طاجن اللحم البتلوعلى الطريقة الإيطالية

المقادير:-
• كيلو لحم بتلو مقطع قطعاً صغيرة
• بصلة متوسطة الحجم مفرومة
• 2 فص ثوم مدقوق
• 2 حبة طماطم متوسطة مقطعة مكعبات صغيرة
• 1/2مكعب مرقة لحم أو مرقة دجاج
• 1/2 1معلقة كبيرة زبد
• 2 معلقة كبيرة زيت زيتون
• 1/2 كوب زيتون أسود أو أخضر منزوع البذر مقطعاً شرائح
• 1 حبة فلفل أخضر مقطعة قطعاً صغيرة
• 1 حبة فلفل أحمر مقطعة قطعاً صغيرة
• 1/2 كوب بقدونس مفروم
• 1 معلقة صغيرة زعتر
• 1 معلقة كبيرة صلصلة طماطم
• ملح وفلفل

الطريقة:-
1. قطعي شرائح اللحمة إلى قطع صغيرة، بعد كده سخني الزيت والزبد فى إناء كبير، وضيفي إليه البصل وقلبيهم مع بعض لمدة خمس دقائق، ضيفي إليهم الثوم واللحمة وقلبيهم مع بعض على النار لمدة ربع ساعة، أو لغاية ما تلاقي إن اللحمة لونها بقى بني.
2. بعد ما تلاقي إن اللحمة لونها بني ضيفي إليها الفلفل والطماطم وقلبيهم مع بعض لمدة ربع ساعة، وضيفي بقية المقادير مع 1/2 1 كوب مية وسيبيها لغاية ما تغلي..

3. هاتي طاجن وحطي فيه اللحمة ودخليها الفرن على درجة حرارة متوسطة (190 مئوية) لمدة نص ساعة أو لغاية ما تلاقي إن اللحمة استوت طلعيها وحطيها في أطباق التقديم.

لالالا
بجد مشكووووووووووووورة
كدة كتير والله
جعانه

زائر

انا والله اخدت الطريقه ووسيفتها وسط الطرق اللى عندى
عجبتنى موت
ياريت بقى تكترى من الحاجات اللى زى دى
حاجات سهله ومكوناتها متوفره
ميرسى ياقمر بجد جداااااااااااااااا

» طاجن‏ ‏اللحم‏ ‏بالخضر
» مكرونة بالفراخ على الطريقة الإيطالية...سهلة ولذيذة
» طاجن البطاطا السريع
» وصفة اللحم المفروم
» بازلاء بكرات اللحم