عايزين نرجح التكليف نطور فى الكلية

تذكير بمساهمة فاتح الموضوع :

[r]عايزين نطور في الكلية ونشارك بايجابية

اكيد كلنا بنقول كلية تربية ..ودخلناها وخلاص واهه بنذاكر عشان ننجح او مافيش توظيف ...........
حط قدامك حاجتين ربنا سبحانه وتعالي وبلدك وليكن شعارنا ارفع راسك انت مصري
...
......انا في دماغي شوية مقترحات بسيطة كده علي قدي واحب تشاركم ونتناقش مناقشة فعالة بس ياريت بعيدة عن جو الاحباط ....
ــــــــــــــــــــــــــ

** ايه رايكم كل دفعة كده تعمل مناقشة وتكتب الحاجات اللي عوزينها ونقدمها للعميد بكل احترام واسلوب كويس
.............
يعني مثلا في قاعات كتير اوي مش بنسمع الدكاترة فيها كويس نزودها بالميركوفونات
...............
** يكون ترشيح اتحاد الطلبة بناءا ع الطلبة انا معرفش هو نظامه ايه صراحة بس بشوف تجمعات ومعرفش يا تري بيتناقشوا في ايه ؟؟؟؟ ولا ناوين يعملولنا ايه ؟؟؟؟؟
................
** نتفاعل في الكلية يعني منرميش ورق هي بيتنا برده يا جماعة جو الكانزات والشيبسي و العامل يمشي يلم ورانا والله ما هو اسلوب حضاري ؟؟ كتير يقول ما هي دي وظيفتهم ؟؟ بس معلش نكون نضاف ونرمى فى صندوق المحترمه
.................
** كتير اوي بيتكلم عن الكلية اكيد كلنا عرفينه او بنسمعه ع الاقل ليه منغيرش النظرة دي
في كليات خلاص قرروا وناوين يبداو في التنفيذ اخر حاجة سمعتها ناوين يدهنو أجزاء في الكلية علم مصر وماشاء الله في ناس هتنوي الحضور
.................
**خطوه تخص اكتر اقسام اللغات زى انجليزى وفرنساوى وهو حق الاقسام دى ان ينزلها كورسات تبع الكليه وده اقل حق ليهم حتى المتخرجين كمان من حقهم يبقى ليهم كورسات باسعار رمزيه من الكليه لانهم اتخرخو منها
................

**فيه كمان نقطه مهمه جدا وحابه انى اتكلم فيها لان فيها اهم حق من حقوقنا واللى اتحرمت منه دفع كتير ... ولو موقفناش وطالبنا بيه هيضيع مننا زى مضاع من اللى قبلنا
ليييييه التكلييف اتلغى؟؟؟؟؟ وليه منرجعوش تااااااااانى؟؟؟؟؟
حد يقدر يقوللى مصير كل اللى هيتخرجو من كليات تربيه ايه؟... هنشتغل فى ايه وخصوصا ان دراستنا مجالها الوحيد التدريس؟... ولا هناخد الشهاده ونبروزها؟.... طيب البنات هتقعد فى البيت مااااااااشى... طيب والولاد؟
اللى هيلاقى نفسه بيدى درس لعيلين تلاته ..لو لقاهم ياعنى... واللى ممكن يشتغل مندوب مبيعات..و..و...وبردو محدش هيلاقى شغل فى تخصصه
واللى مش مصدق كلامى يروح يسال اللى اتخرجو

**ياجماعه البلد فى ثورة تغير ... ومش كل يوم هنعمل ثورة عشان نتغير وناخد حقنا وزى مهناخده .. بردو هنعمل

اللى علينا... والخبر ده كان نازل فى شهر 12 /2010 بيتكلم عن فكرة رجوع التكليف
http://www.sharkiaonline.com/Article.asp?ArtID=13677&Sub=6&Sec=4
وده كمان خبر نائب بيطالب بعودة التكليف فى ابريل2010
http://www.shorouknews.com/ContentData.aspx?id=206824
وده خبير فى التعليم بيطلب عودة التكليف لانه اهم شىء لمعلم وده كان فى 2008
http://www.almasry-alyoum.com/article2.aspx?ArticleID=110232&IssueID=1079
وده كمان مقال كان نازل فى روز اليوسف فى يوليو 2010 بيتكلم عن اهميه رجوع التكليف
http://www.rosaonline.net/Daily/News.asp?id=71637

وكل ده واحنا واقفين بنتفرج ورافعين ادينا ... مستنين لما حد يرسملنا مستقبلنا
ونسين اهم حاجه (ان الله لايغير ما بقوم حتى يغيرو ما بانفسهم).. ياعنى لزم نبقى ايجابين ونغير من نفسنا ..
لو احنا عايزين حقنا بجد... نطلب رجوع التكليف
وان كل الكلام والحوارات دى تتحول لقرارات والافعال
..................
**طبعا الموضوع صعب ان يكون حدود الطلب فيه هنا وبس لزم يكون مطلب اساسى لجميع كليات التربيه
بس لو اى حد اقتنع بكلامى ... بطلب منه حاجه واحده .. انه ينشر الموضوع وبقوه .. سواء بين اصحابه او زمايله او دفعته ... ونوصله كمان لباقى كليات تربيه على مستوى مصر كلها.. والفيس بوك هيسهل الموضوع ده جدا
سواء عن طريق صفح الكليات او جروبتها ... عايزين رجوع التكليف يكون مطلب جماعى لينا .. ولو الموضوع انتشر بايجابيه نعمل حمله على الفيس بوك..... ومتنسوش ان الثورة طلعت من الفيس بوك برده يعني مش حاجة بسيطة

حملة طلاب تربية المنصورة لتطوير وعودة التكليف
https://www.facebook.com/pages/%D8%AD%D9%85%D9%84%D8%A9-%D8%B7%D9%84%D8%A7%D8%A8-%D8%AA%D8%B1%D8%A8%D9%8A%D8%A9-%D8%A7%D9%84%D9%85%D9%86%D8%B5%D9%88%D8%B1%D8%A9-%D9%84%D8%AA%D8%B7%D9%88%D9%8A%D8%B1-%D9%88%D8%B9%D9%88%D8%AF%D8%A9-%D8%A7%D9%84%D8%AA%D9%83%D9%84%D9%8A%D9%81/206742312674553

وهكررها تانى

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

آسفة علي الاطالة بس اتمني مشاركتكم

وارفع راااااااسك انت مصري

[/center]

ياريت يكون كمان فى تغير لنظام وضع الامتحانات ونظام التصحيح

انا مبسوطه اوى بللى عملته عين شمس يوم الخميس
فعلااا جابو من الاخر
انا دلوقتى اقدر اقول ان حملتنا على الفيس بوك نجحت
لاننا عملنا اللى علينا بجد ناقص بقى ازن ربنا ان القرار ينزل
وانشاء الله هينزل بس مسألة وقت
لان لايضيع حق ورائه مطالب واحنا طلبنا بحقنا
.................
وبجد احلى تحيه لادمن بيدج عين شمس
لانهم راحو على طول على مجلس رئاسة الوزره
ياعنى جااابو من الاخر
مش لسه هيروحو على رئيس الجامعه
واخد فكرة الدعوه لنزول الدكاتره معاهم مننا بس نفذها صح
ويااااااااااااااااارب الوزير يستجيب بقى
ودى الاخبار بتاعت عين شمس
اول خبر
http://www.baegypt.org/index.php?option=com_content&view=article&id=7798:2011-03-26-12-46-57&catid=105:egyptian-affairs-sweeteners&Itemid=621
تانى خبر
http://www.elkhamis.com/News-55607116.html

وده مصراوى
http://www.masrawy.com/moraselon/ArticlesDetails.aspx?AID=98098

اعتقد فيه كمان ليوم السابع
بس لسه هدور على اللينك

حسناء صلاح(نوسه فى المنتدى) تالته فرنسى
مرشحه للجنة الاسر فى الانتحابات
ونازله عشان فعلا عايزه تعمل حاجه بجد
ونفسها تغير فى كليتها
.............
نوسه من انشط البنات اللى اشتغلو معايا فى الحمله
ومن اكتر الناس اللى كان ليهم مجهود واضح
عشان نرجع حقوقنا فى الكليه وحقوقنا بعد التخرج
وعملت كل ده بهدف المصلحه العامه
لان عمر مكان هدفنا الدعايه لدخول الاتحاد
.........
نوسه من البنات المؤسسين لحمله
واللى دعو لوقفه الاحتجاجيه يوم الحد
واللى كانت السبب الاساسى والرئيسى فى الندوه اللى عملها العميد يوم الاربع
والحمله هى الاساس للى عملته تربية عين شمس قدام مجلس الوزراء والمطالبه برجوع التكليف
وده لان كان فيه تواصل افكار بين مؤسسين الحمله ومؤسسين حملة عين شمس
............
حسناء داخله مستقله ..برغم ان فيه حد عرض عليها تدخل بس بشعبية
حاجه كده متأسسه جديد فى الكليه
بس هى رفضت...هى داخله مستقله
ولو ليها نصيب وربنا ازن هتنجح
ولو محصلشى نصيب يكفى ليها شرف المحاوله
وكده كده الحمله موجوده ومستقله عن اى حاجه فى الكليه
ونقدر من خلالها نعمل كل حاجه
وهيبقى بردو بورق رسمى ومن خلال العميد
عشان يبقى الشغل فى النوووووووور
..............

عايزين نرجح التكليف نطور فى الكلية - صفحة 5 188725_213291605352957_206742312674553_984866_1236636_n

محدش يقول دول انشغلو بلا نتخابات ونسيو الحوااار
نوووووووووووووووووو
مستمررررين
وعلى فكره عين شمس متفقه مع جامعة اسيوط على اعتصام الخميس
وعايزنا نبقى معاهم بس عرفتهم ان الخميس صعب عندنا
لانه ريست لمعظم الكليه

فى وقفه يوم الخميس 7/4 امام مجلس الوزراء لطلبه كليات التربيه اسيوط والاسكندريه وعين شمس وحلوان الساعه الحاديه عشر صباحا للمطالبه بعوده التكليف وياريت كل خريجى التربيه الا لسه مش اشتغل يحضر هذه الوقفه السلميه لكى يكون العددكبير لرجوع الحق لاصحابه

زائر

بس صعب علينا الخميس يا نونا
لو سبت يبقى احلى بكتير

اصلا طلاب الكليه مش هيرضو با اعتصام تانى
و لو عملنا اعتصام فى ثوانى بيتحول
لمظاهره لاسقاط رئيس الجامعه
زى ما اتعمل فى المظاهرتين اللى قبل كده
انا بس بعرفكم باقى كليات تربيه بتعمل ايه
وانهم عايزين مظاهره جماعيه قدام مبنى رئاسة الوزره
بس ده هيبقى صعب لناس كتير
يكاد يكون مستحيل
بس بردو فيه ناس كتير متخرجه وعندها استعداد تروح المريخ عشان تشتغل
فنا بحاول اعمل اللى عليا واوصل اللى بيحصل
................

وبلنسبه لكليه احنا جمعنا ورق كتير فيه توقيعات ولسه بنجمع
وهنقدمه مع خطاب رسمى..والخطاب ده موجود عندى وجاهز
وعندنا كمان اللى هيوصلهولنا
سواء لحاكم العسكرى بتاع الجيش اللى فى المنصوره
او لوزاره
وانا ونوسه والله روحنا طلعت فى الموضوع ده
بس عادى مكملين الحمدلله مفيش اى احباط او يئس
قدام فيه هدف وحاجه نفسنا نحققها لمصلحه الجميع
فاكيد ربنا معنا

زائر

عجبانى والله يا نونا
ربنا يبارك ليكى بجد يارب
وبجد ياقمر
ربنا هيجازيكى خير
لكل دا والله

ميرسى يا دوددا ربنا يخليكى
...............

مدونه دى عاملها واحد فى كلية تربيه الله اعلم اى جامعه بلظبط وهى رساله لوزير التعليم العاللى

اننا مش هنستسلم وهنفضل نطلب بحقنا فى رجوع التكليف..

.وبجد عجبتنى اوى الفكرة وبحيه عليها واللى عاجبنى اكتر ان صورة المدونه

هى صورة الاعتصام بتاع كليتنا السنه اللى فاتت

http://eltamemy.blogspot.com/2011/04/1.html

دى بيدج الاتحاد الجديد يا جماعة

من هنـــــــــــــــــــــا

رسالة الى رئيس الوزراء لرجوع التكليف
على مدونه حلم لسه مستسلمشى
يكتبها:Mohamed Eltamemy

http://eltamemy.blogspot.com/2011/04/3.html

الكليه بتتبع معانا سياسة خد شيكولاته وافرح بيها
واقعد على جنب
..نزلت لينا ال30% اللى هى اصلا من حقنا وحسستنا انها بتتفضل
علينا بكرمها الزائد
..واللى اصلا النتيجه بيقولو نازله ب50%..
مع ان اصلا
لسه النجاح الكلى فى الماده من 60%..
ولسه جيد من 70% .
.ياعنى احنا لسه
مأخدناش اى حق لينا...

ده طلب اللى اتقدم لحاكم العسكرى فى المحافظه بخصوص رجوع التكليف
واتقدم معاه الامضائات اللى كانت بتتجمع من كل الشعب
وكمان كان فيه ورق امضائات خاص بلدكاترة وكمان العميد مضى معاه
وفيه نسخه من الطلب والتوقيع راحت لجريده معارضه
واتبعتت كمان على اميل الوزاره
ربنا معانا ونقدر نرجع حقنا
ولايضيع حق ورائه مطالب

عايزين نرجح التكليف نطور فى الكلية - صفحة 5 Nsaayat62644a5c42

ده الطلب بخصوص تغير الايحه واتقدم مع الطلب الاول

عايزين نرجح التكليف نطور فى الكلية - صفحة 5 Nsaayatea63e0e88a

» عودة التكليف لخريجي كليات التربية
» عايزين ترحيب جامد جدا جدا
» مش عايزين نسيب حقنا
» عايزين تعرفوا البنات هايفه فى ايه ؟
» لو عضوين اتخانقو هتقف مع مين ؟؟, عايزين دم بأه