عايزين نرجح التكليف نطور فى الكلية

[r]عايزين نطور في الكلية ونشارك بايجابية

اكيد كلنا بنقول كلية تربية ..ودخلناها وخلاص واهه بنذاكر عشان ننجح او مافيش توظيف ...........
حط قدامك حاجتين ربنا سبحانه وتعالي وبلدك وليكن شعارنا ارفع راسك انت مصري
...
......انا في دماغي شوية مقترحات بسيطة كده علي قدي واحب تشاركم ونتناقش مناقشة فعالة بس ياريت بعيدة عن جو الاحباط ....
ــــــــــــــــــــــــــ

** ايه رايكم كل دفعة كده تعمل مناقشة وتكتب الحاجات اللي عوزينها ونقدمها للعميد بكل احترام واسلوب كويس
.............
يعني مثلا في قاعات كتير اوي مش بنسمع الدكاترة فيها كويس نزودها بالميركوفونات
...............
** يكون ترشيح اتحاد الطلبة بناءا ع الطلبة انا معرفش هو نظامه ايه صراحة بس بشوف تجمعات ومعرفش يا تري بيتناقشوا في ايه ؟؟؟؟ ولا ناوين يعملولنا ايه ؟؟؟؟؟
................
** نتفاعل في الكلية يعني منرميش ورق هي بيتنا برده يا جماعة جو الكانزات والشيبسي و العامل يمشي يلم ورانا والله ما هو اسلوب حضاري ؟؟ كتير يقول ما هي دي وظيفتهم ؟؟ بس معلش نكون نضاف ونرمى فى صندوق المحترمه
.................
** كتير اوي بيتكلم عن الكلية اكيد كلنا عرفينه او بنسمعه ع الاقل ليه منغيرش النظرة دي
في كليات خلاص قرروا وناوين يبداو في التنفيذ اخر حاجة سمعتها ناوين يدهنو أجزاء في الكلية علم مصر وماشاء الله في ناس هتنوي الحضور
.................
**خطوه تخص اكتر اقسام اللغات زى انجليزى وفرنساوى وهو حق الاقسام دى ان ينزلها كورسات تبع الكليه وده اقل حق ليهم حتى المتخرجين كمان من حقهم يبقى ليهم كورسات باسعار رمزيه من الكليه لانهم اتخرخو منها
................

**فيه كمان نقطه مهمه جدا وحابه انى اتكلم فيها لان فيها اهم حق من حقوقنا واللى اتحرمت منه دفع كتير ... ولو موقفناش وطالبنا بيه هيضيع مننا زى مضاع من اللى قبلنا
ليييييه التكلييف اتلغى؟؟؟؟؟ وليه منرجعوش تااااااااانى؟؟؟؟؟
حد يقدر يقوللى مصير كل اللى هيتخرجو من كليات تربيه ايه؟... هنشتغل فى ايه وخصوصا ان دراستنا مجالها الوحيد التدريس؟... ولا هناخد الشهاده ونبروزها؟.... طيب البنات هتقعد فى البيت مااااااااشى... طيب والولاد؟
اللى هيلاقى نفسه بيدى درس لعيلين تلاته ..لو لقاهم ياعنى... واللى ممكن يشتغل مندوب مبيعات..و..و...وبردو محدش هيلاقى شغل فى تخصصه
واللى مش مصدق كلامى يروح يسال اللى اتخرجو

**ياجماعه البلد فى ثورة تغير ... ومش كل يوم هنعمل ثورة عشان نتغير وناخد حقنا وزى مهناخده .. بردو هنعمل

اللى علينا... والخبر ده كان نازل فى شهر 12 /2010 بيتكلم عن فكرة رجوع التكليف
http://www.sharkiaonline.com/Article.asp?ArtID=13677&Sub=6&Sec=4
وده كمان خبر نائب بيطالب بعودة التكليف فى ابريل2010
http://www.shorouknews.com/ContentData.aspx?id=206824
وده خبير فى التعليم بيطلب عودة التكليف لانه اهم شىء لمعلم وده كان فى 2008
http://www.almasry-alyoum.com/article2.aspx?ArticleID=110232&IssueID=1079
وده كمان مقال كان نازل فى روز اليوسف فى يوليو 2010 بيتكلم عن اهميه رجوع التكليف
http://www.rosaonline.net/Daily/News.asp?id=71637

وكل ده واحنا واقفين بنتفرج ورافعين ادينا ... مستنين لما حد يرسملنا مستقبلنا
ونسين اهم حاجه (ان الله لايغير ما بقوم حتى يغيرو ما بانفسهم).. ياعنى لزم نبقى ايجابين ونغير من نفسنا ..
لو احنا عايزين حقنا بجد... نطلب رجوع التكليف
وان كل الكلام والحوارات دى تتحول لقرارات والافعال
..................
**طبعا الموضوع صعب ان يكون حدود الطلب فيه هنا وبس لزم يكون مطلب اساسى لجميع كليات التربيه
بس لو اى حد اقتنع بكلامى ... بطلب منه حاجه واحده .. انه ينشر الموضوع وبقوه .. سواء بين اصحابه او زمايله او دفعته ... ونوصله كمان لباقى كليات تربيه على مستوى مصر كلها.. والفيس بوك هيسهل الموضوع ده جدا
سواء عن طريق صفح الكليات او جروبتها ... عايزين رجوع التكليف يكون مطلب جماعى لينا .. ولو الموضوع انتشر بايجابيه نعمل حمله على الفيس بوك..... ومتنسوش ان الثورة طلعت من الفيس بوك برده يعني مش حاجة بسيطة

حملة طلاب تربية المنصورة لتطوير وعودة التكليف
https://www.facebook.com/pages/%D8%AD%D9%85%D9%84%D8%A9-%D8%B7%D9%84%D8%A7%D8%A8-%D8%AA%D8%B1%D8%A8%D9%8A%D8%A9-%D8%A7%D9%84%D9%85%D9%86%D8%B5%D9%88%D8%B1%D8%A9-%D9%84%D8%AA%D8%B7%D9%88%D9%8A%D8%B1-%D9%88%D8%B9%D9%88%D8%AF%D8%A9-%D8%A7%D9%84%D8%AA%D9%83%D9%84%D9%8A%D9%81/206742312674553

وهكررها تانى

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

آسفة علي الاطالة بس اتمني مشاركتكم

وارفع راااااااسك انت مصري

[/center]

شكرااا للمجهود

وبجد افكار جميله
بس ينقصها التفاعل
وربنا يوفقنا للافضل

زائر

بجد لو فى تفاعل بينا وبين بعض
اكيد هنغير
مستنين دخول باقى الاعضاء

تسلم أفكاركـ
يارب يكون فى تفاعل

بجد فكرة الجامدة

بجد أفكارك كلها جميلة يا نونا
واكيد معاكى فى الاحسن ان شاء الله
بس فعلا اهم حاجة التفاعل من كل الطـلاب..

تسلمى

انا معاكم فى اقراح هتعمولة وعاوزين تنفذوة

وانا على استعداد انى اقدم كل الطلبات بنفسى

للدكتور \ ابراهيم شعير

وهوا مش هيرفض
لانة انساااااااااااااااااااااااان قمة الاحترام والذووووق

هههههههههههههه انا كنت ناوية فعلا اكتبه علي المنتدي بعد ما كتبته علي الفيس يلا وفرتي عليا ربنا يوفقك والافكار اللي انتي زودتيها كويسة **وارفع راسك انت مصري ** عايزين نرجح التكليف نطور فى الكلية 815665

عايزين نرجح التكليف نطور فى الكلية 815665

افكار حلوه فعلا

ميرسى يا قمر

كلامك جميل يا نونا
وانا بأيدك
وياريت طلبة الكلية كلها
يكون عندهم استعداد للتفاعل معانا

طبعا ميرسى لكل حد دخل
بس بصراحه
احبطووووووووونى
انا ياجماعه مش منزلاه عشان نقول فكرة حلوه
ويارب نتفاعل
طيب قدام يارب نتفاعل ليه منتفعلشى من دلوقتى
اللى متعرفهوش يا جماعه ان القرار بتاع التكليف فعلا موجود
وعلى الامضه بس .. ومركون بقاله سنين
والقرار ده لو الطبفق هيشمل دفعه كمان قبلينا مش الدفعه اللى هتتخرج السنه دى
الموضوع كله هيتحقق لو احنا قدرنا نعمل حاجه نحرك بيها القرار ده
لييييه روح الاستسلام دى ... وكل واحد يقول استنى غير لما يعمل
ياجماعه ده حقكم ... حتى لو وصل الموضوع اننا نعمل مظاهره
رغم انى مش حابه الخطوه دى
بس دلوقتى اللى شيفاه
ان لما بتوع هندسه بترول اللى مكنوش اتعينو عملوها وكلهم نزل ليهم قرارات تعين
يبقى كمان احنا نرجع حقنا
.......
واللى متعرفهوش كمان ان فيه ميزانيه بتنزل لكل قسم فى الكليه
ياعنى مثلا اقسام زى انجليزى وفرنساوى
كان مفروض من ضمن الميزانيه ان بيبقى ليهم كورسات مجانيه
ومحدش يقوللى ده كلام واشاعات ومعرفشى ايه...
لان ببساطه روحو شوفو اقسام اداب
ياعنى مثلا اللى اعرفهم فى اداب فرنسى
كانت بتنزلهم كورسات تبع الكليه وكان اللى بيشرحلهم مدربين فرنسين
ومجاااااااااااااااانيه
واللى يفرس بقى كانو بيجو يخدوها فى مدرجات تربيه
.........
احنااااااااا بقى فيييين من كل ده؟؟؟؟؟؟
فيين حقناااااا دلوووووقتى
وفين حقنااااا بعددددين؟؟؟؟؟؟؟؟؟

ميرسى جدا يا سمسم على الخطوه دى
وياريت تعرف بيها كل الولاد
لان صدقنى دى فى مصلحتكم اكتر من البنات
لانكم محتاجين الشغل اكتر مننا
..........
انا بصراحه الفكره لسه جياللى امبارح فنا لسه مشتته
بس الحمدلله لسه جوايا حماااس ملهوش نهايه
وياريت يبقى جونا كلنا .. لان ده اللى هيخلينا فعلا نتغير
.......
هقولكم على الافكار اللى عندى
وكل واحد عنده فكره يقولها

1)ان فكرة التكليف ننشرها بقوه على النت عايزين نوصلها لجميع كليات التربيه فى مصر كلها
وده مش صعب ... لاننا هننشر الفكره على جميع المنتديات الخاصه بلمنصورة وجميع المنتديات الخاصه بجامعات مصر وخاصتنا كليات التربيه

2)الفيس بوووووك وده اهم من المنتديات كمان ... اكيد كلنا عندنا اكونت عليه هنطرح الموضوع ... فى كل صفحه وكل جروب خاص بكليات التربيه فى مصر
عايزين نوصل الفكره لكل طالب فى كليه تربيه
عايزينه مطلب جماعى عشان الضغط يبقى اكبر.. لانه مش قرار كليه ده قرار وزير
ياعنى الموضوع مش على قد كليتنا وبس

3)حمله على الفيس بوك هنطالب فيها برجوع التكليف .. بس ممكن دى ناخرها شويه لحد ما ننشر الموضوع اكتر على النت... وبعدها هننشر الحمله

4)دى بقى هتبقى خاصه بكليتنا وحقوقنا فيها...رغم انى فى سنه رابعه ومش باقى ليه غير شهور.. بس والله لو باقى ليه حتى ايام .. هطلبها بردو .. حتى لو مش ليه هتبقى للى بعدى
والحقوق دى مش هتبقى لينا وبس لاء وعلينا كمااااان
زى مقولتها فى التوبيك فوق
بلنسبه بقى لحقوقنا فى الكليه دى هتبقى من خلال كل واحد فى كل قسم يدخل يقول ايه اللى القسم بتاعه محتاجه ... زى منا فى قسم فرنسى قولت انى محتاجه كورسات فى اللغه

كل حد فى كل قسم يدخل يقول قسمه ناقصه ايه
وعايزين نجمع طلبتنا دى ونقدمها لعميد
وهنا بقى محتاجين الاتحاد لانه هو اللى على اتصال بادارة الكليه
انا عارفه انه اتحل
بس اللى اعرفه بردو انه هيفضل يمارس دوره لحد ما ينتخب اتحاد جديد

انا حاليا هبدء انشر الموضوع فى كل مكان على النت لمنصوره وفى كل صفحه تخص اى كليه تربيه
مش عايزه اشتغل لواحدى ... عايزه كلنا نشتغل مع بعض
عايزين ننجز الموضوع ده فى اقل وقت

يااااااااريت اللى عنده افكار يقول يا جماعه

زائر

خلاص ياقمر انا بقولك شوفوا اى حاجه وانا معاكوا والله
يعنى انا موافقه على اى قرار تقولوه
يعنى لو عايزن نروح لحد من الكليه ان معاكوا
وواثقه ان كلنا هنشارك
بس قولى الفكره
واكيد الكل هيتفق عليها

القرار الصح
كل دفعات سنة رابعة السنة دى يكتبوا الطلب دة وناس من الدفعة يمضوا علية مش لازم كل الدفعة

علشان نقدر نتكلم بوجة حق لو قدمنا الطلب للعميد
او للى اعلى فى المنصب الادارى

وممكن نبعتة بالبريد كمان للوزارة
او نودية
المبنى الادارى لوزارة التعليم بالمنصورة
وانا مستعد اسلم الطلبات بنفسى لوكيل الوزارة الموجود فى المنصورة
المهم ناخد خطوة
نبدا
كفااااااية كلالالالالالالالالالالالالالالالالالالالام

بجد يا نونـا انا كنت مستنيه الكلام ده من زمان اوى اوى

انا مثلا عند اختى فى كليه هندسه خلاص هى وكل افراد شعبتها لانهم متواصلين مع بعض نت وفيس قرروا انهم يناقشوا كل الى هما عايزينوا وميسكتوش بعد كده عن حقهم

بس المشكله ان عدد طلاب تربيه الى بيدخلوا نت قليل اوى ده الى انا ملحظاه يعنى

وانتم ككبار عننا تعرفوا بعض بتكلموا بعض انما انا هتكلم عن شعبتى والله فى ناس متعرفش بعضها اصلا : (

بس عموما مش عارفه حسه ان الموضوع لو كان ع الفيس هيبقى احلى واسرع فى التنفيذ على اساس ان الكل هيبقى شايف ويقدر يشارك برأيه

بس بجد ربنا معانا ونقدر فعلا نخرج كليتنا من القوقعه الى هى فيها دى

انا مع كيوت جيرل

لية منعملشى صفحة او جروب على الفيس بوك بمطالبنا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟
؟

تمااااام يا سمسم
وهتتعمل فعلا
بس انا محتاجه الاهم دلوقتى..هى ان كلنا نكون ايجابين
ومتحمسين لفكره بجد
الدراسه لسه عليها يومين
من اول يوم فى الكليه كل واحد يشتغل مع الدفعه بتاعته
ويوصل الحوار لغيره
.......
https://www.facebook.com/pages/msr-almnswrt/shb-trbyh-frnsy-jamh-almnswrh-ab/160317217313891
والصفحه دى انا كنت عملها من5 شهور لقسم بتاعى
وبردو هى صفحه تابعه لكليه
هبدء بازن الله انشر من عليها طلبات القسم بتاعى
واى قسم ليه طلبات هنشرها عليه
وهدعم من عليها فكرة رجوع التكليف بشكل مؤقت
لحد مظبط شغل الفتوشوب اللى هيبقى خاص بلدعوه لحملة رجوع التكليف
وياريت اللى يقدر يعمل شغل كويس على الفتو شوب يساااااااعدنى
ياريت كلنا نشتغل كا جروب واحد
......
وانا حاليا بدور على كل جروبات وصفح الخاصه بكليات تربيه على الفيس بوك
وياريت تدورو معايا واللى يجيب حاجه ننزلها هنا
وكلنا ننشر فيها فكرة رجوع التكليف
لان لزم الطلب يبقى جماعى عشان الضغط يبقى اكبر
.........
بلنسبه لفكرتك يا سمسم.. اننا نحدد طلبات ونقدمها لعميد
انا معاااااك فيها جداااااا
وبازن الله مع اول يوم دراسه انا هبدء فيها مع دفعتى
وهعرفها لكل اللى اعرفهم فى اقسام التربيه
وحتى لو بعد كده نحدد معاد هنا
لكل طلاب تربيه
ويكون كنقاش مفتوح فيس تو فيس
لان زى ما كيوت بتقول فيه كتير فى تربيه
ملهمشى اى علاقه بلنت

.....
المهم فى اليومين الجاين هو اننا ننشر
نوصل الموضوع لتفكير كل واحد فى تربيه
نوصل الحماس والايجابيه لقلب كل واحد فى تربيه
لان هو ده الاساس فى كل حاجه هتتعمل بعد كده
لسه يومين قبل دراسه مهماش قليلين

الصفحه دى عملوها طلاب كلية تربيه اسكندريه
بيعرضو فيها طلابتها
الكل بيفوق يا جماعه
وبيتغير وبيدور على حقه
وحق بلده عليه
https://www.facebook.com/home.php?sk=group_150817214980069

انا معاكي يا نونا واتمني رجوع دكتور هشام علشان هو ده هايكون خير سند بعد ربنا سبحانه وتعالي ويا ريت نعمل ورقة فيها اسامي كل اللي عايز يشارك في حملة ارجاع الحقوق لاصحابها وانا من اول الناس اللي هاتكون مشاركة وبايحابية في الموضوع ده

والله من وراء القصد وهو يهدي الي سواء السبيل

ياريت كل قسم يا جماعه يبدء يرتب مطالبه
وكل دفعات القسم تمضى عليها
وانا كاطالبه فى قسم فرنسى
وبدرس للغه اهم مطلب ليا ان يبقى فيه كورسات مجانيه لطلاب من ميزانيه القسم اللى الله اعلم بيودوها فين... وكمان كورسات لخارجين القسم باسعار مخفضه او على هيئه منح لخرجين بتقديرات
ده حقنا يا جماعه
ومش بس فرنسى عايزين انجليزى(اساسى -عام) انتم كمان لغه وده حق اساسى لينا كاقسم لغه

عايزين نرجح التكليف نطور فى الكلية 183539_203488226330123_160317217313891_806446_4309980_n

ياريت كل قسم يبدء ينسق مع الدفع الاربعه بتوعه فى مطالب القسم
ومحدش يخاف ويقول الدكاتره هيطهدونا والكلام الفارغ ده
لان اكيد فى كل قسم على الاقل دكتور واحد محترم
وهما دول اللى هنطرح عليهم افكارنا فى تطوير القسم
.......
ومحدش ينسى اهم طلب التكليف لزم ننشره بقوه على الفيس بوك
وفى اقرب وقت اول ما يبقى فيه وزير
هنطرح طالبنا
ومش هنتنازل عنه ابداااااااااااااااااا

انا كمان معاكم في اي خطوة هتخدوها لان نفسي اتخرج الاقي شغل ومستقبل كويس ادامي
مرسيه يا جميل علي الفكرة دي وياريت فعلا يبدا التفاعل من الوقتي عشان نقدر نعمل حاجة

الفكره فعلا جميله يا نونا

وموضوع التكليف ده احنا بنسمع عنه من واحنا فى سنه اولى كليه
واما سالنا فى السكرتاريه قالولنا فعلا انه واقف على الامضاء بس
وفى برضه موضوع نسب التقدير اللى كليتنا اعلى فيه من باقى الكليات
المفروض ان نسب التقدير تبقى متساويه فى الجامعه كلها
وياريت الموضوع يبقى فعل اكتر منه كلام وننشر الافكار دى فى الكليه كلها

والله يا جماعه احنا مش لواحدنا
كل كليات التربيه بقت بدور على حقها
ودى تربيه اسكندريه
عملة صفحه على الفيس لانتفاضه بمطالبه الحقوق والتغير
https://www.facebook.com/pages/%D8%A3%D9%86%D8%AA%D9%81%D8%A7%D8%B6%D8%A9-%D9%83%D9%84%D9%8A%D8%A9-%D8%A7%D9%84%D8%AA%D8%B1%D8%A8%D9%8A%D8%A9-%D9%84%D9%84%D8%AA%D8%BA%D9%8A%D9%8A%D8%B1-%D9%84%D9%84%D8%A3%D9%81%D8%B6%D9%84/201013936582022?sk=wall

عايزين نتواصل معاهم وكل كليات تربيه تصر على طلب رجوع التكليف
ولو جونا ايمان بجد انه حقنا ومش هنسيبه
هنرجع التكليف ... بلزوق او بلعافيه

زائر

ياريت يا جماعه
يكون فى اتفاق فعلى منفضلش هنا نقول
هنعمل ونسوى
لا نقول
هنعمل كذا يوم كذا
وهنقدم كذا
كداا يعنى

مهو لاسف كل شويه الدراسه بتتاجل
زى ما يكونو خايفين يرجعونا الطلبه الجامعه
بس بازن الله المعاد هنقدر نحدده قريب اوى
ياعنى بازن الله الاسبوع الجاى هيكون متحدد
وبجد انا متفائله جدا
لان فيه اكتر من صفحه على الفيس دلوقتى
تبع كليات تربيه
وبتطلب بحقها وبلتغير
وانا بحاول انسق مع الادمن بتوعها انهم يبقى ليهم نفس طلبنا
وانهم يطالبو برجوع التكليف
واللى اعرفه ان تربيه اسكندريه حددت يوم لاحتجاج على نظام الكليه

» عودة التكليف لخريجي كليات التربية
» عايزين ترحيب جامد جدا جدا
» مش عايزين نسيب حقنا
» عايزين تعرفوا البنات هايفه فى ايه ؟
» لو عضوين اتخانقو هتقف مع مين ؟؟, عايزين دم بأه