عايزين نرجح التكليف نطور فى الكلية

تذكير بمساهمة فاتح الموضوع :

[r]عايزين نطور في الكلية ونشارك بايجابية

اكيد كلنا بنقول كلية تربية ..ودخلناها وخلاص واهه بنذاكر عشان ننجح او مافيش توظيف ...........
حط قدامك حاجتين ربنا سبحانه وتعالي وبلدك وليكن شعارنا ارفع راسك انت مصري
...
......انا في دماغي شوية مقترحات بسيطة كده علي قدي واحب تشاركم ونتناقش مناقشة فعالة بس ياريت بعيدة عن جو الاحباط ....
ــــــــــــــــــــــــــ

** ايه رايكم كل دفعة كده تعمل مناقشة وتكتب الحاجات اللي عوزينها ونقدمها للعميد بكل احترام واسلوب كويس
.............
يعني مثلا في قاعات كتير اوي مش بنسمع الدكاترة فيها كويس نزودها بالميركوفونات
...............
** يكون ترشيح اتحاد الطلبة بناءا ع الطلبة انا معرفش هو نظامه ايه صراحة بس بشوف تجمعات ومعرفش يا تري بيتناقشوا في ايه ؟؟؟؟ ولا ناوين يعملولنا ايه ؟؟؟؟؟
................
** نتفاعل في الكلية يعني منرميش ورق هي بيتنا برده يا جماعة جو الكانزات والشيبسي و العامل يمشي يلم ورانا والله ما هو اسلوب حضاري ؟؟ كتير يقول ما هي دي وظيفتهم ؟؟ بس معلش نكون نضاف ونرمى فى صندوق المحترمه
.................
** كتير اوي بيتكلم عن الكلية اكيد كلنا عرفينه او بنسمعه ع الاقل ليه منغيرش النظرة دي
في كليات خلاص قرروا وناوين يبداو في التنفيذ اخر حاجة سمعتها ناوين يدهنو أجزاء في الكلية علم مصر وماشاء الله في ناس هتنوي الحضور
.................
**خطوه تخص اكتر اقسام اللغات زى انجليزى وفرنساوى وهو حق الاقسام دى ان ينزلها كورسات تبع الكليه وده اقل حق ليهم حتى المتخرجين كمان من حقهم يبقى ليهم كورسات باسعار رمزيه من الكليه لانهم اتخرخو منها
................

**فيه كمان نقطه مهمه جدا وحابه انى اتكلم فيها لان فيها اهم حق من حقوقنا واللى اتحرمت منه دفع كتير ... ولو موقفناش وطالبنا بيه هيضيع مننا زى مضاع من اللى قبلنا
ليييييه التكلييف اتلغى؟؟؟؟؟ وليه منرجعوش تااااااااانى؟؟؟؟؟
حد يقدر يقوللى مصير كل اللى هيتخرجو من كليات تربيه ايه؟... هنشتغل فى ايه وخصوصا ان دراستنا مجالها الوحيد التدريس؟... ولا هناخد الشهاده ونبروزها؟.... طيب البنات هتقعد فى البيت مااااااااشى... طيب والولاد؟
اللى هيلاقى نفسه بيدى درس لعيلين تلاته ..لو لقاهم ياعنى... واللى ممكن يشتغل مندوب مبيعات..و..و...وبردو محدش هيلاقى شغل فى تخصصه
واللى مش مصدق كلامى يروح يسال اللى اتخرجو

**ياجماعه البلد فى ثورة تغير ... ومش كل يوم هنعمل ثورة عشان نتغير وناخد حقنا وزى مهناخده .. بردو هنعمل

اللى علينا... والخبر ده كان نازل فى شهر 12 /2010 بيتكلم عن فكرة رجوع التكليف
http://www.sharkiaonline.com/Article.asp?ArtID=13677&Sub=6&Sec=4
وده كمان خبر نائب بيطالب بعودة التكليف فى ابريل2010
http://www.shorouknews.com/ContentData.aspx?id=206824
وده خبير فى التعليم بيطلب عودة التكليف لانه اهم شىء لمعلم وده كان فى 2008
http://www.almasry-alyoum.com/article2.aspx?ArticleID=110232&IssueID=1079
وده كمان مقال كان نازل فى روز اليوسف فى يوليو 2010 بيتكلم عن اهميه رجوع التكليف
http://www.rosaonline.net/Daily/News.asp?id=71637

وكل ده واحنا واقفين بنتفرج ورافعين ادينا ... مستنين لما حد يرسملنا مستقبلنا
ونسين اهم حاجه (ان الله لايغير ما بقوم حتى يغيرو ما بانفسهم).. ياعنى لزم نبقى ايجابين ونغير من نفسنا ..
لو احنا عايزين حقنا بجد... نطلب رجوع التكليف
وان كل الكلام والحوارات دى تتحول لقرارات والافعال
..................
**طبعا الموضوع صعب ان يكون حدود الطلب فيه هنا وبس لزم يكون مطلب اساسى لجميع كليات التربيه
بس لو اى حد اقتنع بكلامى ... بطلب منه حاجه واحده .. انه ينشر الموضوع وبقوه .. سواء بين اصحابه او زمايله او دفعته ... ونوصله كمان لباقى كليات تربيه على مستوى مصر كلها.. والفيس بوك هيسهل الموضوع ده جدا
سواء عن طريق صفح الكليات او جروبتها ... عايزين رجوع التكليف يكون مطلب جماعى لينا .. ولو الموضوع انتشر بايجابيه نعمل حمله على الفيس بوك..... ومتنسوش ان الثورة طلعت من الفيس بوك برده يعني مش حاجة بسيطة

حملة طلاب تربية المنصورة لتطوير وعودة التكليف
https://www.facebook.com/pages/%D8%AD%D9%85%D9%84%D8%A9-%D8%B7%D9%84%D8%A7%D8%A8-%D8%AA%D8%B1%D8%A8%D9%8A%D8%A9-%D8%A7%D9%84%D9%85%D9%86%D8%B5%D9%88%D8%B1%D8%A9-%D9%84%D8%AA%D8%B7%D9%88%D9%8A%D8%B1-%D9%88%D8%B9%D9%88%D8%AF%D8%A9-%D8%A7%D9%84%D8%AA%D9%83%D9%84%D9%8A%D9%81/206742312674553

وهكررها تانى

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

آسفة علي الاطالة بس اتمني مشاركتكم

وارفع راااااااسك انت مصري

[/center]

زائر

يا جماعه ياريت الوقتى
كل اللى يتكتب
الطلبات
ورا بعضها بقى
عشان نقدر ننسقها

اووووك يا جماعه
بس يارريت بجد الكل يتابع الموضوع اكتر ويطرح افكارة على الحمله
عشان نقدر نجمع كل الافكار فى مكان واحد
.......
انا هنزل دلوقتى فكره على الحمله
وهى ايه الافكار اللى هنطبعها فى المنشور
لان اهم حاجه ان يكون مبدئها لمختصر المفيد
وان الطلبه كلهم يتجمعو فى مكان
لان التجمع ده هو اول خطوه صح هنبدء بيها فعلا نجمع بيها افكار
ونطلب بيها حقنا
......
انا هقول الافكار اللى عندى
على صفحه الحمله
ومستنيه رئى الكل
عشان بازن الله على الجمعه
عايزين نبدء كلنا طبع
لانى فيه خبر نزل فى الاهرام بياكد ان الجامعات هتبدء السبت

زائر

ياقمر
يايت اللى تنزليه على الفيس
تجيبيه هنا برده
يعنى عشان اللى مشهاش هناك يشوفها هنا
وبالنسبه للتجمع هيبقى اول يوم ولا ايه
؟؟
وامتى ان شاء الله وفين
كل دا عايزينه بقى واضح
معدش حاجه

ربنا يسهل
نفسى الموضوع دة يرجع
هتفرق كتيير بجد معانا

م
مكن اول يوم يبقى للى متابعين الحمله على الفيس والمنتدى
ونظم مع بعض ازاى ننشرها فى الكليه
ولو حد كان طبع حاجه يوريها لتانى
كاتنظيم ما بينا ياعنى
وانا بقترح اول سبت فى الدراسه
الساعة 12
قدام مبنى طرق التدريس المبنى الجديد
*********
وده اللى نزلته على الحمله
..........
ان شاء الله الدراسه احتمال كبير تبدء السبت .. فا محتاجين نظبط ايه اللى هننشرة على الورق اللى عليه لوجو الحمله... عيزين نقول فيه افكارنا باختصار.. لان الهدف من المنشور هو الدعايه لفكرة وانا الكل يكون على نفس الموقف وهو طلب حقنا... هقول الافكار اللى عندى لدعوه وياريت الكل يشارك عشان نبدء الجمعه نطبع بشكل نهائى
***********
الفقرة الاوللى: هى دعوة كل طلاب الكليه لمشاركة فى الحملة لرجوع حق خريجى الكلية فى التكليف بعد التخرج
والاصرار على هذا الحق.. ومطالبه العميد ودكاترة الكليه بتدعيم موقفنا ويطالبو معنا بحقنا فى رجوع قرار التكليف لخريجى كليات التربيه

الفقرة التانيه:هتخص معاد لتجمع جميع الاقسام فى مكان ووقت محدد ويكون كل قسم بدء فعلا يحدد افكار ليه
ومش شرط القسم كله .. حتى لو كل مجموعه تكون مفوضه من قسم وتكون المسؤله عن توصيل افكار القسم ده

الفقرة التالته:هى دعوه لتغير لجميع طلاب الكليه .. واننا نحافظ على المظهر الحضارى لكليه ونضافتها
لان هدفنا من الحمله مش بس نطالب بحقوقنا لكن كمان علينا حقوق لزم نعملها
**********
دى افكار باختصار هنعرضها فى المنشور المطبوع
لان مينفعشى نقول كل حاجه
ولان احنا مش تربيه كلها
احنا بس بننشر الفكرة وان يكون فيه معاد لتجمع ونبدء نشوف كلنا ايه اللى هيتعمل
*********
انا من رئى انه يبقى يوم السبت فى تالت اسبوع لدراسه
بحيث يكون المنشور لحق يطبع وينتشر
ومحتاجين فى المنشور كمان رقم موبيل
لاستعلام
*****
ده رئى وفكرتى ومحتاجه اشوف ايه افكاركم
عشان عايزين نحدد الشكل النهائى لمنشور
******
فياريت تحددو معايا المنشور بسرعه

انا هعمل دلوقتى مناسبه على بيدج الحمله
بمعاد وتجمع اول يوم
لمشاركين فى الحمله
ياريت تدخلو عليها وتبعتوها لكل زمايلكم

https://www.facebook.com/event.php?eid=207795142570655

دى المناسبة يا جماعه
اول سبت فى الدراسه ..12/3/2010 الساعة 12
هنتجمع فى الساحه الرياضيه قدام مكتب النشاط الرياضى
(لان المكان ده واسع ومتشاف اكتر..والكل بيقول يبقى مكان ظاهر)

دا شكل النسخة اللى انا طبعتها
عايزين نرجح التكليف نطور فى الكلية - صفحة 3 Ouuoou10

دا لينك الصورة

https://i.servimg.com/u/f68/15/68/24/81/ouuoou10.jpg

وحنان كمان لسة هتطبع حاجة تانية وهنشوف هنتفق على ايه من محتوى الورقتين

دا غير اننا لما نتناقش يوم السبت اكيد هنضيف حاجات تانية بس انا قلت احط

مجموعة المطالب اللى محدش هيختلف عليها

وبعدين نضيف الباقي

.....................................................

انما الورقة ناقصها حاجة حنان اشارت اليها ومحدش رد

احنا عايزين حد يتبرع برقم تليفونه هنكتبه فى الورقة

عشان لو حد من الكلية عايز ينضم لينا وعايز يعرف مكان او معاد التجمع

وميكونش معانا ع الفيس بوك ولا المنتدى

مش معقول يبقا معانا شباب ونخلى البنات هى اللى تحط ارقامها عايزين نرجح التكليف نطور فى الكلية - صفحة 3 434588

عايزين نرجح التكليف نطور فى الكلية - صفحة 3 434588

حتى لو حد هيجيب خط من ادام احمد امين ويبقا يرميه بعد ما الحملة تخلص عايزين نرجح التكليف نطور فى الكلية - صفحة 3 30905

شغل جميل جداااااا يا نوسا

انا معاكوا ف اى حاجة تعملوها وقلت دا قبل كدا

دا بيدج لسا معملول ممكن نشارك بردة من خلاله

واللى ميعرفش يعرف

وانا بستأذنكوا الاول انى انشر كل حاجة هنا فيه

وربنا يوفقنا يارب

متاح لينا كلنا اننا ننشر الموضوع باكبر قدر ممكن

حتى لو كانت المعلومات هنا او معلومات غيرها

المهم الفكرة تنتشر

وانا بذكر تانى بمعاد اول تجمع

هيكون يوم السبت اول يوم فى الدراسة

الساعة 12

امام مكتب النشاط الرياضى(الساحة الرياضيه) فى كلية تربيه

انا بحاول اجمع معلومات عن التكليف و واثر الغائه وكل حاجه متعلقه بيه ياريت يا جماعه تعملو سيرش وتفهمو الموضوع كويس ..عشان منسمحشى لحد يثبتنا بكلمتين على اساس اننا عيال ومش فاهمين

هقولها تانى
ياريت يا جماعه تعملو سيرش على النت عن التكليف
وعن نظام التطوير فى كليات التربيه
عايزين نكون فاهمين احنا بنتكلم فى ايه
مش عيزين نسمح لحد يثبتنا بكلمتين
.....
وانا لما كنت بقول ان كل قسم من حقه تنزله كورسات تاهيل فى تخصصه
دهع مكنشى كلامى انا
ده كلام وخداه من دكاتره فى المركز القومى لبحوث التربويه
....
الدكتور/ عادل حرب الأستاذ بالمركز القومي‮ ‬للبحوث والتقويم التربوي
( وضرورة منح الطلاب دورات تدريبية خلال سنوات الدراسة لكي‮ ‬تؤهلهم للتدريس وتخريج أجيال جديدة من المعلمين وضرورة وجود تواصل بين الطلاب والأساتذة‮.‬ )

وياريت تدخلو على اللينك ده
http://www.alwafd.org/index.php?option=com_content&view=article&id=1275:2010-11-15-00-17-32&catid=144:2010-11-14-17-42-05&Itemid=337
.......
وياريت الكل يبقى موجود فى التجمع
لان ده اول خطوة ايجابية
اننا نحول الفكرة من مجرد كومنتات فى العالم الافتراضى
لارض الواقع

مش عارفه اقول ايه بجد؟؟؟
اقول انكم ضيعتو اكبر فرصه
لما العميد فى معاد التجمع ينزل المكان ويبص يشوف فيه تجمع ولا لاء
وبعدين يمشى لان مكنشى فيه غير شويه يتعدو على صوابع الايد..!!
....
بجد النهارده كان عندى حالة استغراب!!
وفى نفس الوقت مكنتش مبطله ضحك على المنظر
وبلذات الناس اللى كانت متحمسه اوى على الفيس والمنتدى
وفجائه كلهم قاعدين يتفرجو من بعيد ومبتسمين كده
ههههههههههه
على اساس انه سينما
مش تجمع عشان نقدر نعمل حاجه واحده ايجابية فى الكليه
....
هو اللى جم بلظبط من 15 ل20
ومكنوش بيقفو مره واحده
حبه يمشو وحبه يجو
ويقولو لما العدد يكبر..!!
على اساس ان العدد هيزيد لواحده
او فيه ناس هتنزل من السما
هههههههههههههههه

مع ان اللى على الحمله اكتر من90
واللى فى المناسبه حواللى 40
.........
على فكرة كلامى ده مش تشاؤم خالص
انا مش بيئس بسهوله
واقدام انا موقفى على حق مش بتراجع عنه
........

وانا كنت موجوده من 11 لحد 2
واللى حضرو فى المعاد
واللى كانو عملين ورق مطبوع
الكل اتفق على اننا هنجمعهم كلهم فى طلب واحد
وهنحدد فيه معاد تانى
وكل حد فى دفعه هياخد ورقه ويصورها لدفعته وينشرها
وهنطبع معاه ورق تانى لكل قسم يمضو فيه على الموافقه
........
حوار التكليف لو مش الكل اشتغل فيه ... يبقى ملهوش لزمه
وانا مش هكمل فيه
لكن طلبات القسم بتاعى مكمله فيها ولنهايه
ومش هيئس بازن الله
....
واللى يحب يشارك ويكون ايجابى اهلا وسهلا
اكيد فيه ناس كتير عرفتنى
وفيه ناس كتير عرفانى من قبل كده
يجى وياخد منى ورقه ينشرها لدفعته
ويبقى يتجمع معانا فى المعاد الجديد
........
ملحوظه
احلى تحيه لطلاب كلية صيداله
وانا بقول لكلية تربيه سورى انى كنت بجيب الغلط عليكى
والله الغلط فينا احنا مش فيكى

زائر

نونا
انا اعلنت عن الميعاد
وجي وملقتش حد خالص
يعنى بجد حرام كداا
هاتى الميعاد التانى نعلن عنه تانى
مفروض منيأسش بقى

زائر

ياقمر قضيتنا التكليف اولا
دا مستقبلنا كلنا
سيبك من الطلبات الل مش باقيه
اللى باقى لينا كلنا التكليف
مش بقول انك تنسى طلباتك التانيه
بس اقصد ان العين تبقى على التكليف اولا

مافيييييش يأس احنا وراهم والزمن اطول من الطريق الصحراوى عايزين نرجح التكليف نطور فى الكلية - صفحة 3 434588

*****************
دى ورقة جديدة تم تحديثها نوعا ما

طبعتها والمفروض تحاولو تساعدونا فى نشرها

المفروض كل دفعة يبقا منها اتنين تلاتة كدة يناقشو الحاجات دى مع زمايلهم

عشان لو عايزين يضيفو حاجة

مايقولوش بتوع الفيس بوك هما اللى اتصرفو

ودا كان الهدف النهاردة اننا منبقاش مجموعة الفيس بوك بس

لو كنا اتجمعنا مجموعة الفيس والمنتدى كانت الناس لقت تجمع وشاركت

انا على رأي حنان الموضوع كان فرجة من بعيد

المفروض طبعا اننا نروح نشدهم ونقولهم والنبي تعالو اتناقشو معانا فى مطالبكو؟؟؟؟

حاجة تكسف والله

عموما دى الورقة اللى عنده برينتر يطبعها ويصورها ويحاول يساعد فى نشرها

واللى مش عنده احنا هنحاول بقدر الامكان نوزعها فى الكلية على اد ما نقدر

عايزين نرجح التكليف نطور فى الكلية - صفحة 3 Ooouso14

عايزين نرجح التكليف نطور فى الكلية - صفحة 3 Ooouso14

وهقول تانى دى مش كل المطالب دى مطالب هدفها انها ممكن تساعد الناس فى معرفة حقوقهم

اللى غايبة عن بالهم

او يفتكرو اى حاجة تانية عايزين نضيفها

دى الخطوة الاولى

بعد كدة لما نتفق على كل مطالبنا هنمضى عليها كلنا ونقدمها للعميد

ولو اترمت فى الدرج................! عايزين نرجح التكليف نطور فى الكلية - صفحة 3 532259

عايزين نرجح التكليف نطور فى الكلية - صفحة 3 532259

تصحيح بس النهارده مكنشى اسمه تجمع
نقدر نسميها دقيقه حداد على التكليف
او دقيقه ضحك على المنظر اللى كنا فيه
والله يا دوددا انا ونوسه وحواللى 10 بنات كمان
من 11 لحد 1
مش اتنقلنا وكنا تحت المطره كمان
والحبه اللى جم وكانو قليلين جداااااااااا
حاولنا نتفق على حاجة بسيطه كا بدايه
اننا هنعلن عن التكليف كا اهم طلب لينا
وضفت ليه مطلبين كمان
وهو الائحه ترجع زى الاول
وكورسات لاقسام اللغات والخارجين
واننا هنجمع توقيعات من كل الاقسام على المطلب ده
وهنحدد فى الورقه معاد جديد وهعمل مناسبه تانيه
ولو محدش جه هنحدد تانى
والله العظيم مهيئس ابدا ولا هتنازل عن حقنا ده ابداااااا
بس انا بردو ليا طاقه ولزم الكل يشتغل معايا
.........
ومقدرشى اوصف حسرتى لما شفت العميد نزل فى معاد التجمع
وواضح انه كان عنده خبر بيه
واحنا يدوبك 10 بنات وكام ولد وكانو وقفين بعيد كمان
...
بس قدام العميد وصله خبر واهتم ونزل
ده فى حد ذاته خطوه ايجابيه

جميلة اوى الخطوة دى منك نونا

متفقديش الأمل يا قمر

اكيد فى يوم هيفوقوا ويعرفوا اهمية الخطوة دى

وان العائد بتاعها لينا كلنا سواء خريجين

( هنلاقى كورسات تدعمنا وبدل ما يكون اقل كورس ب 300 جنيه ومش عارفين شهادته موثوقة والا لا ممكن الكلية توفر كورسات اهو عالاقل تكون مضمونة )

او حتى اللى لسه فى الكلية

هيبقوا عارفين مستقبلهم وضامنين حاجة بعد التخرج

انا متابعة الموضوع من الاول وزعلت جداا ان مكانش فيه نتايج

لولا انى مش من المنصورة وبعيدة جدا عنها كنت جيت دى مش حجة ع فكرة

بس انا عرفت ان الكلية بدأت و المحاضرات كمان اشتغلت فــ اتوقعت ان هيبقى فيه تجمع

....................................

خالص ودى وتحياتى للجميع

فيه ناس من الحملة النهارده كانو فى اجتماع الاتحاد
ووصلو الفكره لناس الموجوده
وفيه ناس كتير كانت ايجابيه وهتشتغل معانا
وطبعا كان المفروض هنحدد معاد 19/3 كاتجمع
بس ده معاد الاستفتاء على الدستور
والبلد طبعا اهم من اى شىء
فغيرنا المعاد وبازن اللى هنحدد معاد جديد فى الورق اللى هننشره

زائر

ويا نانو الميعاد الجديد امتى عشان نيجى بقى ياريت نعرف عشان نقدرنعرف اكبر قدر من الناس
لازم نعمل حاجه

وانا فى ناس جم مضونى على ورق النهارده انا وصحابى مش عارفه اكيد عشان التكليف
بجد فى ايجابيه بدأت تظهر فالصبر بس
ويكون الكلام واضح الميعاد امتى

يا ريت يا نونا الميعاد الجديد عشان اعرف شعبتى

انا عاوز اعرف بس لمجرد المعرفه
مين اللي حذف الردود بتاعتي وبتاعت جيمس ولولؤة المحيط
كدا مافيش حرية راي
دا تسلط

زائر

Mr Horas كتب:: [center]انا عاوز اعرف بس لمجرد المعرفه
مين اللي حذف الردود بتاعتي وبتاعت جيمس ولولؤة المحيط
كدا مافيش حرية راي
دا تسلط

ممكن نقفل على الموضوع دا يا حورس يعنى هيكون مين اللى مسحه
انا يا حورس
اللى مسحته لان مش هينفع اشوف ناس داخله شمال كداا فى واحده م المنتدى وتحرجها وسط الناس
حتى ان كانت غلطت بجد فى حاجه اسمها اميل او اقل حاجه مسج خاص
انما كداا يعنى مش هينفع وهنسيب بقى موضوعنا ومصلحتنا ونقعد نناقش ف بعض ونتعب اعصاب بعض
ياريت بقى الكل يبقى عنده حبه تسامح شويه
عشان نستحمل بعض
وايه تسلط دا هو اما مقبلش ان فى واحده يبقى عليه هجوم ابقى بتسلط
وانا مش بعمل حاجه من دماغى يا حورس اكيد فى طلب يعنى بكداا

فياريت بعد ردى محدش يرد بقى
ونرجع نتناقش فى مصلحتنا بقى

[/center]

مشكوره يا سيادة المراقبه العامه

زائر

ياحورس سياده مراقبه ايه يعنى لو الموضوع معكوس وانت اللى مكانها
كان تصرفى هيبقى كداا برده
وعموما يا حورس انا لا مراقبه ولا حاجه
اانا زي زيكوا وانا متنازله عنها يا حورس المراقبه دى
لو مزعلاك يعنى
انا مقصدتش حاجه يعنى
ما لو سبت كلامكوا كلمه ورا كلمه من هنا ومن هنا
هتبقى شكله فى النهايه وسبنا بقى
الموضوع الاساسى

» عودة التكليف لخريجي كليات التربية
» مش عايزين نسيب حقنا
» عايزين ترحيب جامد جدا جدا
» عايزين تعرفوا البنات هايفه فى ايه ؟
» لو عضوين اتخانقو هتقف مع مين ؟؟, عايزين دم بأه