رأيك فى دكاترة قسم اللغة العربية (كن إيجابيا وشارك)

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

أهلاً بيكم شباب قسم اللغة العربيه

الموضوع دا عايزين نناقش فيه وبصراحه أرائنا فى دكاترة القسم

بس ياريت تكون مناقشه هادفه ولا تخلو من احترامنا لأساتذتنا الكرام

يعنى عايزين يكون النقد هادف وبناء ..

وياريت كل واحد فينا يكلمنا عن الأساتذه اللى درسوا ليه عبر المراحل المختلفه

ونذكر على سبيل المثال

أسماء دكاتره شرحهم ممتع وحببونا فى الماده

دكاترة لن ننساهم

دكاترة تحب تنصحهم ؟؟ هتقولهم ايه ؟؟

دكاترة غير منصفين فى توزيع الدرجات

دكاترة ينقصهم جانب ما ؟؟ تربوى أو علمى ؟؟

دكاترة أثروا كتير فى شخصيتك بالايجاب أو السلب .؟؟

دكاترة امتحاناتهم مميزه سهله أو العكس ..؟؟

وهكذا

أتمنى التفاعل من الجميع .. واستخدام صيغ وأساليب مهذبه

فى الحديث عن أساتذتنا ..

وشكراً

الدكتور عبد الله فعلا من خير الاساتذة فى كلية التربية
هو تقريبا درسلنا الاربع سنوات
كانت محاضراته كويسة جدا وعنده جودة فى الالفاظ والقاء الكلمات
ده غير انه عنده موهبة فى القاء الاشعار
سهل انك تتعامل معاه وتتناقشه

اشكرك على اختيارك الرائع

دكتور محترم ومحبوب ومتمكن في مادته جدااا

أولا ميرسى جدا ليكى يا طائر على اختيارك لدكتور عبدالله شبانة
من احسن الدكاترة اللى فهمت منهم بحس انه قريب جدا من فهمنا
بيكلمنا بطريقة بتوصلنا بسرعة اوى مفيهاش تعقيدات ولا الغاز
وعلى ما اتذكر هو درسلنا بس فى الفرقة الثالة والرابعة
وربنا يوفقه يا رب فى حياته لانه بيشرح بضمير اوى

شكرا ليك يابلال انت وساهر وهبه
هو فعلا دكتور يستحق التقدير والاحترام
ربنا يوفقه في حياته ويرجعهلنا بالسلامة
قوووووولوووووووووا
آآآآآآآآآآآآآآآآآآآآآآآآآآآمين

آمين يارب العالمين

الدكتور عبد الله شبانة من الدكاترة المحترمة جدا جدا
ف الكلية وله من الاسلوب والطريقة المميزة ف شرح وتسهيل المعلومات
علينا جميعا
اعزه الله واكرمه دائما

ايه يا جماعة حد يقترح دكتور تاني
الموضوع واقف ليه بجد الموضوع ده
مهم يلا مستنيين اسم الدكتور التاني
أول واحد يدخل يقول اسم دكتور
ماشي؟ بسرررررررررررررعة [ندعوك للتسجيل في المنتدى أو التعريف بنفسك لمعاينة هذه الصورة]
بلاااااااااااااااش كسلللللللللللللللللل

دكتور عبد الله
والله من اجمل الدكاترة عندنا
بجد حلو اوووووووووي ومحترم
ربنا يوفقه

حد يحط دكتور تانى يا جماعة

بلاش انا انا عاوزكم انتم اللى تجيبوا اللى بيدرسوا لكم حاليا

امممممممممممممممممممم
اقول انا
المشكله ان معظمهم اتكلمنا عليهم
طيب ممكن نقول اشرف محروس

الدكتور اشرف محروس بجد من الدكاتره المحترمين جدا
والطيبين مع الطلبه كلهم
وطريقه شرحه كويسه وبنفهم منها
ومنهجه صحيح بيبقي تقيل شويه وكبير
بس بيبقي مش صعب بيبقي عايز حفظ شويه
بس امتحانه السنه الي فاتت بجد كان سهل جدا
ونجحنا كلنا وادانا امتيازات كلنا والله
وربنا يوفقه يارب
هو من الدكاتره المحترمين جدا والكويسين الي درسولي السنه الي فاتت
وشكرا

مع تحياتي

بوووووودي

دكتور اشرف بجد محترم جدا وشرحه جميل وكنا بنفهم منه
وبيحترم الطالب
يعني فعلا هو من الدكاترة الحلوين اوي ف القسم

رايكم هايل يا جماعة

ومستنين الاكتر منكم

بس انا الحقيقة مش درسلى خالص ومش اعرفه

وأنا كمان معرفوش
هو احنا طلاب في كليه
تانيه ولا ايه ؟ ههههههههههه

ملحقتوش ..

مش ادانا خالص

طب بما ان كل دول مش يعرفوا

نطلب التغيير

اول عضو يدخل يتفضل يضع اسم

ماشي أنا هقول دكتور بحترمه
جدا وبقدره جدا جدا
الدكتور أحمد أبو الفضل
أصلا مينفعش نتكلم عن دكاترة القسم ونسيبه

الدكتور احمد ابو الفضل

هو الصراحة يمكن انتى بتتكلمى عنه بكلمات بسيطة لكن بتدل على انك بتحترميه اوى

لكن هو درسلنا سنة وكانت مادته صعبة اوى وكان معاملته معانا مش اللى هى كان صعب اوى اوى ده غير انه كان صعب التعامل معاه بطريقة غير عادية وانا افتكر ان مرة واحد زميلى دخله المكتب قدامى وطرده مع انه ولد مهذب خالص وبعدها واحنا واقفين بنت دخلت وقابلها كويس بصراحة اتحرق دمى
ده غير انه احيانا كان بيفتخر بنفسه اوى وبيحسسنى انى جاهل او مش عارف اى حاجة

على العموم هو عالم فاضل ودكتور محترم ولغتة عظيمة

دكتور علي علم بس يفخر بنفسه وهذا غير مطلوب كما انه لا يعطي تقديرات

والله يا حماعة دكتور أحمد كان بيعاملنا كويس جدا حتى الولاد و كل الدفعه بتحبه يمكن أنتم نرفزتوه ولا حاجة وكانت مادته من أسهل المواد ومحاضرته الدفعة كانت بتحبها الكل بيحضر بنفس راضيه بس يمكن ده لأنه بيحبنا و هو قالنا كدا وكمان بيدينا هدايا شرايط وكتب بيه وعمره ما اتكلم عن نفسه كتير عندنا هو ساعات بيقول موقف معين بس بيبقى مرتبط بموضوع المحاضرة وكمان لما يلاقينا حسينا ببعض الملل بيقول موقف يخفف من حدت المحاضرة وكمان هو في منتهى التواضع ودا ظهر في مواقف كثيرة مع الدفعة كلها أما بالنسبه للتقديرات أنا كنت بجيب جيد جدا في المواد بتاعته والدفعه مافيش حد بيقل عن المقبول ودول قليلين بس المعظم بيجيب جيد و جيد جدا عذرا للاطاله أصل الدكترو ده بالذات أنا بكنله كل التقدير وألاحترام وشكرا للتفاعل

مع اعترافى الكامل بأنه استاذى ومعلمى

الا اننى لا استطيع ان اخفى ، اننى لا أكن له أى احترم

لأسباب قد تكون قريبة من التى ذُكرت آنفاً

للاسف ..

بما إنى كنت فى نفس الدفعة بتاعت بعض الأعضاء
فمش هقول اكتر من اللى اتقال عنه
بس اكتر حاجة كانت بتنرفزنى لما كان بيقول
انا عملت وعملت
انا عملت وعملت
انا عملت وعملت
ساعتها كنت بحس انه مغرور أوى وطبعا غالبا مكنش بيسمح للطلبة مقابلته فى مكتبه
عموما ربنا يهدينا جميعا

الاراء كلها موحدة تقريبا الا مع الطائر الحزين

مش معقول يكون كلامك ده على عمر عبد المعطى شئ غريب فعلا كلامك الا اذا كنتى تقصدى بيه دكتور تانى

على العموم يا جماعة هو دكتور وعالم فى نفس الوقت
وياريت نغير

طيب اسمحولي أقترح دكتور تاني ؟
الدكتور/السيد فرج

الصراحة بردة مش عارف الدكتور

انتى بتجيبى دكاترة غريبة انا ولا اكنى كنت موجود الاربع سنوات دول ولا ايه هههههههه

مش درسلنا خالص

» مكتبة علوم اللغة العربية وآدابها
» مكتبة علوم اللغة العربية
» ايه رايكم فى اللغة العربية ياخريجى المستقبل
» اثبت وجودك وبياناتك لكل عالم اللغة العربية
» معجم قواعد اللغة العربية (بلال وبس)