الحلقة الخامسة
"الرحلة"
[ندعوك للتسجيل في المنتدى أو التعريف بنفسك لمعاينة هذه الصورة]صحينا الصبح بدري،لبسنا واخدنا حاجتنا،وروحنا انا ونهي وشروق علي تجمع الطلبة قدام باب الجامعة
قاسم:اطلعوا يلا ياريم انتي وصحابك،خدهم ياسيف علي كراسيهم
سيف:صباح الخير ياقمرات
-صباح النور ياسيف،معلش ياقاسم هركب في الاخر لما كلهم يقعدواعلشان بتخنق *طبعا ولا بتخنق ولا نيلة ،مستنية لما قلبي ييجي*
جه خالد ،كان امور اوي اليوم دة
لبسه كان حلو اوي:كان لابس قميص ابيض حلو اوي ،جينز جامد جدا،ونظارة شيك اوي
خالد:صباح الخير ياشباب،صباح الخير ياريمو
انا:ريمو!!!!..
خالد:ابوس ايدك ياشيخة ،فكيها النهاردة شوية ...دة احنا في رحلة
سبته ورحت ناحية الاتوبيس،لقيت قاسم بيناديني
-ياريم لسة مكملش علي فكرة
انا:خلاص مش مهم ياقاسم
خالد :هو فيه اية ياقاسم ،فهمني
قاسم:لا اصلها بتقول انها بتتخنق من ترتيبات الاتوبيس وكدة،وفجأة طلعت::!!!!
خالد :ههههههههه،بتتخنق هههههههه..يمكن
قاسم:انت بتضحك علي اية !!
خالد:مفيش مفيش
وفضل واقف مبتسم كعادته
قعدنا علي كراسينا
طلع خالد بعد دقايق
نهي:اية دة يابت،مين القمر اللي دخل دة
انا بابتسماة توحي لامتلاك شيء يريده الجميع:دة خالد
نهي:اية!!!،المز دة يبقي خالد
انا:اة والله
حسيت ان نهي انبهرت بيه اوي،مش بس نهي ....لا كل واحدة كانت بتصارع علشان تقعد جنبه
بس كان حاتم صاحبه وبنت قاعدين جمبنا
خالد:قومي يانهال شوية
نهال:لية!!
خالد:بليز يانهال من غير اسئلة قومي يلا
نهال:اتفضل ياخالد
قعد علي الحرف زيي،فضل يبصلي
وانا ابصله
قطعت نهي النظرات الجميلة
-ريم ،خشي جوه
خالد:لية يابنتي الاذي دة
ريم :بس انا هنا كويسة
نهي بحزم :ريم
ريم :حاضر
ولسة بقوم ،لقيت خالد شدني بقوة من ايدي:وقعدني علي الكرسي
خالد:في اية ياريم ،بطلي الخوف دة شوية
ريم:مش خوف بس
لقيت نهي بتهمسلي فودني
"بطلي هبل ،متدلفيش كدة ،وقومي خشي جوه"
بصيتلها وانا لاوية بوزي شبرين
خالد:برضه مفيش فايدة،انتي حرة
بدلنا الاماكن
[ندعوك للتسجيل في المنتدى أو التعريف بنفسك لمعاينة هذه الصورة]بدأت نهي التعارف عليه وعلي حاتم كعادتها
بدأ الاتوبيس يتحرك
خالد:خد ياقاسم شغل دة
قاسم:اية دة
خالد:شغل بس
قعدت منتظرة علي احر من الجمر ،ياتري اية الشريط دة
اتفاجئت جدا ،لما لقيت اول اغنية "الله عليها "بتاعة عمرو دياب ،اللي عملها لاسم ريم
فرحت اوي وحسيت انها مقصودة
بصلي خالد وابتسم
وبدأ التهليل والتصفيق مع الاغاني،وزاد الضحك والمرح
[ندعوك للتسجيل في المنتدى أو التعريف بنفسك لمعاينة هذه الصورة]عدي ساعة علي تحرك الاتوبيس
قاسم:فيه اية ياجماعة الفقر دة،مفيش حد معاه فطار ولا ساندوتشات
بسرعة انا ونهي طلعنا الحاجات اللي عملنها
قاسم:اية دة ياريم،دايما فاكرانا كدة
ريم:وانا اقدر انساكم ابدا
نهي بنحنحة:تأخد اية ياخالد
خالد:لالا ميرسي ،ربنا يخليكي
بصيتلهم كدة هما الاتنين
ولقيت الكل اتجمع حوالينا
وكل واحد خدله ساندوتش
ولسة بقطم اول حتة ،لقيت خالد شد الساندوتش
خالد:بليز ياريم
انا:اوك طبعا،بس استني اجبلك واحد جديد
خالد:لالالالا انا عاوز دة
ولسة بياخد اول حتة
لفت نظره شكل البرجر
خالد:معلش في السؤال ياريم،هو البرجر عامل كدة لية
نهي:والله ياخالد قلتلها تحمره،واديك شايف النتيجة
خالد:قالتلك حمريه،مش احرقيه
هههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]قعدنا نضحك علي كلام خالد والشلة
ويمكن من اجمل المواقف الكيكة
حاتم:مفيش بقي حاجة نحلي يابنات
نهي:لا ازاي فيه طبعا،اقدملكم كيكة الشيفة ريم
خالد:بجد والله ،وريني وريني
قاسم:اية دة ياريم هي اتعرضت لحادثة ولا اية
خالد:اصلها عاملاها flat ههههههههههههههههههههه
ريم:اقعدوا اتريقوا بقي
خالد بحنان :واحنا نقدر برضه،بس مش شايفة انها غيربة شوية ،بجد والله هي واطية كدة لية
ريم:اصلي نسيت احط البيكنج بودر
خالد:ههههههههههههههه ونعم ستات البيوت
ياسر:بليز ياجماعة محدش معاه حاجةحادقة او حرشة
حاتم:هههههههههههه لية بتتوحم
خالد:اعذره ياحاتم منتظر بيبي هههههههههههههههههههههههه
قاطعتهم شروق:انا معايا ،استني ثواني
طلعت علبه بلاستيك،شكلها غريب وريحتها اغرب واغرب
ياسر:اية دة معلش
شروق :دي قرص ودة فطير
ياسر:عارف،انا قصدي اللي جمبهم
شروق:دي جبنه قديمة بالمش
ياسر:وياتري بالدود
حاتم:لا سايباه في البيت،خايفة عليه من برد اسكندرية ههههههههههههههههههههههههههههههه
هههههههههههههههه
شروق:اقعدوا اتمألتو وميعجبكوش العجب
خالد:اية ،اتمألتوا ههههههههههههههههههههههههههههههههههههههههههه
الاتوبيس كله كان ميت من الضحك عليها وعلي تصرفاتها
ياسر:خلاص بقي ياجماعة،يلا ياشروق هاتي حتة فبوئي
شروق:نعم ياخويا،خد اطفح لوحدك
شوية والريحة فحفحت اكتر
خالد:اية اليرحة دي ياجماعة،القرف دة انا عارفه
شروق :دة بيض،تأكل
خالد:بيض!!! ينهارك ،ليلتك بيضة ياقاسم
بيض وطعمية,حد يشوفلنا معطر بسرعة قبل ما نموت هههههههههههههههههههههههههههههههههههههههههههههههههه ههههههههههه
ههههههههههههههههههه
قاسم:ههههههههههههه،كل يا ياسر كل،دة انت هتولع النهاردة
مت من الضحك علي تصرفاتهم
خالد:خلينا ف كيكة ريم ارحم
انا:مالها الكيكة ياسي خالد
خالد:روعة ،بس صاحبتها بقي
انا:مالها بقي صاحبتها
خالد:زي القمر
ابتسمت ووديت وشي الناحية التانية
صحي سيف بعد ساعة
-اية ياجماعة الدوشة اللي عاملنها دي
حاتم:اية انت النوم دة كله
سيف:هو العيب فيا ،ولا في اللي عامل الرحلة الساعة 6 الصبح..هنروح نبيع لبن
قاسم:مش ملاحظين حاجة ياجماعة
كلهم بلهفة:اية!!!
قاسم:خالد راكب معانا النهاردة ،مش زي كل مرة بيجي بعربيته
خالد:اااا،عادي ياجماعة ،قلت اغير
قاسم:انت غيرت كتير اوي ياخالد
[ندعوك للتسجيل في المنتدى أو التعريف بنفسك لمعاينة هذه الصورة]وصلنا اليكس
رحنا متحف محمد علي للمجوهرات
كل البنات كانو منبهرين بالحاجات اوي
قاسم:مش عاوزكم تبصوا كتير،مفيش شبك جاية كدة هههههههه
خالد:لالا ياقاسم،فيه ناس المتحف كله قليل عليهم
وبصلي كدة
فرحت اوي ساعتها
قضينا الوقت مابين المتحف والقلعة
ضحكنا وهرجنا كتير،بس مش عارفة لية خالد متغير حاسة انه بيضحك بس جواه حاجة مش فاهماها ولا حد فاهمها
رحنا المنتزه بعد الظهر
[ندعوك للتسجيل في المنتدى أو التعريف بنفسك لمعاينة هذه الصورة]كان قاسم وحاتم راحوا يجيبوا بوكسات كنتاكي للغدا
طبعا البنات كلهم كانو متجمعين حوالين خالد
وكلهم عمالين يهظروا ويضحكوا
هو كمان كان عمال يضحك ويهظر بزيادة
بس بجد المرة دي غرت اوي
كان نفسي اخده منهم ويبقي ليا انا بس
قاطعت نهي تفكيري:ثواني وجايالك
لقيتها راحة ناحية دايرة خالد
نهي:هاي ياخالد
خالد:هاي يا نهي،جيتي فوقتك والله ،تعالي عاوزك
قعدوا يتكلموا ويهمسوا لبعض شوية
الصوت كان واطي اوي ومعرفتش اسمع حاجة
شوية وجت نهي
نهي:ماتيجي نتمشي علي البحر شوية لحد ما قاسم ييجي
انا باستغراب :يلا بينا
دقتين بالظبط وخالد شرف
خالد:ممكن اتمشي معاكم شوية يابنات
انا:ااااا
قاطعتني نهي بسرعة:طبعا طبعا اتفضل ياخالد
كنت مش حابة الموقف دة،بس محبتش اكون بايخة *دة نهي دي بدبس في حاجات ،ياخرااابي"
قعدوا يرغوا هما الاتنين
طبعا كنت غيرانة شوية،بس كنت فرحانه علشان نهي شغالة استفسار عنه
خالد: وانتي بقي يانونة بتأخدي السنة بكام
نهي:لا متعدش هههههههههه،انت صحيح عندك كام سنة ياخالد
خالد:بدون ضحك
نهي:هههههه لا متخافش
خالد:انا 24 وداخل في 25
نهي:اها ،كويس ..بس سقط كتير لية كدة
خالد:مش كتير ولا حاجة ،بس كنت مشغول مع بابا في الشغل الاول فمكنتش مهتم بالكلية
نهي :ااه
خالد:اية ياريم انتي اخرسيتي ولا اية،ماتنطقي اي حاجة
انا:بسمعكم
حس خالد اني مضايقة من رغيهم هما الاتنين
فحاول يلطف الجو شوية
خالد:وانتي بقي كام سنة يا رورو
انا:رورو!!،هقولكم بس بدون تريقة
خالد:هههههههه لا متخافيش
انا:18 وداخلة في 19
خالد بابتسامة جميلة:صغنونة اوي
رديت بنكسة كدة:اة ،للاسف
خالد:بس عقلك كبير اوي اوي اوي
[ندعوك للتسجيل في المنتدى أو التعريف بنفسك لمعاينة هذه الصورة]جه قاسم وبدأنا الغدا ،بدأت الافيشات والضحك بين الولاد والبنات
[ندعوك للتسجيل في المنتدى أو التعريف بنفسك لمعاينة هذه الصورة]الشباب يخطفوا الفراخ من البنات،والبنات يشدوها
جت شروق عليا وشايلة سلطة الكولسلو
شروق:اية دة ياريم
انا:دة كولسلوا ياشروق
شروق:يعني اية
انا:دي سلطة كرنب باللبن والجزر وحاجات تانية كدة
شروق:كرنب!!..،ما طول عمرنا بنحشي الكرنب عشنا وشفناه سلطة
ياسر:خلاص متصدعيناش ،الله يخربيتك ياقاسم
المناظر دي تجبلها فحلين بصل مش كولسلوا
شروق بعصبية:قصدك اية ياوله
ياسر:ههههههههههه وله ههههههههههههه
خلصنا غدا وعملنا دايرة علي الارض
قعدنا نغني ونهيص
وفجأة لقيت البنات قاموا يرقصوا
بصتلهم باستغراب اوي واللي زادني دهشة لما نهي هي كمان قامت ترقص معاهم
شروق:يفضحكم منك ليها،اخزي يابت منك ليها
بت يانهي اخزي يابت وتعالي اقعدي،والله لاانا قايله للمشرفة
ياسر:ليكي في الdance ياشروق ههههههههههههههههههههههههههههههههههههه
شروق:نعم ياحبيبي
ياسر:سدي سدي
جه خالد قعد جنبي مكان نهي،حاولت ابعد شوية بشوية من غير مايلاحظ
لقيت خالد عمال يبصلي بصة غريبة اوي،بجد مفهمتهاش
شوية وقالي بسخرية كدة:ما تقومي ياريم
انا:اقوم اية!!!
خالد:قومي خديلك جولة مع صحابك انتي راخرة
بصيتله بغضب كدة:انا مش منهم يا استاذ خالد
ابتسم ليا وقالي:جدعة ياريم
استمر الضحك ما بينا
[center]حس قاسم ان الجو قلب غم شوية
قاسم:كفاية كدة يابنات،يلا علشان نلحق نلعب صراحة
يسرا:بجد انت تحفة يا قاسم،يخربيت افكارك
بدأنا اللعب
قاسم:يلا يسرا تسأل شروق
يسرا:بقالك كتير في الجامعة،لية مش بتتغيري ابدا
شروق:اتغير ازاي يعني ،اقوم ارقص واتمسخر هو دة التغيير
يسرا:لا مش قصدي،قصدي لبسك وتصرفاتك وكدة
عامر:صح يا يسرا عندك حق والله،شروق لو اتغيرت تبقي قمر
حسيت ان الكلام رن فودان شروق ،وبدأت تفكر فيه
قعدت تايهة بعده كتير اوي
قاسم:يلا ياجماعة يسرا برضه تسأل خالد
يسرا:قولي ياخلودة،لو قالولك تهدي اغنية لحبيبتك المجهولة "اللي هموت واعرفها"،تهدلها اية
خالد:ههههههههه ان شاء الله بكرة تعرفيها
يسرا:يارب ،ها تهدلها اية بقي
خالد:اهدلها اغنية عبدالحليم
مغرور تعرفيها
يسرا:بتقول اية الاغنية
خالد:
مغرور حبيبي كثير عايز أكلمه عايز أقول له كلام يهديه يفهمه
ما رضيش يسمعني مغرور مارضيش يفهمني مغرور
حسيبه للأيام وهي تعلمه
سيبه يا قلبي يخاصمك سيبه بكره الشوق يناديه ويجيبه
تترجى مين وهو مش سامع كلامك
وتقول لمين وهو مش فاهم غرامك
يسرا :الله ع الرومانسية
واتجهت بنظرها ليا
يسرا:ها ياريم وانت تهديله اية
اتاخدت كدة وحاولت مبينش شيء:هو مين دة
يسرا بسخرية:حبيبك
سكت عن الرد شوية وحاولت استجمع قوتي:انا بحب اغنية خايف بتاعة عبدالحليم
اللي هيا
خايف مره احب وعارف ليه انا قلبي خايـــــــــــــــــــــف
شفت الحب بيبكي ويحلم ملو عيون وشفايـــــــــــــــــف
بس لو الاقي اللي احبه واللي قلبي يروح لقلبـــــــــــــــه
واللي ترتاح روحي جنبه يومها عمري ما ابقى خايـــــف
يسرا:حلوة،بس انا مسألتكيش بتحبي اية
انا بقولك تهديله اية
احرجت جدا ومعرفتش ارد
حسيت ان خالد لاحظ كدة
بص ليسرا بغضب وعصبية:في اية يايسرا ،ماتهدي عليها شوية
هي حرة مش تدققي كدة فكل حاجة
يسرا ببرود مستفز:طيب يا استاذ خالد
حسيت ان الموضوع بقي مكشوف اوي
ومنظري بقي يقرف
حاول قاسم تهدية الموقف:اهدوا شوية ياجماعة،ها يانهي اسألي سيف
نهي:ها ياسيفو ،مين الشخصية اللي عجبتك في الجامعة
سيف:ريم
العيون كلها بصت في اتجاهي مرة واحدة،كمان يسرا بصت لخالد بصة مستفزة كأنها مستهتره من موقفه
وانه مش قادر يقول حاجة
قطعت نهي السكوت المفاجيء بخفة شوية:اشمعني ريم بقي
سيف:علشان مختلفة
اتحطيت ساعتها في موقف لا احسد عليه
مبقتش عارفة احاول اهدّي من غضب خالد بنظرة او اي تلميحة بالكلام
ولا اشكر التاني اللي عمال يمدح فيا من الصبح
واضطريت اقول لسيف:ميرسي ياسيف دة بس من ذوقك انت احسن
وش خالد ضرب ميت لون ،والغضب اتجمع في نظراته
والله خفت منه اليوم دة بجد،حسيت انه هيقوم ياخدني قلمين
وقلت فنفسي"دة انت غيور وسريع الغضب اوي ..،بس والله زي السكر علي قلبي"
[ندعوك للتسجيل في المنتدى أو التعريف بنفسك لمعاينة هذه الصورة] نهينا اللعبة بسرعة
وروحنا علي الملاهي
خالد كان مزاجه وحش اوي ،ومقريف طول الوقت
مش راضي يلعب اي لعبة
كنت حاسة اني السبب بجد،كل شوية اقول لنفسي اروح اقوله اي حاجة علشان ميبقاش مضايق اوي كدة
بعدين ارجع في قراري في اخر لحظة
واقول كدة ههزأ نفسي اوي
المهم لعبنا كذا لعبة ،لحد ما جت لعبة ،لازم اتنين بس يركبوا مع بعض
جريوا البنات جري علي خالد كل واحدة بتصارع علشان تركب معاه
نادين:انا اللي هركب معاه
ضحي:لا انا
ياسمين:لا انتي ولا هيا انا
وهكذا
قاطعهم خالد بكلمته:ولا واحدة فيكم،معلش انا مش هقدر العب تعبان ودايخ بجد
روحوا انتم استمتعوا بوقتكم
دورت علي اي حد اركب معاه من البنات
مفيش
كل واحدة اخدتلها واحد وانطلقت
حتي شروق
كان رايها" ان احنا جايين نتفك ومش فيها حاجة لو ركبنا مع حد"
لقيت سيف جاي ناحيتي
سيف:ريم،تعالي اركبي معايا
انا:متأسفة ياسيف مش هقدر اركب مع واحد لواحدنا
سيف:براحتك ياريم،باي
[ندعوك للتسجيل في المنتدى أو التعريف بنفسك لمعاينة هذه الصورة]ومشي سيف
كان خالد واقف جمبنا وسمع كل حاجة
كنت متوقعه انه يفرح او يبتسم
بس محصلش اي حاجة من دي
كان متغير اوي ساعتها
قعدت واقفة مستنية صحابي يخلصوا
راح خالد وقعد بعيد عني شوية
كان عمال يبصلي بيأس كده
بجد كنت مضايقة من نفسي اوي
فجأة جم اتنين شباب شكلهم صيع اوي
قعدوا يعاكسوني
الاول:اية ياجميل لو مجاش انا موجود
التاني:حد يسيب القمر دة برضه دة حمار
ما ردتش عليهم ومشيت من مكاني
جم ورايا برضه
لقيت الاول بيشدني من الطرحة
التفت بغضب وصرخت فيه:انت حيوان،ماتحترم نفسك
لقيت خالد جاي جري عليا
والغضب ملاه علي الاخر
خالد:انت بتمد ايدك عليها ياحيوان
هوب........ وابتدي الضرب
بجد محدش قدر يوقفه
ضربهم جامد اوي
ولكن اتحدوا الاتين عليه
وجرحوه في جبهته
اتجمع الناس وفضوا الخناقة
لقيت الدم عمال ينزل من وشه الجميل
مستحملتش وجريت جري عليه
والدموع مليا عيوني علي الاخر
اتلخبط ومعرفتش اعمل اية قدامه وهو عمال يتألم كدة
افتكرت ان معايا بيرفيوم في شنطتي
طلعته وبليته في منديل
وحطيته علي جرحه وايدي بتترعش
والخوف علي الاخر
لقيته بيهديني وهو بيتألم:متخافيش ياريم ،عادي محصلش حاجة
رديت بلوم ليه:مخافش اية بس ياخالد مش شايف الجرح
انت اية بس اللي خلاك تعمل كدة ،عجبك اللي حصل يعني
حسيت ان خالد الألم راح منه مرة واحدة وبصلي بغضب اوي:انتي مش عارفة عملت كدة لية ياريم
سكت ومقدرتش ارد
حاول يمسك اعصابه شوية
وقالي:علشانك ياريم
انا:علشاني !!!؟؟...
رجع للغضب تاني:ايوة علشانك ،علشان بحبك ياريم
وقعت عليا الكلمة كالصاعقة ،علي قد ما بتفرح الكلمة دي
علي قد ما رهبتني وخوفتني اوي
وشي جاب ميت لون ،سحبت نفسي بهدوء
ومشيت وانا لافة وشي ليه وعماله ابصله
لقيته جه ورايا وحاول يكلم بهدوء:ريم مردتيش عليا
شفت ف عيونه نظرة حماس ولهفة لسماع رد جميل
لكن ساعتها كلام ياسمين وشريفة وكل كلمة سمعتها عنه قعدوا يترددوا في دماغي
استجمعت قوتي ورديت عليه بعنف:بتحبني!!،انت بتضحك عليا ولا علي نفسك
انت عمرك ما حبيت ولا هتحب
انت بتحب تجمع البنات حواليك وبس
واتفاجئ خالد من رد فعلى
- كل اللي عملته علشانك دة وتقولي مبحبكيش
امال اية ياريم ،فهميني بعمل كل دة لية
زادت قوتي اكتر:انت بتعمل كل دة علشان تحاول تضمني لقايمتك..........،للدايرة اللي كل اللي يخشها يتحرق
يبقي مجرد لعبة وبس.....،يتهان ويداس علي كرامته وسمعته بالجزمة،
"حاولت استجماع انفاسي وكملت الرد"
فاكرني هبقي زي اللي بتعرفهم
\لا..... لا ياخالد، اناعمري ما هدخلها ابدا
شدني خالد من دراعي بعنف
ورد عليا بغضب اوي:انتي ازاي تقارني نفسك بيهم
دول عمري مافكرت فيهم
عمري ما حبتهم للحظة ولا وعدت واحدة فيهم بحاجة
لكن انتي لا..... ،انا حبيتك انتي ،واخترتك تكوني الانسانة اللي ارتبط بيها لاخر عمري
اللي أأمن علي نفسي وسمعتي معاها
اوعي تفتكري ياريم للحظة اني بضحك علي حد فيهم،ولاكانوا ضحايا
لا ياريم ........كل واحدة بتبقي جاية عارفة هي عايزة اية ومنظرة علي اية
اللي بتيجي طمعانه في فلوس وعايزة هدايا ،واللي بهراها وسامتي وشكلي
واللي شايفاني عريس لقطة
لكن عُمر ما واحدة فيهم حبتني بجد
عمر ما واحدة حبت خالد لنفسه مش علشان عربيته وفلوسه وشكله
سكت للحظات
واستكمل حديثه:لكن انتي غيرهم ياريم
انتي مختلفة ،الحاجات اللي فيا ماأغرتكيش زيهم
ولا سايبه نفسك لكل واحد شوية
اللي يمسك ايدك واللي تخرجي معاه
يعني زي ماشفت
مقومتيش رقصتي زيهم
ولا ركبتي مع حد لواحدك
بعد دة كله بقي
مش عاوزاني احبك.
مقدرتش اتحكم في نفسي ولقيت دموعي بتنزل لواحدها
رديت بصوت محتقن:يعني بتحبني بجد ياخالد
-انا عمري ما حبيت حد غيرك ياريم
سكت برهة
انا عارف ان فيا حاجات كتير غلط
بس والله حتغير علشان
ومعدتش هكلم بنات خالص
وحاعمل كل اللي انتي عاوزاه
استمرت دموعي في النزول
وبمنتهي الحنان
رفع دقني بايده
وهمسلي
-اوعي اشوف الدموع دي تاني،دي غالية عندي اوي
ولأول مرة يبتسم قلبي قبل وجهي
كمان خالد اترسمت علي شفتيه ابتسامة جميلة ومريحة اوي
[ندعوك للتسجيل في المنتدى أو التعريف بنفسك لمعاينة هذه الصورة] بعد لحظة لقيت الجروب جاي علينا
يسرا بفزع:اية دة اية اللي عورك كدة ياخالد،فيه اية ياقلبي
خالد:مفيش اتخبط بس
مش يلا بقي ياجماعة
قاسم:اة والله عندك حق ،الوقت اتأخر
اتجمعنا كلنا عند الاتوبيس
طلعنا
اصر خالد انه يقعد جنبي
خالد:يلا يانهي بقي سكة
وشاور لحاتم ،"فهمها حاتم"
حاتم:تعالي يانهي
نهي ردت بضيق:لية ان شاء الله
وقعدت تخبط بايدها علي كتفي:انتي ياحاجة ،انت يابنتي ،الخطة
لكن مين عملت نفسي لا شايفاها ولا سامعاها
الجروب كله كان بيبص علينا
بنظرة استغراب وايقان ان فيه حاجة حصلت
بس مش عارفنها
كل دة بقي مكنش هامم خالد في حاجة
كل اللي بيعمله
انه يبصلي ويبتسم اوي
ساد الهدوء علي الاتوبيس
وشغلوا موسيقي هادي
وكل واحد قاعد مهدود من الرحلة
استرخي خالد علي الكرسي
وبدأ يدندن بصوت عالي
امانه عليك يا ليل طول وهات العمر من الاول
بحب جديد وقلبي سعيد ياريتني عشقت عن اول
امانه امانه امانه امانه
امانه ياليلي يا ليلي
وبدأ الاتوبيس كله يردد مع خالد الاغنية
حسيت ان كل الدنيا بتغني معانا وكل الدنيا فرحانه لفرحي
فضل خالد طول الرحلة يهمس معايا ويتكلم
يسمعني اغاني شوية ،ويستفسر عني حبة
ولأول مرة احس بالامان الشديد وانا قاعدة جمبه
بحس بأنفاسه ،واشم ريحة عطره الجميل
واتمنيت ان الليلة متنتهيش
.............
[ندعوك للتسجيل في المنتدى أو التعريف بنفسك لمعاينة هذه الصورة] خلصت الرحلة ووصلنا البلد
كانت حوالي الساعة 3 الفجر
خالد:انا حا اوصل ريم وصحابها علشان الوقت متأخر اوي
قاسم:ماشي
لقيت خالد بيفتح لي باب العربية الامامي
-اتفضلي ياقمر
حاتم:اية دة ياعم انت!!... امال انا هركب فين؟؟
خالد:اركب ورا ياحاتم العربية واسعة
حاتم:من اول يوم كدة تبيع ،ماشي ياخالد
ركبنا العربية
طبعا نهي قعدة تنفخ من عمايلي
وانا قاعدة مش بصة غير علي خالد وبس
كنت فرحانه اوي
شعور غريب وانا راكبة عربيته
حسيت ساعتها انه بتاعي انا بس
ملكي لوحدي
وصلنا بيت الطالبات
طلعنا كلنا
دخلت نهي ورايا
نهي بغضب:تقدري تفهميني اية اللي هببتيه النهاردة دة
مردتش عليها
مكنتش سامعاها اصلا
انا عمالة ارقص واغني في الاوضه
"بحب جديد وقلبي سعيد ياريتني عشقت عم لاول"
نهي:اقعدي مترديش ،ع العموم انتي حرة اتفلقي
بوظتي الخطة بهبلك
خرجت نهي زعلانه
وانا لا قادرة اروح اصالحها ولا شيء
مش قادره غير اني افكر في خلودة وبس
نمت وانا مش حاسة بالدنيا
اول مرة انام وانا مرتاحة ،والصراعات اللي جوايا انتهت
واتمنيت اني احلم بيه
موضوع: عفوا لا تخلعو عنى ردائي 
الإثنين نوفمبر 15, 2010 5:47 pm
