عايزين نرجح التكليف نطور فى الكلية

تذكير بمساهمة فاتح الموضوع :

[r]عايزين نطور في الكلية ونشارك بايجابية

اكيد كلنا بنقول كلية تربية ..ودخلناها وخلاص واهه بنذاكر عشان ننجح او مافيش توظيف ...........
حط قدامك حاجتين ربنا سبحانه وتعالي وبلدك وليكن شعارنا ارفع راسك انت مصري
...
......انا في دماغي شوية مقترحات بسيطة كده علي قدي واحب تشاركم ونتناقش مناقشة فعالة بس ياريت بعيدة عن جو الاحباط ....
ــــــــــــــــــــــــــ

** ايه رايكم كل دفعة كده تعمل مناقشة وتكتب الحاجات اللي عوزينها ونقدمها للعميد بكل احترام واسلوب كويس
.............
يعني مثلا في قاعات كتير اوي مش بنسمع الدكاترة فيها كويس نزودها بالميركوفونات
...............
** يكون ترشيح اتحاد الطلبة بناءا ع الطلبة انا معرفش هو نظامه ايه صراحة بس بشوف تجمعات ومعرفش يا تري بيتناقشوا في ايه ؟؟؟؟ ولا ناوين يعملولنا ايه ؟؟؟؟؟
................
** نتفاعل في الكلية يعني منرميش ورق هي بيتنا برده يا جماعة جو الكانزات والشيبسي و العامل يمشي يلم ورانا والله ما هو اسلوب حضاري ؟؟ كتير يقول ما هي دي وظيفتهم ؟؟ بس معلش نكون نضاف ونرمى فى صندوق المحترمه
.................
** كتير اوي بيتكلم عن الكلية اكيد كلنا عرفينه او بنسمعه ع الاقل ليه منغيرش النظرة دي
في كليات خلاص قرروا وناوين يبداو في التنفيذ اخر حاجة سمعتها ناوين يدهنو أجزاء في الكلية علم مصر وماشاء الله في ناس هتنوي الحضور
.................
**خطوه تخص اكتر اقسام اللغات زى انجليزى وفرنساوى وهو حق الاقسام دى ان ينزلها كورسات تبع الكليه وده اقل حق ليهم حتى المتخرجين كمان من حقهم يبقى ليهم كورسات باسعار رمزيه من الكليه لانهم اتخرخو منها
................

**فيه كمان نقطه مهمه جدا وحابه انى اتكلم فيها لان فيها اهم حق من حقوقنا واللى اتحرمت منه دفع كتير ... ولو موقفناش وطالبنا بيه هيضيع مننا زى مضاع من اللى قبلنا
ليييييه التكلييف اتلغى؟؟؟؟؟ وليه منرجعوش تااااااااانى؟؟؟؟؟
حد يقدر يقوللى مصير كل اللى هيتخرجو من كليات تربيه ايه؟... هنشتغل فى ايه وخصوصا ان دراستنا مجالها الوحيد التدريس؟... ولا هناخد الشهاده ونبروزها؟.... طيب البنات هتقعد فى البيت مااااااااشى... طيب والولاد؟
اللى هيلاقى نفسه بيدى درس لعيلين تلاته ..لو لقاهم ياعنى... واللى ممكن يشتغل مندوب مبيعات..و..و...وبردو محدش هيلاقى شغل فى تخصصه
واللى مش مصدق كلامى يروح يسال اللى اتخرجو

**ياجماعه البلد فى ثورة تغير ... ومش كل يوم هنعمل ثورة عشان نتغير وناخد حقنا وزى مهناخده .. بردو هنعمل

اللى علينا... والخبر ده كان نازل فى شهر 12 /2010 بيتكلم عن فكرة رجوع التكليف
http://www.sharkiaonline.com/Article.asp?ArtID=13677&Sub=6&Sec=4
وده كمان خبر نائب بيطالب بعودة التكليف فى ابريل2010
http://www.shorouknews.com/ContentData.aspx?id=206824
وده خبير فى التعليم بيطلب عودة التكليف لانه اهم شىء لمعلم وده كان فى 2008
http://www.almasry-alyoum.com/article2.aspx?ArticleID=110232&IssueID=1079
وده كمان مقال كان نازل فى روز اليوسف فى يوليو 2010 بيتكلم عن اهميه رجوع التكليف
http://www.rosaonline.net/Daily/News.asp?id=71637

وكل ده واحنا واقفين بنتفرج ورافعين ادينا ... مستنين لما حد يرسملنا مستقبلنا
ونسين اهم حاجه (ان الله لايغير ما بقوم حتى يغيرو ما بانفسهم).. ياعنى لزم نبقى ايجابين ونغير من نفسنا ..
لو احنا عايزين حقنا بجد... نطلب رجوع التكليف
وان كل الكلام والحوارات دى تتحول لقرارات والافعال
..................
**طبعا الموضوع صعب ان يكون حدود الطلب فيه هنا وبس لزم يكون مطلب اساسى لجميع كليات التربيه
بس لو اى حد اقتنع بكلامى ... بطلب منه حاجه واحده .. انه ينشر الموضوع وبقوه .. سواء بين اصحابه او زمايله او دفعته ... ونوصله كمان لباقى كليات تربيه على مستوى مصر كلها.. والفيس بوك هيسهل الموضوع ده جدا
سواء عن طريق صفح الكليات او جروبتها ... عايزين رجوع التكليف يكون مطلب جماعى لينا .. ولو الموضوع انتشر بايجابيه نعمل حمله على الفيس بوك..... ومتنسوش ان الثورة طلعت من الفيس بوك برده يعني مش حاجة بسيطة

حملة طلاب تربية المنصورة لتطوير وعودة التكليف
https://www.facebook.com/pages/%D8%AD%D9%85%D9%84%D8%A9-%D8%B7%D9%84%D8%A7%D8%A8-%D8%AA%D8%B1%D8%A8%D9%8A%D8%A9-%D8%A7%D9%84%D9%85%D9%86%D8%B5%D9%88%D8%B1%D8%A9-%D9%84%D8%AA%D8%B7%D9%88%D9%8A%D8%B1-%D9%88%D8%B9%D9%88%D8%AF%D8%A9-%D8%A7%D9%84%D8%AA%D9%83%D9%84%D9%8A%D9%81/206742312674553

وهكررها تانى

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

آسفة علي الاطالة بس اتمني مشاركتكم

وارفع راااااااسك انت مصري

[/center]

انا دخلت الجروب بجد جميل اوى وبالذات ان مطالبهم محدده

ربنا يسهل بجد وفعلا المشكله انهم بيأجلوا الدراسه

السلام عليكم ورحمة الله وبركاته
جميييييييييل اوي الحماس والافكار
بس وقفة بسيطة بس علي حته التكليف دي مش ملاحظين ان موضوع التكليف ده لسة بدري شوية هي فعلا موضوع معقد وحاجة وحشة اننا نطلع مش نلاقي شغل بس باذن الله كل حاجة هيبنصلها بمنظور تاني يعني نصبر شوية

ثانيا رأيي المتواضع بل خطة عملية ... كليتنا الوقتي اهم
انا اقتراحي .. 1) يكون فيه نائب ومساعد عن كل دفعة تمام . يطلب من الدفعة بتاعته انهم يكتبوا مقترحاتهم في ورقة ويقولوا عوزين يطورا ايه في الكلية والنائب والمساعد يناقشوا الاقتراحات تاني يوم من تسليم الورق وياخدوا القرارات الارجح والاسهل والاهم
2) يكون فيه ميعاد معين في الكلية بين النواب والمساعدين وناقشوا القرارات
3) نخلص بورقة كده فيها المطلوب ونوصلها للعميد

غير بقا ممكن نعمل مثلا حملات تنضيف دهان في الكلية ونشرف عليها يعني بل ونساعد فيها ودي بقاا هناخد اعضاء فيها كمان مش النائب والمساعد بس لان هيكونوا قليلين وكده فرقنا اتحاد الطلبة

يارب الفكرة تعجبكم ... ولو عوزين تعملوا مواعيد اثناءالأجازة دي متفقين بس ياريت تحددوا الميعاد يكون باسرع وقت ياريت الرد اللي بعدي يكون فيه تحديد الميعاد والمناقشة عليه

عايزين نرجح التكليف نطور فى الكلية - صفحة 2 189062_145483522182609_100001628861847_280732_628654_n

يا تري ممكن نقدر نحقق حاجة من دول .....

يا تري جامعة المنصورة احق انها تعمل كده بما ان ليها ترتيب علي جامعات العالم
سيبنا من ده كله كليتنا هنقدر نطورها ولا لاء .. شاركوا ولو بالراي والاقتراح

حملة طلاب تربية المنصورة لتطوير وعودة التكليف

https://www.facebook.com/pages/%D8%AD%D9%85%D9%84%D8%A9-%D8%B7%D9%84%D8%A7%D8%A8-%D8%AA%D8%B1%D8%A8%D9%8A%D8%A9-%D8%A7%D9%84%D9%85%D9%86%D8%B5%D9%88%D8%B1%D8%A9-%D9%84%D8%AA%D8%B7%D9%88%D9%8A%D8%B1-%D9%88%D8%B9%D9%88%D8%AF%D8%A9-%D8%A7%D9%84%D8%AA%D9%83%D9%84%D9%8A%D9%81/206742312674553?sk=wall

انا متفائلة جدا وحاسة ان الى هنعملو دا هيكون بفايدة لاننا بنطلب حقنا المشروع فى الكلية دى

ولان بدو كلنا متحدين على نفس المطالب ومفيش اى اختلاف عل ىان التكليف من اهم المطالب دا

وبالنسبة للخوف من اضهاد الدكاترة دا عمرة مايحصل لاننا كتير اوى وكلنا مجتمعين سوا يعنى لو فى اضطها للدفعة الى هتطال ب بحقوقها معنى كدا ان الدكاترة هيطهدو الدفعة باكملها !!!!!

لا طبعا مش معقول يعنى هيضطهدو 80 واحد ولا اكتر كمان!!!!

محدش يخاف ومحدش يقول انا مالى لما حد يبقى يتحرك ويعمل حاجة ابقى اتحرك انا كمان

لا طبعا كدا عمرنا ماهنتقدم وهنفضل محللك سر

وبالنسبة لميزانية اقسام اللغات الى خاصة بالكورسات والى بتضرب فى جيوبهم دى مش هنسامح فيها وهنخلصها منهم ان شاء الله ونستفيد كلنا بيها فى الكورسات الى لازم نتمتع بيها زيينا زى كلية اداب
بجد حاااااجة تغيـــــــــــــظ

دى حقوقنا وكلها شرعية ومفيش خوف من المطالبة بيها دا احنا نطلب وبعين قوية

وربنا الموفق اولا واخيرا

https://www.facebook.com/pages/%D8%AD%D9%85%D9%84%D8%A9-%D8%B7%D9%84%D8%A7%D8%A8-%D8%AA%D8%B1%D8%A8%D9%8A%D8%A9-%D8%A7%D9%84%D9%85%D9%86%D8%B5%D9%88%D8%B1%D8%A9-%D9%84%D8%AA%D8%B7%D9%88%D9%8A%D8%B1-%D9%88%D8%B9%D9%88%D8%AF%D8%A9-%D8%A7%D9%84%D8%AA%D9%83%D9%84%D9%8A%D9%81/206742312674553?sk=wall

على فكره يا جماعه انا اختارت اسم حمله لصفحه
لان حمله (هى مبادره ايجابية لتغير)
لوكنت اقصد اننا نبدء الموضوع باعتصام ومظاهرة كنت قولت
ثورة او انتفاضه او اعتصام
لكن احنا هنطلب الاول حقوقنا ومطالبنا بكل زوق واحترام
وبازن الله من خلال البيدج ده هنحدد يوم فى اول اسبوع فى الدراسه
كل حد منضم لحمله من تربيه هيعرف جميع زمايله بلمعاد
والمكان اللى هنتجمع فيه
........
بلنسبه لخطوة المظاهرة او الاعتصام
دى احنا اللى هنحددها
فى حالة انهم يتبعو معانا الاساليب القديمه
بتاعت التطنيش وعدم الاستجابه
او عدم تحديد وقت محدد لرد عى القرار
وميكونشى اكتر من اسبوعين
مش يركنونا لنهايه الترم
...
اكيد ساعتها لزم هنعمل وقفه اتحتجاجيه
عشان نفوقهم من العصر الحجرى اللى هيكونو لسه فيه
وان شباب تربيه قبل 25 يناير حاجه وبعدها حاجه تانيه

تفائلى خييييييير

احنا شغالين وربنا معانا عايزين نرجح التكليف نطور فى الكلية - صفحة 2 434588

لو عرفنا ننشر الموضوع على اد من نقدر وكترنا عدد الناس المتفقة

معانا فى الرأي

ان شاء الله محدش هيغلبنا

احنا بنعمل اللى علينا والباقي على ربنا

اما بالنسبة للمظاهرات فمش وقتها خاااالص دلوقتى

لان جايز جدا مع التعديل الوزاري

يغيرو وزير التعليم العالى

هنطلب طلبنا دا من مين

لازم نرتب خطواتنا

وزى ما قلتلك الفترة دى تبقا نشر الموضوع لباقي كليات تربية ع الفيس بوك

ولو اتضحت الرؤية الاسبوع دا

ببقاء الوزير او تغييره

ففي الحالتين هنتصرف على اساس القرار اللى هينزل

انا كل اللى قالقنى ان فى وسط الدوشة دى

منعرفش مين هيسمعنا عايزين نرجح التكليف نطور فى الكلية - صفحة 2 532259

عايزين نرجح التكليف نطور فى الكلية - صفحة 2 532259

يا جماعة انا عاوز الوقتى كل اللى عندة طلب يدخل يكتبة

ضرورى سواء هنا

او على الجروب اللى اتعمل على الفيس بووك

علشان نقدر نجمعهم على اول يوم فى الدراسة ونقدر نقدمهم

يــا نونا هو اليينك الى فوق ده ^ مبقاش بيدخل ليه ع الجروب ؟؟؟

حملة طلاب تربية المنصورة لتطوير وعودة التكليف
https://www.facebook.com/pages/%D8%AD%D9%85%D9%84%D8%A9-%D8%B7%D9%84%D8%A7%D8%A8-%D8%AA%D8%B1%D8%A8%D9%8A%D8%A9-%D8%A7%D9%84%D9%85%D9%86%D8%B5%D9%88%D8%B1%D8%A9-%D9%84%D8%AA%D8%B7%D9%88%D9%8A%D8%B1-%D9%88%D8%B9%D9%88%D8%AF%D8%A9-%D8%A7%D9%84%D8%AA%D9%83%D9%84%D9%8A%D9%81/206742312674553

لاء بيدخل
وانا جربته دلوقتى
ممكن مشكله من النت عندك
على العموم ممكن تعمللى سيرش بلاسم على الفيس وهتلاقيه

احنااا مش لوااحدنا يا جمااااعه

تفااااااائلوووووو
حملة طلاب كلية التربية جامعة الاسكندرية للمطالبة بعودة (التكليف للخريجين)
https://www.facebook.com/pages/%D8%AD%D9%85%D9%84%D8%A9-%D8%B7%D9%84%D8%A7%D8%A8-%D9%83%D9%84%D9%8A%D8%A9-%D8%A7%D9%84%D8%AA%D8%B1%D8%A8%D9%8A%D8%A9-%D8%AC%D8%A7%D9%85%D8%B9%D8%A9-%D8%A7%D9%84%D8%A7%D8%B3%D9%83%D9%86%D8%AF%D8%B1%D9%8A%D8%A9-%D9%84%D9%84%D9%85%D8%B7%D8%A7%D9%84%D8%A8%D8%A9-%D8%A8%D8%B9%D9%88%D8%AF%D8%A9-%D8%A7%D9%84%D8%AA%D9%83%D9%84%D9%8A%D9%81-%D9%84%D9%84%D8%AE%D8%B1%D9%8A%D8%AC%D9%8A%D9%86/134359099966288

ودى حملة تربيه جامعه عين شمسhttps://www.facebook.com/pages/%D9%85%D8%B9%D8%A7-%D9%84%D8%B9%D9%88%D8%AF%D8%A9-%D8%A7%D9%84%D8%AA%D9%83%D9%84%D9%8A%D9%81-%D9%84%D8%AE%D8%B1%D9%8A%D8%AC%D9%89-%D9%83%D9%84%D9%8A%D8%A7%D8%AA-%D8%A7%D9%84%D8%AA%D8%B1%D8%A8%D9%8A%D8%A9/193352760693600?ref=mf

طيب تمام اوى بجد

وهو رجع دلوقتى تانى اللينك اشتغل

ميرسى يا نونـاا

زائر

عايزين هو طلب واحد
عوده التكليف ويطبق على كل خريج مش يركنونا سنين
لا نتخرج ونتعين

جماعه فيه فكرة حلوه اوى نقدر ننشر بيها الحمله بتاعتنا ... هى بس محتاجه يكون فيه حد بيفهم كويس فى طباعة وهى اننا ناخد اللوجو بتاع الحمله ونكتب عليه كل طلبتنا... ومع اول اسبوع فى الكليه نبدء ننشره بين زمايلنا ... لان فيه كتير مش على الفيس بوك...فا محتاجين نوصل الفكره لناس دى...ياريت اى حد يا جماعه يقدر يساعدنا فى المو...ضوع ده يعمله

انا معاكوا يا جماعة ف كل حاجة

وبحيكى على الروح الجميله دى يا نونا

وبقول اننا نطالب كمان ان الجيد يكون من 65 زى الكليات التانية

ولا انتوا شايفين ايه ؟ صح ولا غلط ؟

صح مليون الميه
بس انت عارف لو بجد التكليف رجع
والله مايهمنا حتى لو بقى من 75%
لان ساعتها بجد هنحس ان لقينا قيمه
وتعبنا مش هيروح على الفاضى
....
واقدام انت متحمس يا مسيو يبقى ياريت تشتغل معنا فى الحوار اللى جاى
وهى اننا هنطبع لوجو الحمله وهنكتب عليه اهمم طلبات لينا
وهنحدد عليه معاد لتجمع يكون فيها مجموعه من كل قسم تضم الاربع فرق
ونبدء نجمع فيهم طلباتنا
وحد يقدمهم لعميد ويحدد معاد معنا نتكلم فيه عن اللى احنا محتاجينه
وكمان انه يقف معنا فى حملة رجوع التكليف
لان ده قرار وزير مش قرار عميد

زائر

ياريت بس نجمع الطلبات هنا
عشان اول يوم فى الدراسه قرب
ولازم كلنا نتقابل ان شاء الله اول يوم
ولا ايه ؟؟؟

زائر

وانا طبعا طلبى التكليف اولا
وان اول ما نتخرج نلاقى شغل مش نتركن سنين عما نلااقى شغل
تانى حاجه انا سمعت ان الحرس اتشال
طيب ياريت يا جماعه العمال يعنى والحرس لو موجود
يعاملونا برقى شويه
يعنى عيب احنا كبار مينفعش
الاسلوب اللى بيعاملونا بيه ويزعقوا وقوم من هنا ومن الساعه 3
قوم من هنا
ومش من هنا
واسلوب مش حلو خالص
يعنى مستفز ويحسسك انك بلا قيمه وسط الناس
دى طلباتى

معتشى فى الكلام دة

انا كنت حاسس انها مزرعة فراخ مش كلية
البيات بيكون من بدرى والبوبات تتقفل من بدرى

خلالالالالالالالالالالالالالالالالالالالالالالالالالالالالالالالالالالالالاص
اللى فات ننساة اللى جااى احسن لينا وللى جايين بعدينا

زائر

MR..SEMSEM كتب:: معتشى فى الكلام دة

انا كنت حاسس انها مزرعة فراخ مش كلية
البيات بيكون من بدرى والبوبات تتقفل من بدرى

خلالالالالالالالالالالالالالالالالالالالالالالالالالالالالالالالالالالالالاص
اللى فات ننساة اللى جااى احسن لينا وللى جايين بعدينا

ايوه كداا يا سمسم
خساره ايامنا بجد فيها والله
يلا خير
اهم حاجه التكليييييييف

https://spreadsheets.google.com/viewform?hl=en&formkey=dDBQN3JJQ3RfSUpiLXFPWjJuNWNpZkE6MQ#gid=0

ادخلو هنا يا جماعه
ده موقع عملوه ان الشباب يقدمو اقتراحاتهم
وبنختار الوزارة التابع ليها الاقتراح
ياريت ندخل على وزرتين التعليم
ونقدم اقتراحنا برجوع التكليف لخاريجى كليات التربيه

شكرا ليكى يا نونا

لاهتمامك

على فكرة يا مستر سمسم
انا عجبتنى فكرتك فى اننا ننشر الحمله عن طريق الورق المطبوع
وفيه ناس بدئت تقدم مساعدتها فى الموضوع ده
وعملنا لوجو الحمله بطريقه مختلفه مخصوص نقدر نطبع عليه الكلام
بس هيكون الكلام باختصار
واهم حاجه من المنشور ده
هو توصيل الفكرة لكل حد فى الكليه
وتجميع كل الناس من جميع الشعب
وهنبدء بطرح عليه فكرة رجوع التكليف
وازاى نقدر نرجع حقنا فيه
وان كل قسم يكون ليه افكار لتطوير الكليه
وهيبقى فيه معاد اول لاجتماع كل مجموعه من كل قسم
هيوصلها الفكرة وتستعد لمشاركه
وهتكون مسؤله انها توصل الموضوع لقسم بتعها كله
(على فكرة الموضوع مش سهل خااالص ...ومحتاج سياسة النفس الطويل وعدم الملل)
اهم حاجه ان مع اول يوم فى الدراسه يكون فيه ورق بدئنا نجهزه والكل يساعد فيه
(على فكرة يا دوددا صح ان التكليف اهم طلب ..بس متنسيش ان فيه ناس لسه مكملين فى الكليه ولسلهم بدرى دول بردو ليهم حقوق ومن حقهم انهم ياخدوها)

صورة اللى اتجهزة لطبع

شكرا ليكى نونا
والله فى افكار كتيرة مش عندى انا بس عند كل واحد مننا بس المشكلة اننا مبندورشى على اللى جوانا

و
دودا قصدها التكليف يرجع مش قصدها انة هيرجع للخريجين بس
مهوا لما التكليف لما هيرجع هيرجع للى فى الكلية كمان
يعنى مصلحة لينا كلنا

وانا معاكم ومستنى التواصل اكتر من كدة

زائر

يا حبيبتى نفس اللى سمسم قاله كداا بالظبط
الوقتى لازم ندور على حقين
حق الناس اللى هتتخرج واتخرجت وملقوش شغل او مش هيلاقوا شغل ( لانهم بالبساطه كداا ضاعت سنين الجامعه عليهم فى ذل وارف يبقى لازم التكليف يرجع عشان على الاقل يحس ان فى ميزه لكليتهم دى وطبعا التكليف مش هيرجع ليهم بس بالعكس هيبقى على اى دفعه بقى لسه موجوده
)
تانى حق هى حقوق الناس اللى لسه فى الكليه عشان ميشفوش اللى شفناه وكمان يبقوا استفادوا بسنين جامعه + وظيفه بعد التخرج
لو جيتى تحسبيها ياقمر هتلاقى ان لو الموضوع بجد لو اتحقق
اكتر ناس هتستفاد اللى لسه موجودين مش اللى هيتخرجوا
يبقى اهم طلب فعلا هو التكليف
الباقى طلبات فرعيه
ارجو تكون فكرتى واضحه

» عودة التكليف لخريجي كليات التربية
» مش عايزين نسيب حقنا
» عايزين ترحيب جامد جدا جدا
» عايزين تعرفوا البنات هايفه فى ايه ؟
» لو عضوين اتخانقو هتقف مع مين ؟؟, عايزين دم بأه