيك عن دكتور الوصيفي هو فعلا مش بيحترمنا
ده غير منهجه دا اذا كان ليه منهج محدد اصلا ............ ربنا يسامحه

أما بالنسبة للدكتور عمر فهو فعلا بجد محترم واحسن من غيره كتير وانا معاك في رأيك عنه
ومش انكر ان كنت في الاول مش بحبه وكنت استغرب اوي لو لقيت حد بيحبه
بس بعد كده حبيته واحترمته
لكن شكله مع دفعه ساهر وبلال مش دكتور عمر اللي احنا نعرفه شكله حد تاني مختلف تماما

فعلا يا صعبه المنال
ممكن فعلا يكون بيتعامل معاهم غير ما بيتعامل معانا خالص
وده احتمال كبير بيرجع للدفعه نفسها
وممكن يكون عدم ارتياح الدكتور نفسه للدفعه
وده بيحصل مع اى دفعه ممكن يكون دكتور
بيتعامل كويس جدا مع دفعه ولكن بيتعامل
وحش جدا مع دفعات تانيه
وانا من رايي ان السبب بيرجع للدفعه نفسها
ايه اللى يخلى دكتور يعامل دفعه بطريقه مش كويسه
اكيييييييييييييييييييييييييييد الدفعه نفسها
وزى مانتى قلتى اديهم خلصو منه
ههههههههه
شكرا على اهتمامك يا صعبه المنال
بتمنالك النجاح فحياتك
وكل سنه وانتى طيبه

بلتو
belto

مفيش غير عدد قليل من الدكاتره اللى اتكلمتم عنهم هم اللى درسولى
اولا دكتور عبد الرحمن الجمل : بجد دكتور اكتر من هايل يستحق كل تقدير واحترام كفايه ضحكته بتدينى دافعه جامده اننا منياسش برغم انا كان مسمينا دفعه الغباء ههههههههههه بس بجد منهجه وشرحه كانت حاجه جميله وتعامله مع طلابه اجمل وكمل كل ده وختمه كويس بامتحان جميل جدا
ثانيا بقى الدكتور عبد الحميد القط:دكتور مفيش احلى ولا اجمل من كده تعامله معانا كويس برده بس مش حضرتله كتير بس اللى حضرته هو بيشرح كويس بس العيب فى الطلبه لانهم فى محاضرته بيكون فى استهتار جامد
ثالثا دكتور الوصيفى كماده علميه كويس جدا بس هو بيتكلم عن نفسه كتير وشايف نفسه هو ومفيش حد بعده وبحس بكلامه الكتير عن نفسه انه مغرور وان مستحيل ان طالب من اللى قدامه يوصل للى وصله دا غير اهانته المستمره للبنات اما حكايه الامتحانات دى والله هو فى امتحان الادب كان كويس جدا والامتحان كان سهل جد اما الشعر عمل فينا فصل مش ظريف كده فى حكايه القصيده
رابعا الدكتور عمرو عبد المعطى والله الترم الاول انا كنت مرعوبه منه جامد والترم التانى خلصنا فهمته وعرفت هو عاوز اللى قدامه بتعامل معاه ازاى بس هو الى حد ما بيحب دفعتنا وبيحترمها بيتعامل معانا بكل احترام ومادته كويس جدا والمنهج بجد سهل بس العيب فينا احنا جايز مش قادرين نفهم هو بيكون عاوز ايه بالظبط ودا بيظهر فى تقديراته بس دكتور يستحق كلمه عظيم بجد

واخيرا وليس اخرا

اختلاف الراى لا يفسد للود قضيه

مشكله الدكتور عمر معانا مش مشكله دفعه ولا حاجه

اللى عرفته انه مش بيحب دفعه اساسى ولا بيحب يدرسلهم

وانه مش كان عايز يدلنا وزى ما تقولوا كدا ادبس فينا

دفعتنا مش زعلته فى حاجه ولا مره غضب مننا

هو كان مجهز لنا عقاب من قبل ما يشوفنا

يعنى دى عقده زى ما ساهر قال وربنا يسامحه لأنه بجد

ظلم ناس كتير خاصه انى دى اخر سنه

وعالعموم ادينا ارتحنا وريحنا

بصراحه يا جماعه انا هاقول رايي بصراحه

الحقيقه ان الدكتور عمر فعلا دكتور محترم جدا محدش يقدر يعترض

بس فعلا عنده عقده نفسيه جواه مخلياه اسلوله كده وليه تحكمات غريبه

ومش عارف في حكايه النتايج دي

نفسي اعرف بيصحح ازاي انا مش فاهم

الناس تبقي حاله كويسه ويسقطعهم عادي جدا

ويوم ما ينجح يا يرفع يا ينجح بمقبول اخره كده

ومحاضرته علي قد مهي قصيره ومش طويله اوي

بس الواحد بيفهم منه كويس الا حد ما

وشكرا

الظاهر زى ما هبه بتقول انه معاهم غير معانا تماما
انا بصراحة عمرى مشوفت دكتور يقول اللى يكح او يعطس اخرجه برا
دى حاجة غريبة جدا وبتحصل غصب عن الواحد
يمكن بيعاملكوا كويس غير معانا لكن فى الآخر النتيجة واحدة(ظلم)
مش معقول مفيش طالب قادر يجيب فى مادته الامتباز او على اقل تقدير جيد جدا
ازاى نسبة 53%من الدفعة شايلين المادة فى الوقت اللى معظمهم تقدير جيد جدا
معاك حق يا ساهر ممكن تكون المشكلة عقدة فى الطفولة
واللى الكل سمعه انه فقد زوجته واولاده فى حادث بس الموضوع ده بقاله فترة
ده طبعا غير مادته الصعبة جدا واللى تشبه اللوغارتمات
ربنا مع كل زمايلنا اللى لسة هيدرسلهم ويمكن يكون كان كدة بس مع دفعتنا

دا انت يا بلال وساهر شايلين منه اوى
نحمد ربنا اننا خرجنا من تحت ايده بالسلامة

طب لسالي سنه اعمل ايه بقي

هامووووووووت يا نااااااااااااااااااس

ههههههههههههههههههههههههههههههههههههههههههه

يالله ربنا معانا ويعديها علي خير

ربنا معاك بودى وان شاء الله تعدى على خير

دكتور عمر بصراحه دكتور محترم و عرفنا اسلوبه من الاول وكمان بيحددلنا منهجه ودى ميزه كويسه فيه اوى بس مشكلته بقى انه ممكن يحرج اى حد ويزعقله ع حاجه ممكن تكون هايفه خالص يعنى مش بيحترمنا اوى كطلاب

يارب يا هبه والسنه دي تعدي علي خير

وربنا يوفقنا كلنا

زائر

ياجماعة الدكتور عمر بيحب اللى يكون فاهم الظواهر الصوتية اكتبوا وراه فى المحاضرات

الحاجات اللى بيقولها عن الظواهر وذاكروها وحلوا امتحاناته بتاعت السنين اللى فاتت
انا مرتين جبت جيدجدا ومرتين جيد

» مكتبة علوم اللغة العربية وآدابها
» مكتبة علوم اللغة العربية
» ايه رايكم فى اللغة العربية ياخريجى المستقبل
» اثبت وجودك وبياناتك لكل عالم اللغة العربية
» معجم قواعد اللغة العربية (بلال وبس)